📜اسم القصيدة:طلع من برج المخيم
🎤أداء:سيد سلام الحسيني
🖋️كلمات:عزيز الفيصلي
ـــــــــــــــــــــــــــــــــــــــــــــــــــــــــــــــ
طـلع مـن بـرج المخـيم گـمر شـبل الحسـטּ
تهـلـهل للـصـوارم والـرمـاح ايـهـوسـن
عـروسـه ابـخيمـته تنـتظر زفته
ـــــــــــــــــــــــــــــــــــــــــــــــــــــــــــــــ
عله ثياب العرس جسام ..لبس لامه حرب عوده
يسطع نوره والشمسين .. يتلالن عله خدوده
وبليل الشعر مظفور .. خيط الشمس بجعوده
طلـع مـن بين المـخيم .. امـشمر لـلوغه زنـوده

امحـزم ابغـيرته وقـبضه يمنتـه ابصـارمه
اجه العمه وتضـج مـن عنده ريحـت فاطمه
جـمالـه و طـلعـته تـنتظـر زفـته
تـهلـهل للـصـوارم والـرماح ايهـوسـن

طـلع مـن بـرج المخـيم گـمر شـبل الحسـטּ
تهـلـهل للـصـوارم والـرمـاح ايـهـوسـن
عـروسـه ابـخيمـته تنـتظر زفته
ـــــــــــــــــــــــــــــــــــــــــــــــــــــــــــــــ
اگبـل جـاسم الـعمه .. ونـسم هـاب مـن عطره
وظل يشتم ابـو السجاد .. ريحه فاطمه الزهره
وظـل يتنشگ الأنـفاس .. لاچـن خنگته العبـره
چـن شاف الحسن مجبل .. اخـيه فـازع اينصره
تـعنالـه الحسـن مـن البقـيع الـكربـله
فتح باعـه و ينـادي يـاهـله وميت هـله
دمـوعه ابفـرحته تنتـظر زفتـه
تهـلهل للصوارم والـرماح ايهـوسـن

طلع من برج المخيم گمر شبل الحسـטּ
تهـلهل للصوارم والـرماح ايهـوسـن
عروسه ابخيمته تنتظر زفته
ـــــــــــــــــــــــــــــــــــــــــــــــــــــــــــــــ
اويلي من وصل جسام .. وشابگ حظن ابواليمه
مـثل الأكـبر واكـثر .. ظـل ايـحبه و ايـشمه
روح ابـروح صار وياه .. شلون يـروح من يمه
كلـما زفـه للـميداטּ .. يـرجع يـركض ايلـزمه
يـحس بالسم چبدتـه اتـگطعت مـن ودعـه
ويـزفه عـله المنايـه والسيـوف امـشرعه
وشـموعه ابـحومته تنـتظر زفـته
تهـلهل للصوارم والرماح ايهـوسـن

طلع من برج المخيم گمر شبل الحسـטּ
تهـلهل للصوارم والرماح ايهـوسـن
عـروسـه ابخيمته تنتـظر زفتـه
ـــــــــــــــــــــــــــــــــــــــــــــــــــــــــــــــ
الفارس بـالحرب قانـون .. يعلن كـون عنـوانه
ومن طب جاسم الحومه .. صاح ابن الحسن انه
ولمـن كـشف الـثامـه .. وشـافت حسنه عـدوانـه
من وجناته بـرگ السيف .. غـازل عيـن ميدانـه
غده ايـغوص ابـكتايبهه ويـدولب بـالگـلب
مـثل مـوج الـبحر يـگلب عساچرهـم گلـب
عـمامـه و اخـوتـه تنـتظـر زفـته
تهـلهل للصوارم والـرماح ايهـوسـن

طلع من برج المخيم گمر شبل الحسـטּ
تهـلهل للصوارم والرماح ايهـوسـن
عـروسه ابخيمته تنتظر زفـته
ـــــــــــــــــــــــــــــــــــــــــــــــــــــــــــــــ
ابـن اتلطعش لاچـن .. خـله الگـوم تشهدلـه
يگصد كل عجيد اصياح .. مستارث طبع اهله
وهوه ابن الحسن و الليث..من يخلف شبل مثله
داخت بي مسامي الجيش..من حسنه و حسن فعله
مـغرم ابزفـته ويلـعب لـعب بمـطهمه
وهـلاهـل عمته و امـه و عـروسه اتشيمه
وبـالخـيم حـنته تنتـظر زفـته
تهـلهل للصوارم والرماح ايهـوسـن

طلع من برج المخيم گمر شبل الحسـטּ
تهـلهل للصوارم والرماح ايهـوسـن
عروسه ابخيمته تنتظر زفـته
ـــــــــــــــــــــــــــــــــــــــــــــــــــــــــــــــ
بالسبعين الـف ماهـم .. طـب واگلب كتايبه
والماحسبتله احـساب ذلـهه وذل شـواربـه
بيهم نطه حگ السيف .. واتعـده مضـاربه
ولوغاص ابمشارجهه .. يطلع من مغاربهه
نـزل مـن ظهر المطهم حليـف المـرجلـه
شسـع نعله انگطع جـاسم يريـد ايعدله
هـلاهـل مهرتـه تنتظر زفـته
تهـلهل للصوارم والرماح ايهـوسـن

طلع من برج المخيم گمر شبل الحسـטּ
تهـلهل للصوارم والرماح ايهـوسـن
عروسه ابخيمته تنتظر زفـته
ـــــــــــــــــــــــــــــــــــــــــــــــــــــــــــــــ
مـاچـاטּ ابـوسط مـيدان .. لابـالگـوم حسـبالـه
بالسبعين الـف ماهـم .. عليهم شـرف نعـالـه
حقرهه البـطل جاسـم .. وانـذلت مـن افعـاله
جرت فرد جره اعليه .. وصابت غرت اهلاله
نـدب ياعمـي وينك عجل احظر زفتـي
حنت اچفوفـي صـارت عمـي من دم رگبتـه
و عروسه ابخيمته تنتظر زفـته
تهـلهل للصوارم والرماح ايهـوسـن

طلع من برج المخيم گمر شبل الحسـטּ
تهـلهل للصوارم والرماح ايهـوسـن
عروسه ابخيمته تنتظر زفـته
ـــــــــــــــــــــــــــــــــــــــــــــــــــــــــــــــ

📜اسم القصيدة: وحده الساقي
🎤أداء: سيد سلام الحسيني
🖋️كلمات: سيد آنور الموسوي
ـــــــــــــــــــــــــــــــــــــــــــــــــــــــــ
بدر اهله واهله رتلوا آية جماله
صلى على عيونه آله الحب تعاله
عم الائمة وحامي خدر الفاطمية
عباس لو صحنه تصد النه الزجية
ابو فاضل
في كل الازمان لاصح ولا چان
ساقي وعطشان غيره ابا الفضل
ما شاهدت عين من هيبته اثنين
ما يعرف احسين غيره ابا الفضل
اله سائل بيدي وحداقي
ابو فاضل وحده الساقي
ـــــــــــــــــــــــــــــــــــــــــــــــــــــــــ
عندك علم عن يمنته شنطت عطايه
بالحاظر اتشوف الگمر مو بالروايه
مدرسة حب الكافل اطهر النوايه
ويصنع زلم للمنتظر جود السقايه
مولاي ابو فاضل
رايه اعله الاسنين چف ولوه وعين
عباس اخو حسين مولاي ابا الفضل
خيمه وضوى وماي اعليه ما عله راي
للغيره سقاي مولاي ابا الفضل
ضوى كامل عالسماء راقي
ابو فاضل وحده الساقي
ـــــــــــــــــــــــــــــــــــــــــــــــــــــــــ
حرز العطاشه بكل زمن اسمه وحروفه
وكل غيرة الطامه من ومضة جفوفه
عين الزچيه وخافي بچفونه العقيله
واهل السماء واهل الارض صاحو دخيله
دخيل ابو فاضل
بالصوره ننخاه ونسولف وياه
جابوهه محياه مولاي ابا الفضل
يا ارحم عيون بيها أمن الكون
مانعشگه شلون مولاي ابا الفضل
الهوى راحل بس هوا باقي
ابو فاضل وحده الساقي
ـــــــــــــــــــــــــــــــــــــــــــــــــــــــــ
ما تاخذه اجفوف الزمان اليلزم ايده
ونتوسل امروته اليودينه العظيده
خدامك وطول العمر بيك احتمينه
مولاي قطره من وفائك خلي بينه
مولاي ابو فاضل
مدينه الك ايد ومنك وفه انريد
ترزقنه ياحيد مولاي ارحمنه ابا الفضل
لحسينك انصار ولصاحب الثار
ولا عنه نندار ارحمنه ابا الفضل
اله حاصل گلبي واشواقي
ابو فاضل وحده الساقي
ـــــــــــــــــــــــــــــــــــــــــــــــــــــــــ

📜اسم القصيدة: نخوة طفولة
أداء:سيد سلام الحسيني
كلمات: حيدر سامي السعدي
ـــــــــــــــــــــــــــــــــــــــــــــــــــــــــــــــ
يابابنة نخوة طفولة
حلم السفر عالي ارد انولة
الصار بعلي فحل الفحولة
عيدة اويه ابوي ولية لبي
حل مأزرة ياباب حلة
وامنح وكت شدتة الطفلة
بلجن يعالين لي واگلة
الباب رادك جا وگلبي
ياباب يالعايش ويانة
وتدري بمجاني يم مجانة
سويهة لالله بنيتة انا
ولو ما تعطلة عليك عتبي
سويها لالله بثوبة الزم
يحزمني بلجن لو تحزم
وثيابي المطشرة تلتم
وي خواتي يصير دربي
ياباب جارحني سرة النوگ
ويومن خواتي لية من فوگ
يردني وانا گلبي محروگ
وعيوني لهل الراي تربي
دمعة علة كل هودج تلالي
واسمع رقية بصوت عالي
يافاطمة يالله تعالي
وجلمة تعالي تزيد كربي
بعيوني اگلهن احجن وياي
ويشوف ياهي دخيلة بعباه
شفت بگفاه بس دار مگفاه
حزوز ثنعش وگلبي ما بي
يحجن عطش كل الملامح
وكل واگف تراوالي طايح
دافي الصدر للخيل رايح
وبرودة منه بضلعي تحبي
برودة الشلتهة من ذراعة
ميت يشابگني بوداعة
بجاني عمري ساعة ساعة
ويا عيني اخر ساعة صبي
ـــــــــــــــــــــــــــــــــــــــــــــــــــــــــــــــ

📜اسم القصيده:هاي ايامكم
🎤أداء:سيد سلام الحسيني
🖋️كلمات:حيدر شايع
ـــــــــــــــــــــــــــــــــــــــــــــــــــــــــــــــ
هاي ايامكم ياسادة السادة
هاي ايام غربتكم
الله يعابي گلبي المنكم مرادة
اذا فارگ مصيبتكم
منبوذة الايام المالكم بيهة
ومكروه العمر من دون دمعتكم
مدري شلون جاي نعيش مرتاحين
وانتم عالهزل راحت عقيلتكم
راحت والقيامة تأخرت لليوم
عجيبة تأخرت من طاح بيرغكم
ما ساخت الگاع ولا شتعلت نار
من طاحت عليهن ذيج خيمتكم
مدري شلون نشتم الهوة
ودخان نازل بيهة ريتكم
مدري شلون نشرب ماي
بارد والحسين يصيح انا عطشان
شيعتي مهما شربتو عذب ماءً فذكروني
او سمعتم بقتيلاً او شهيداً فندبوني
فانا السبط اللذي من غير جرماً قتلوني
خسرانين ونضل نمشي بالخسران
كون الي يضوگ الماي يبجي هواي
ويذكر شنهي صار بيوم انجفت عالگاع جربتكم
مدري شلون ما قامت قيامتكم
چبيرة يا مصيبتكم
ادگ بيبانكم كلهة
واتنقل دمع جاري على عتبتكم
وعلي الدنية واهلهة تروح فدوة لشوف گبتكم
طلبتي الگة كسر لجناح ما مكسور
ولگالي دليل لگبلي واندل وين غايتكم
يمتة الغارگ يشوف الوطن غالي
ويجي زحوف لسفينتكم
لاحت صدري غربة واجيت اخبركم
من غربيلكم خايف لذت بيكم
وعلي مجبور احاجيكم
انا المستني رحمة وخير اياديكم
وانا الريتي بعدهة تشيل ريتكم
الوصال الماتجرحة النوك
ما يعرف غريبتكم
وحجي الحب مالة كل تأثير
اذا ما عاش هزلتكم
العزاء دموعكم مو دمع اليحبون
الجروح جروح غيرتكم
العزاء لا مو مجرد لطم وقرايات
العزاء يعني بخرابة تنام علويات
العزاء يعني خرابتكم
العزاء مو دمعة التجار
العزاء طيحت عشيرتكم
منو اليدري التطب للشام
شني من عيشة عيشتهة
ومنو اليدري العقيلة شلون وگفتهة
المشت جوة الشمس عالنوگ
شينسيهة خيمتهة
ما تنسى ولا تنسة
ولا تنسون تروحتهة
اسيرة بلا هوادجكم
لمن تطلع امن الشام
يضيعون العرف بيهة
شكلهة تغير من الشام عمتكم
وبيوم اربعين حسين
تجي وتنسزف معاصمهة
من حبال غربتكم
ترد بس شترد زينب
اذا جانت عقيلتكم
لا هسة سبيتكم
ترة من دون رايتكم
ترد مكسورة ما جابت رقيتكم
ـــــــــــــــــــــــــــــــــــــــــــــــــــــــــــــــ

📜اسم القصيده: صباح العاشر
🎤الاداء: سيد سلام الحسيني
🖋️الكلمات: مصطفى صادق اللامي
ــــــــــــــــــــــــــــــــــــــــــــــــــــ
بده بصبح العاشر بالهموم
وعــطشانـه ورجـه الـگــوم
ويلاه واحسيناه

وصل ظهر العاشر بالانصار
لـــولادهـ الـــذبـــــح صــار
ويلاه واحسيناه

حان عصر العاشر بقه وحيد
مــاعــنــدهـ اخــو وحـيـد
ويلاه واحسيناه

طلعت الضوه بيهن نجوه
شياخذ الظلام منه لو هوه
لا غابت شمس ريت وعسى
كدامه وجره كل هل اسى
لو غمض منو يضل لنسى
ــــــــــــــــــــــــــــــــــــــــــــــــــــ
ما بقاله ساقي بالرجال
وعـطـشـانـيـن الاطفال
ويلاه واحسيناه

ناده منو يقدملي مهري
ياهـو كـضلي ضـهري
ويلاه واحسيناه

سمعته اخته وجابتله ميمون
تـمـشـي وتـعـثـر ام عـون
ويلاه واحسيناه

مهره جابته بشهگه شبگته
بـيدي لذبـح مقـدمه خوته
اعدل طولك الحاني گمر
تـحـزم بيه يلمالـك ضـهر
ودع والخـدر كله بخـطـر
ــــــــــــــــــــــــــــــــــــــــــــــــــــ
‏ ‏وصل جرف ‏الماي بعزم حاد
‏بـس عـيـنـه عـلـى أولاد
ويلاه وا حسيناه

‏الماي شالة ونادوله الظلام
‏راح نـــطـــيــح الــخــيــام
‏ويلاه واحسيناه

شمر المي جفه وبقه يفور
كـلــشــي ولا هـل خـدور
ويلاه واحسيناه

من النهر رجع والعدو جتمع
اولو ونـغدر والمهـر وگـع
ــــــــــــــــــــــــــــــــــــــــــــــــــــ
طايح وراد يشوف العيال
ســوه وســاده الــرمــال
ويلاه واحسيناه

سلاحه شوف عيونه وهل سلاح
خـلـى مـچــوي الاصـفاح
ويلاه واحسيناه

يدير طرف عيونه وي الخدور
وي كـــل فــاطــمــه يــدور
ويلاه واحسيناه

گصدو الخيم وانتهه بالم
والعدو رمه گلبه بالسهم
ــــــــــــــــــــــــــــــــــــــــــــــــــــ

📜اسم القصيدة: عرس الطفوف
🎤الرادود: سيد سلام الحسيني
🖋️الشاعر: سيد مرتضى الياسري
ــــــــــــــــــــــــــــــــــــــــــــــــــــــ
عرس بارض الطفوف
فرح بين الحتوف
الهلاهل للسيوف
بمضاربهن رنين

نزل للحومه شاب
على هيئه عذاب
قره باول خطاب
حبيبي ياحسين

حسين.. طلعت من روحه
حسين.. تم فرض جروحه

هلا مدلل عمامه... هلا بهاي الوسامه
هلا بوحي الجمال الهاشمي الماينخفي
عطر من خيمه طالع... فشل دور البراكع
الضوه يضاهي الشمس وين الشمس خل تنطفي

جميل.. حومته بحسنه عزاها
جميل.. غازلت شعره بهواها
جميل.. صوره بيها الجمال
بلغ اخر كمال... حسيني الخصال

شجاع.. تمشي ويا هاشميته
شجاع.. الحسن غارس حميته
شجاع.. على جده الامير
منو مثله يغير... حجه من الاخير
ــــــــــــــــــــــــــــــــــــــــــــــــــــــ
حرب نار وحديد
وبعث الها بريد
يشد شعسه يريد
ولاباله القتال

اله بحربه طقوس
المعاره التحني روس
حسبها اجمل عروس
وخذاها ابن الرجال

حسين.. أذن وطب ليها
حسين.. جاسم واليها

طبك خط الحواجب... دفاعاً على مضارب
عالكاوه حزم من طلته ايبين شرار

غضب بان اعلى عينه... نضح زوده بجبينه
شذر منه تبده من عرك وعليها غار

يريد..يفرض بالطف كلامه
يريد.. الحجي يلمه بحسامه
يريد..بيها ياخذ نصيب
ولخيام الحبيب.. نصر الها يجيب

شباب..بني هاشم بس فوارس
شباب..مدرسة تخرج اشاوس
شباب.. طبها زين الشباب
اجه شايل عذاب... بده مثل الحراب
عله وشعشع ضواه
ولمن يخفك لواه
خسف يصبح وراه
لان صيده الثكال
ــــــــــــــــــــــــــــــــــــــــــــــــــــــ
يدمدم من يغير
وجماله اكثر يصير
وعدوه بي يحير
المفر منه محال

حسين.. حياه واشتدت
حسين.. ودروب انسدت

هلا بحسن الهواشم... هلا بزودك يجاسم
هلا بهاي الشهامه الالها عباس ابتسم

نزل وبكلبه نيه.. يحني الغاضريه
العرس بالحومه قرر شد على الشكره وعزم

يميل.. الجيش اذا مالت مهرته
يميل.. عالكتيبه وكلها حصته
يميل.. سيفه فوم الركاب
امتطه ظهره السحاب... هلا بالمايهاب

وراه.. بينت كسره بزلمها
وراه.. ذلها من طيح علمها
وراه.. ابو فاضل يشوف
لوه اذن الطفوف... واحد ذل الوف
ــــــــــــــــــــــــــــــــــــــــــــــــــــــ
كريم بطبع ابوه
ويعزب للاجوه
اطلبو منه موت وخذوه
هلا بابن الكريم

قراره الانتصار
اليشوفه بوصفه حار
الحسن لو ذو الفقار
شبه جده العظيم

حسين.. سر بجسامه
حسين.. وانشد حزامه

خيم بيها امهاته.. يشوفه اشحلاته
عطر هب عالمخيم واليشمه تردله روح

لجن كلب اليتاني.. كفت بيه الاماني
تتاني رمله عرسه وتالي شافت بس جروح

حبيب.. تظلم خيامه بدونه
حبيب.. يذبل الفارك عيونه
حبيب.. قاسم الامنيات
خذو ويا حياة... كلب بشوكه مات

مصاب.. عاتب لرمله المنيه
مصاب.. شخلت الها الغاضريه
مصاب.. بده هذا العذاب
بدر اعلى التراب... حجت بلا جواب
ــــــــــــــــــــــــــــــــــــــــــــــــــــــ
تنادي راح اموت
ردت يوليدي صوت
ذبحني هالسكوت
اضل اسنين انوح

عمر عشته بدلال
ونهايه هالجمال
صبح حصت الرمال
وانه حصتي الجروح

حسين.. بي شم الخوه
حسين.. ظل بلا سلوه
ـــــــــــــــــــــــــــــــــــــــــــــــــ

📜اسم القصيده:بسكته الدفن صار
🎤أداء:سيد سلام الحسيني
🖋️كلمات: حيدر شايع
ـــــــــــــــــــــــــــــــــــــــــــــــــــــــــــــــ
عمه شفتهم عمه ادفنتهم
بسكته الدفن صار
بسكته الدفن صار
لو شيعتهم
هم چفنت خواني عمه
هم چفنت خواني عمه
ابــن امي عفته عاري جسمه
ما غسليت الراح هدمه
هم چفنت خواني عمه
ابــن امي عفته عاري جسمه
ما غسليت الراح هدمه
شگد دمع بجيت ..گلهه يا عمه
والجرح چبير
دفنة الغريب ..بكربله حيرة
وبالدفن احير
شگد دمع بچيتً.. گلهه يا عمه
والجرح چبير
دفعة الغريب .. بكربله حيرة
وبالدفن احير
جسمه متوزع .. بالفلا كلهه
وشلته بالحصير
المتگطعه چثته .. شيحمله.. وشيجمعه
حتى بدفنته .. ماودعه .. ولا اشيعه
ـــــــــــــــــــــــــــــــــــــــــــــــــــــــــــــــ
حتى بدفنته .. ماودعه .. ولا
ـــــــــــــــــــــــــــــــــــــــــــــــــــــــــــــــ
ابـــن امي عفته
و ودعته سكته
ابـــن امي عفته
و ودعته سكته
لا هو الشبگني
ولاني الشبگته
من جرني گلبي لصوب اخيه
جرني الحبل حيل من اديه
من جرني گلبي لصوب اخيه
جرني الحبل حيل من اديه
وعفته على الغبره رميه
بگد غلات اخوي .. كون اون علي
بساعه الدفن
بگد غلات اخوي .. كون اون علي
بساعه الدفن
لا ضلت اخت .. لا ضلت بنت
اتوٓلوٍل و تون
بموتته وحيد .. بدفنته وحيد
اشكبره هالحزن
بگد غلات اخوي .. كون اون علي
بساعه الدفن
لا ضلت اخت .. لا ضلت بنت
اتوٓلوٍل و تون
بموتته وحيد .. بدفنته وحيد
اشكبره هالحزن
لا يمه اخته .. لا نايح .. لا دمعه
لا يمه اخته .. لا نايح .. لا دمعه
ـــــــــــــــــــــــــــــــــــــــــــــــــــــــــــــــ
حتى بدفنته .. ماودعه .. ولا اشيعه
ـــــــــــــــــــــــــــــــــــــــــــــــــــــــــــــــ
ماني بمرامي
من عفته دامي
أخذوني گوه
وخليته ضامي
عطشان صاح اسگوني بالماي
وذباح اجا ما اجه الراوي
هلبت سگيته بنحره بهداي
عطشان صاح اسگوني بالماي
وذباح اجا ما اجه الراوي
هلبت سگيته بنحره بهداي
بذني تدوي حيل .. صرخه العطش
تبقى للابد
گلهه بالدموع .. گطرت علي
وصاح الي بعد
دمع الذرفته .. للضامي .. شينفعه
ـــــــــــــــــــــــــــــــــــــــــــــــــــــــــــــــ
حتى بدفنته .. ماودعه .. ولا اشيعه
ـــــــــــــــــــــــــــــــــــــــــــــــــــــــــــــــ
يعين الله حيله
الدافنله عيله
وبگلبك اشصار
وروحك عليله
عمه بحفرته الينزلونه
خده اليمين ايوسدونه
وامحير اخوي اليدفنونه
راسه ع الرمح .. ونحره منذبح
وگلبه محترگ
درته ع اليمين ؟..هم اله يمين
الجسمه منسحگ؟
يا هو مثل اخوي .. هيچي بي يصير
ومنه افترگ
تكتل فرگته .. مذبوحي .. شيرجعه
ـــــــــــــــــــــــــــــــــــــــــــــــــــــــــــــــ
حتى بدفنته .. ماودعه .. ولا اشيعه
حســــــــــــــــين

📜اسم القصيدة:صاحت حميدة
🎤أداء:سيد سلام الحسيني
🖋️كلمات:سيد آنور الموسوي
ـــــــــــــــــــــــــــــــــــــــــــــــــــــــــــــــ
بالكوفة وتلاگن حميدة وطوعه
وتگابلن مفجوعه وي مفجوعه
طوعه اجت وتحشم
تناشدمن وبنت مسلم
ومن گربت عرفتها من اوصافه
صاحت حميده احجيلي
عن والدي الهد حيلي
روحي بدت ضيعتها بخلافه
كلها ضل وحده ابوج
ماكو ناصر يعينه
الكوفه دارت عليه
وماله اخو بس يمينه
وعلى القصر شفته دار
كربله ترابي عينه
فوك المها فجعها
وعالهزل هل دمعها
طفله يجرح وضعها…غريبه
بين ابوها واخوها
انفجعت وحيروها
شتحمل وشوفها…مصيبه
يا عذاب…شچم مصاب مسره نوگ واغتراب
بويه وين… افتحلي عين ياسفير هل الحسين
ـــــــــــــــــــــــــــــــــــــــــــــــــــــــــــــــ
اتكلها يطوعه شلون اعد احزآني
گلبي چمر وتلوعت بخواني
ياطوعه ماشفتيهم
بلچن الي ادوريهم
وياج اريد اجيب بس نظري…بجفوفي
روحي انتِ الهم واني
ابقى بهضم عدواني
بس لا ذبحهم دهري…كل خوفي
كل دلالي نسيت
ويه اهلي من ودعوني
هسه كل حلمي صار
كون اخوتي يجوني
ويانا صح هم عذاب
بس يخف من شچوني
الزمن حيراني
هم اخوتي ابتلاني
والدي الفارگاني…بسبينا
هذا حال الغريبه
من مصيبه المصيبه
وگلبي سكته نحيبه…ونينه
جاي اموت…بلايه صوت كوه صاح بالسكوت
بويه وين…افتحلي عين ياسفير هل الحسين
ـــــــــــــــــــــــــــــــــــــــــــــــــــــــــــــــ
فچئه حميدة اتلفتت بالكوفة
وبلا علم لن راس ابوها اشوفة
صاحت غيابك هدني
ست اشهر امفارگني
بس راسك ايلاگيني…يابويه
تانيت واشتاگيتگ
وشديت ايدي وجيتگ
بهذه الشكل تاذيني…يابويه
بيا وضع شوف اجيت
بويه افتحلي عينك
كلي انوحن عليك
لو انوح البنينك
مارحمني الزمان
المني ماخذ حنينك
بويه اسمع شكوتي
ضيعتهم اخوتي
وانتظر بلكي موتي…يجيني
شلون اباوع اعله منحر
والدي واصبر اكثر
حزني من عندي اكبر …سنيني
ماكو روح…بس جروح كلشي خوف تبچي نوح
بويه وين…افتحلي عين يا سفير هل الحسين
ـــــــــــــــــــــــــــــــــــــــــــــــــــــــــــــــ
لحزانك انفك باب لو احزاني
لو احجي ضاعوا ليش بويه اخواني
بكربلا حاطونه
ومن العذب منعونه
يابويه وتغربنه …بالهيمه
ضل عمي حاير وحده
والجيش عنه ايرده
النار بعده جتنه…للخيمه
ويه اخوتي الزغار
اتلازمينه وركضنه
من لكينه الخيول
كوه بويه افتركنه
حيرتي الهم اروح
لو ادور اهلنه
يربي ضل شوفي الهم
شكد ندبت بظهرهم
بالفزع ضيعتهم…شجيهم
چف لزمهن اديه
التفت لنها هي
ادور امي عليه…وعليهم
بويه وين…افتحلي عين يا سفير هل الحسين
ـــــــــــــــــــــــــــــــــــــــــــــــــــــــــــــــ

📜اسم القصيدة:ما جيت
🎤أداء:سيد سلام الحسيني
🖋️كلمات:سيد آنور الموسوي
ـــــــــــــــــــــــــــــــــــــــــــــــــــــــــــــــ
ما جيت وحتركت الخيمه
ويه ذكريات الخيم بلخيم ما جيت
منتظره بس اركض دورتك بذاك الالم

نار الخيم بذيالي
منتظره ما حسبالي
تكطع بعد يالغالي
ـــــــــــــــــــــــــــــــــــــــــــــــــــــــــــــــ
هواي الضروف ألبّيها تانيتك تجيني
من حرگو الخيمه الك صديت عيني
ذاك الفزع والخوف ما غير حنيني
ونيت بس دخانهم غيب ونيني
من يمته رايدلي الصبر
وتترك رقيتك تنتظر
يا بويه من بين الجمر ناديتك
نار الخيم حجة گلب
يلهيني عنك يا رعب
ردتك تجي بعيد الدرب حاچيتك

ما جيت
من ركضن اجدامي
اليامه بحضن چفك مشن
ما جيت
عاالناكه من صحتك
يا بابا طلعو با الضعن

ع الأقل چا ودعتك
مو هاي حاله بنتك
هجرك شسوه بحالي
ـــــــــــــــــــــــــــــــــــــــــــــــــــــــــــــــ
نار الخيم بذيالي
منتظره ما حسبالي
تكطع بعد يالغالي
ـــــــــــــــــــــــــــــــــــــــــــــــــــــــــــــــ
يلعلمتني اشتاگلك لو گابلتني
ليش اعله تجرّبه اليتم ما علمتني
ما علمتني اسهر واداوي جروح متني
ما علمتني الحيله بعدك لو عفتني
حسبالي ابقه مدلله
حسبالي تبقه العايله
فجئه وصحيت بكربله من احلامي
اصفن وارسمنك تمر
واركضلك بحبل اليسر
وحد الحبل ما ينعبر لاوهامي

ما جيت
چنت اسهر انتظرك
واتوسل تمرني بحلم
ما جيت
اتوسلك باسمي
مو حاسبه انــت أجمل اسم

تحاوط الصحره عيوني
كلساع ويصحوني
من صفنتي وامالي
ـــــــــــــــــــــــــــــــــــــــــــــــــــــــــــــــ
نار الخيم بذيالي
منتظره ما حسبالي
تكطع بعد يالغالي
ـــــــــــــــــــــــــــــــــــــــــــــــــــــــــــــــ
ما جيتني من ذبلن عيوني الليالي
ما جيتني من كثرت عنك سوالي
مدللني چا ليش أقبلت يندار حالي
ع الناگه وأحلم حضنك يگلي تعالي
من ما اجًيت المن رحت
اسمع حچي وما فسرت
أشكال . تنور وطشت حاچيني
آٌنـّه الاحتاجك مو هذن
انه النواضرها عمن
يا بويه تعبني الزمن لگيني

ما جيت
ذني الرحت الهن
مو مثلي مشتاگات الك
ما جيت
شو ما تجاوبني
ما چنت ترضئ اتوسلك

نمت بخرابه لعينك
منتظره واسأل وينك
وصورتك تتراوالي
ـــــــــــــــــــــــــــــــــــــــــــــــــــــــــــــــ
نار الخيم بذيالي
منتظره ما حسبالي
تكطع بعد يالغالي
ـــــــــــــــــــــــــــــــــــــــــــــــــــــــــــــــ
يا والدي من چيتني بطشت الرزيه
شتدريها تتحمل دمه خضابك رقيه
المفروض من بعد العذاب المر عليه
لو ترضي عيني بشوفتك لو ترضي أديه
وين ابتسامه وجنتك
شيقنع عيوني بحالتك
وايدي اللي تشبگ رگبتك شرضيها
لو ما چنت تعرفني من
جيت انده باسمك وأون
الغير معانيها الحزن ناسيها

ما جيت
بنتك ومن حقي
تمرني بجمالك وابتسم
ما جيت
مثل التخيلته
وبقيتلي عيونك حلم

طولك التارس عيني
راح وآخذها سنيني
والموت ضل يحلالي
ـــــــــــــــــــــــــــــــــــــــــــــــــــــــــــــــ
نار الخيم بذيالي
منتظره ما حسبالي
تكطع بعد يالغالي
ـــــــــــــــــــــــــــــــــــــــــــــــــــــــــــــــ
حســــــــــــــــــــــــــين

📜اسم القصيدة: ياخويه راح العباس
🎤أداء: سيد سلام الحسيني
🖋️كلمات: عبد الله الفريجي
ـــــــــــــــــــــــــــــــــــــــــــــــــــــــ
راح اليفيلج امس
بيرغه من ضي الشمس
البي خيامج تنحرس
زينب الطمي اعله الراس
ياخويه راح العباس

راح اليحامي عالحرم
بعيونه حارسه الخيم
ورقيه ما ضل اله عم
ساعه وخيمجن تنداس
ياخويه راح العباس

الگمر يا اخت الگمر
خليته يم شاطي النهر
ورديت مكسور الظهر
وشمتت بيه الناس
ياخويه راح العباس

خليته يم المشرعه
وچفوف اديه امگطعه
والسهم شوفه امضيعه
ومهشوم راسه العباس
ياخويه راح العباس

ياخويه حيد الحيود
فوگ الترب ضل ممدود
وعينه تصد اعله الجود
خايف عليه لا ينچاس
ياخويه راح العباس

حاچيته يرجع وياي
وكلي اعتذر يامولاي
ماجبت لسكينه الماي
واعتذر راعي النوماس
ياخويه راح العباس

يالما بقالج ضرغام
ياخويه ودعي الخيام
وتحضري الطبت الشام
ياخويه راح العباس
ــــــــــــــــــــــــــــــــــــــــــــــــــــــ

📜اسم القصيدة: طفلة بمتن طفلة
🎤أداء:سيد سلام الحسيني
🖋️كلمات: مصطفى صادق اللامي
ــــــــــــــــــــــــــــــــــــــــــــــــــــــ
طفلة بمتن طفلة الراس ضل محني
عگب حسين كعده اينام ياضعني
طفلة بمتن طفلة وليل ما چن ليل
مهجوره الخرابه وصدى اصوات الخيل
حتى النوم صار اعله الفواطم ويل
تفز كلساع حره اتصيح اريد ابني
حـسـيـن
طفلة بمتن طفلة وصوت ضحك الگوم
يعله بصفنه رادو ننجرح بالنوم
وشعلوا نار حتى الهوى ايمر مسموم
هذا الهوى الهاب خلافه عذبني
طفلة بمتن طفلة وآه تتبع آه
والملچوم متنه منين اجيب دواه
ياهو اليرضه چتال اخوته اترجاه
ماريدن دواه البهلي راعبني
طفلة بمتن طفلة والتراب اغطاي
وما اگصد الماي بيوم ردت الماي
بلگت يجي الجود وشايله السگاي
شلون اشرب من ايده البيده سلبني
طفلة بمتن طفلة ايفزن من الخوف
وبس يعله بچيهن جيش طب اصفوف
كون اعله النهر ما طايحات اچفوف
جا هسه بمخيم ينطبگ چفني
طفلة بمتن طفلة والفجر لو طر
چف بچف فواطم فاطمة تنجر
مخطر ليلي صح بس النهار اخطر
وضلت نايبه اعله نايبه تذبني
طفلة بحبل طفلة والشمس تعله
واليمسح چبينه لازم بحبله
وحبل يتبع حبل طفلة بأثر طفلة
يطيحن والوكت بطفالي دولبني
طفلة بحبل طفلة وشامي حادينه
مسرع بالمشي وماله رحم بينه
ومن يبطي عرفنه وين طبينه
يهل الشامي تاليها حده بضعني
حـسـيـن
ــــــــــــــــــــــــــــــــــــــــــــــــــــــ