💌 كنت ولا أزال أرى أن مفتاح إنجاز المهمات الصعبة هو: (ادْخُلُوا عَلَيْهِمُ الْبَابَ فَإِذَا دَخَلْتُمُوهُ فَإِنَّكُمْ غَالِبُونَ).

نبقى كثيراً مترددين في تيه التثاقل وتأنيب الضمير وحمل الهم وضوائق تراكم الأعمال، وليس بيننا وبين تحصيل المطالب -بعد توفيق الله- سوى المصابرة الأولى على مُرِّ البدايات.

✒️ عزام الغطميل

📌 https://t.me/Riad_Elwahy 📌

"لا يوجد أي شيء على الإطلاق يضمن لك الفاعلية والإنجاز إلا أن تبدأ العمل بالفعل، ومن لديه مشكلة في البداية= فلا يوجد أي حل على الإطلاق لهذه المشكلة، إلا أن يبدأ بالفعل، ثم ينتقل بعد تحدي البداية إلى تحدي المواصلة، ثم إلى تحدي الاستدامة"

💌 ‏الورد القرآني اليومي ليس لاغتنام الأجر أو ضبط المحفوظ من النسيان فقط، بل هو كذلك مراجعة يومية للأفكار والمعتقدات والأخلاق التي يتبناها المرء، فيعرضها يومياً على القرآن حتى لا يزيغ عن طريقه وهو لا يشعر.

✒️ وليد العاصمي

📌 https://t.me/Riad_Elwahy 📌

في الثانوي .. في الجامعة
أو بالأحرى
في مرحلة اكتشافنا للحياة .. وتحديدًا لما أُفُقنا يتوسّع وندرك إنو في مجتمعات وطبقات مختلفة
ناس محتاجة.. وناس ما لاقية حقّ الوجبة
وغيرهم ببيت في الشارع

هنا ..وفي المرحلة دي من مشوار حياتنا
بتبدا هِمّتنا ..
وبتحرك جُوّانا شعور العطاء
وبنبدا رحلة البحث عن باب خير ندُقّو وندخل بيهو على المجتمع ده

مجتمع التطوع واسع شديد .. وكبير!
محتاج مننا ندرك مفاهيم أكتر
بحيث إننا نمشي في مسار صحيح

نمشي؟
بدايةً ..
وقبل ما نخُت رجلنا في عتبة التطوّع
لازم في كل خطوة نجدِّد نِيّتنا .. ونحتسب الأجر
وزي ما قالوا ..
"إذا أردت أن لا تندم على شيء،، فافعلهُ لِوجهِ الله"

تاني حاجة ..
أكتر شي مفروض ننتبهِ ليه
إننا في مجال التطوع ده .. زي الأفراد الفي المجتمع
كل زول فينا جايِّي بي خلفية مختلفة،، ومن بيئة مختلفة
وبي مهارات كذلك مختلفة

فينا الـ حيكون ممتاز في الجانب الإداري
وفينا الزول الزابط في المعارض التعريفية وبعرف يوصِّل للناس أفكارو .. وفينا البِحب الشغل الميداني

أعرف نفسك انت وين؟ما لازم تمسك إدارة مكتب أو تكون قائد ومُتصدِّر

ممكن تكون متطوع ما معروف حتى بين الناس .. بس عند ربنا قدرك عالي ورفيع
وده الأهم!
يمكن الواحد فينا بلقى نديدو أو الزول الدخل معاه المنظمة في نفس الزمن .. بعد شهور قليلة بقى مدير إدارة أو بقى معروف في الوسط الطوعي

والحاجة دي ممكن تولِّد جوّاه شعور ما طيِّب تجاه نفسو
ويبدأ يقلل من قيمة نفسو وتقدير ذاتو
بس زي ما قلنا
كل زول عندو جانب هو مميز فيه
شوف نفسك انت بتقدر تبدِع وتتميّز وين .. وشِد حيلك هناك

يبقى خُلاصة مقالنا الليلة حاجتين
أولاهُم النِيّة .. والتانية أعرِف نفسك عشان تقدر تتميز وتضع بصمة وأثر وتبني بلدك من خلال مكانتك دي!

خِتامًا
طيلة الفترة الجاية إن شاء الله حيكون شعارنا
"تطوَّع؛ تسعَد أنتَ أوّلًا"

تمنِّيَاتي لكُم بالسعادةِ والخير .. ♥️

#صفِيّة_مُصطفى

في محاولة كِده .. لاستخراج شاعِرة من جُوّاي بأي طريقة.. أها كيف وكيف! 😂♥️

في الأيام المُباركة دي
كتروا من الدعاء.. والتكبير والتهليل

وادعوا لي ابوي .. ربنا يواليهو بالعافية ويقوم لينا بالسلامة 🙏🏾✨

"نورٌ في الأجواء تألّق
هبّ نسيمٌ يحمل طِيبه". 💗

فيكم زول
حصل اتخيّل أول لَيلة في الجنّة؟

أو اتخيّل لحظة التِقائهِ بالنبيِّ ﷺ عند الحوَض
أو حين رؤيةِ وجههِ الكريم عزّ وجل!
...
ربِّ أرِح قلوبنا
..
وارزُقنا جنّتك ونعيمًا لا ينفَد
♥️

اللَّهُمَّ ربّ الناس
أذهِبِ البأس
واشفِ والدِي شفاءً لا يُغادِرُ سقَمَا ..

أمة إقرأ عبارة عن : متجر إلكتروني للكتب الدينية و الثقافية | كتب تعليم اللغات | الروايات | قرطاسيات مدرسية | هدايا أعياد الميلاد | مصاحف ملونة | و الكثير

ده متجر هدايا ..
واحد من مشاريع أحد زملاء مرحلة الثانوي ..
ودي حاجة لطيفة انو الزول يشوف نجاحاتهم ويشاركها معاكُم..
ده رابط القروب على فيسبوك ..

انضمُّوا وعيشو البهجة ❤️🔥

https://www.facebook.com/groups/2460582387552006/

الراحة النفسية في سورةِ طه .. وبصوت القارئ هزاع 💙✨

مفكّرتُكَ ذاكِرتُك؛
يمكنك دائمًا أن تعودَ إليها حين تنسى مَن تكون 💛

لمّا تلقى كل الناس دي بتذكّر بعض بي صيام يوم عرفَة.. وبالدعوات فيه

معناها أكيد الأمر عظيم..!
والشاهد على كده إنو السلف كانو يدّخِرون حاجاتهم لدعاء يوم عرفة
وقال أحد الصالحين :
"والله ما دعوت دعوة يوم عرفة وما دار عليها الحول إلا رأيتُها مِثلَ فلقِ الصُبح" ..

أدعوا لنفسكم ولي أحبابكُم .. وما تنسوني من الدعوات.. وانتو في دعواتي برضو.. ♥️

( الأُخُوّة :
أن يُطمْئِنَنِي اللهُ بِقُربِكَ قائِلًا :
"سَنَشُدُّ عَضُدَكَ بِأَخِيك" )
♥️

يا أحِبّة..
كل سنة وانتو بخير وصحة وسلامة
ربنا يرزُقكُم كل ما تتمنُّوا
ويعوِّضكُم بالجَمِيل؛ عن كُل فَقْد ♥️

إِيّاكَ والعودَة.. لِرسائلِك القديمة
إِيّاكَ أن تنبشَ أحزانَكَ بِيَدَيك!

إن استوحشتُم يومًا
فاطرُقوا أبواب السماءِ إنّ الصَّديقَ الطيّبَ رِزق؛
"و في السماءِ رزقُكُم و ما توعَدُون" 💚

رزقنا اللَّهُ وإيّاكُم يا أحِبّة ♥️

أَليسَ غريبًا..
أن تفرَح لأنك شخصٌ ذو عقلٍ متفتِّحٍ وذا أفُق

أنك تستطيع أن تُغمِضَ عينَيك فتتخيّلَ كلّ جميل

وأنك مُتعَب.. مُتعَبٌ مِن كونك صاحِبَ خيالٍ خصب

تتمنى لِلحظة.. لو كُنتَ دون عينٍ لمّاحة
رُبّمَا وقتها
نمت مرتاح البال .. دون استرسال!

#صفية_مصطفى