"يخطو الإنسانُ بِقلبهِ ما لا تُطيقهُ القدم" ❤️✨

مِثلُكِ أنا...
تكسِرُنِي لحظَاتُ الوداع
مِساحاتُ الانتِظار ..
و اللّقاءاتُ الباهِتة!

-صفِيّة مُصطفى💜

النشيد ده... من أكتر الأناشيد اللي بتمسح عن قلبي الحُزن

استمتعوا بالرّاحة النفسية اللي في كلماتو.. ♥️✨

شباب
كيف حالكُم في اليومين اللي فاتو؟
قريتو المقالين من كتاب مسلكِيّات؟!

لكُم العُتبى
كان عندنا عزاء،، فما دخلت نت

اليوم ح نواصل من جديد إن شاء الله ♥️

مساء الخير عليكم..
اشتقت ليكم شديد .. وبعتذر عن الغياب
بتمناكم بي خير وعافية وماف زول فيكم عندو عوجة ♥️

امبارح سجّلت الحلقة الأخيرة من الموسم التاني في برنامج "شُكرًا وعفوًا" ..للهِ الحمدُ والمِنّة 🌸


وبما إني كنت غايبة الأسبوع الفات فما اتسنّى ليّ أشارك معاكم الحلقة الفاتت،،

ح انزل ليكم لينك الحلقة ومقدمة بسيطة عنها ♥️✨

مع كُتر التكرار ..وفي زمَنّنا الصعب ده
معاصي كتيرة .. وذنوب
بِقت في نظرنا (عادِي)

وبقينا حتى ما قادرين نرجع نتوب عنها
يا إما بسبب إننا حسينا إنو بقى عادي .. أو خلاص قِنعنا من روحنا ..

كيف نتعامل مع الانتكاسة وذُنوب الخلوات والمعاصي

ده موضوع حلقتنا

متابعة طيِّبة يا شباب.. ♥️✨

وشُكرًا
وعفوًا

#صفية_مصطفى

Listen to شكراً وعفواً2 - الحلقة 3 - التعامل مع الإنتكاسة و الذنوب by قناديل #np on #SoundCloud
https://soundcloud.com/qanadeelmedia/2-3a

لم أخشَ يومًا يا صديقي عتمةَ الليالي .. أو طُول الطريق
لم أشكُ مرّةً ، من تعثّرِ الخُطى ، ومشاقّ الدرب !
فقد كان لي رفاق !

كانوا يأنسون بي ، وكنتُ ءأنسُ بِأُنسِهم !
لقد كنتُ لهم يا صديقي .. قنديلا
يراعةً صغيرة ، تُشعّ بضوئها الأخضر وسط العتمة
فراشةً .. خرجت من شرنقتها للتّو
زاهية الألوان .. مفعمةً بحبّ الحياة !

لكنهم .. ورغم كل هذا ..
تركوني ..
ما أن تعبتُ من المسير ، وانهكتني خُطاي
تبَدّلوا !!

لقد كسروني !
وبعدها .. ما عدتُ أنا أنا !

وأنا التي .. لطالما حاولتُ تطييب جراحِهِم ، صرتُ المصابة بجرحٍ لا يطيب
وأنا التي .. دائمًا ما أحاوِل ألا أترك ندبةً في قلبِ أحدهم
صارَ قلبي مليئًا بالنّدوب
حتّى سمعتُ صوتًا في البعيدِ يقولُ لي :

" اللّه ..
حين يرحلُ الجميع .. ولا يبقى أحد
اللّه ..
لا يترُكُ المتروكين
وليس على الأرضِ من أسًى .. لا تستطيعُ السماء مداواته " !

حتّى إذا تحسستُ قلبي بيدي ..
وجدتُ أنّ كل الندوب التي به اختفت ..
مُنذُ أوّلِ "يا اللّه" قُلتها !

وكأنّ دموع العينِ تنسكبُ على القلبِ فتغسِلهُ !

فوَاللّهِ هذا القلب .. لم يُخزِهِ اللّهُ أبدا

وكما قالَ أبو القاسِم الشّابِّي :

"النّورُ في قلبِي .. وبينَ جوانِحِي
فعلَامَ أخشَ السّيرَ في الظلمَاءِ" !

- صفيّة مُصطفى

💌 كنت ولا أزال أرى أن مفتاح إنجاز المهمات الصعبة هو: (ادْخُلُوا عَلَيْهِمُ الْبَابَ فَإِذَا دَخَلْتُمُوهُ فَإِنَّكُمْ غَالِبُونَ).

نبقى كثيراً مترددين في تيه التثاقل وتأنيب الضمير وحمل الهم وضوائق تراكم الأعمال، وليس بيننا وبين تحصيل المطالب -بعد توفيق الله- سوى المصابرة الأولى على مُرِّ البدايات.

✒️ عزام الغطميل

📌 https://t.me/Riad_Elwahy 📌

"لا يوجد أي شيء على الإطلاق يضمن لك الفاعلية والإنجاز إلا أن تبدأ العمل بالفعل، ومن لديه مشكلة في البداية= فلا يوجد أي حل على الإطلاق لهذه المشكلة، إلا أن يبدأ بالفعل، ثم ينتقل بعد تحدي البداية إلى تحدي المواصلة، ثم إلى تحدي الاستدامة"

💌 ‏الورد القرآني اليومي ليس لاغتنام الأجر أو ضبط المحفوظ من النسيان فقط، بل هو كذلك مراجعة يومية للأفكار والمعتقدات والأخلاق التي يتبناها المرء، فيعرضها يومياً على القرآن حتى لا يزيغ عن طريقه وهو لا يشعر.

✒️ وليد العاصمي

📌 https://t.me/Riad_Elwahy 📌

في الثانوي .. في الجامعة
أو بالأحرى
في مرحلة اكتشافنا للحياة .. وتحديدًا لما أُفُقنا يتوسّع وندرك إنو في مجتمعات وطبقات مختلفة
ناس محتاجة.. وناس ما لاقية حقّ الوجبة
وغيرهم ببيت في الشارع

هنا ..وفي المرحلة دي من مشوار حياتنا
بتبدا هِمّتنا ..
وبتحرك جُوّانا شعور العطاء
وبنبدا رحلة البحث عن باب خير ندُقّو وندخل بيهو على المجتمع ده

مجتمع التطوع واسع شديد .. وكبير!
محتاج مننا ندرك مفاهيم أكتر
بحيث إننا نمشي في مسار صحيح

نمشي؟
بدايةً ..
وقبل ما نخُت رجلنا في عتبة التطوّع
لازم في كل خطوة نجدِّد نِيّتنا .. ونحتسب الأجر
وزي ما قالوا ..
"إذا أردت أن لا تندم على شيء،، فافعلهُ لِوجهِ الله"

تاني حاجة ..
أكتر شي مفروض ننتبهِ ليه
إننا في مجال التطوع ده .. زي الأفراد الفي المجتمع
كل زول فينا جايِّي بي خلفية مختلفة،، ومن بيئة مختلفة
وبي مهارات كذلك مختلفة

فينا الـ حيكون ممتاز في الجانب الإداري
وفينا الزول الزابط في المعارض التعريفية وبعرف يوصِّل للناس أفكارو .. وفينا البِحب الشغل الميداني

أعرف نفسك انت وين؟ما لازم تمسك إدارة مكتب أو تكون قائد ومُتصدِّر

ممكن تكون متطوع ما معروف حتى بين الناس .. بس عند ربنا قدرك عالي ورفيع
وده الأهم!
يمكن الواحد فينا بلقى نديدو أو الزول الدخل معاه المنظمة في نفس الزمن .. بعد شهور قليلة بقى مدير إدارة أو بقى معروف في الوسط الطوعي

والحاجة دي ممكن تولِّد جوّاه شعور ما طيِّب تجاه نفسو
ويبدأ يقلل من قيمة نفسو وتقدير ذاتو
بس زي ما قلنا
كل زول عندو جانب هو مميز فيه
شوف نفسك انت بتقدر تبدِع وتتميّز وين .. وشِد حيلك هناك

يبقى خُلاصة مقالنا الليلة حاجتين
أولاهُم النِيّة .. والتانية أعرِف نفسك عشان تقدر تتميز وتضع بصمة وأثر وتبني بلدك من خلال مكانتك دي!

خِتامًا
طيلة الفترة الجاية إن شاء الله حيكون شعارنا
"تطوَّع؛ تسعَد أنتَ أوّلًا"

تمنِّيَاتي لكُم بالسعادةِ والخير .. ♥️

#صفِيّة_مُصطفى

في محاولة كِده .. لاستخراج شاعِرة من جُوّاي بأي طريقة.. أها كيف وكيف! 😂♥️

في الأيام المُباركة دي
كتروا من الدعاء.. والتكبير والتهليل

وادعوا لي ابوي .. ربنا يواليهو بالعافية ويقوم لينا بالسلامة 🙏🏾✨

"نورٌ في الأجواء تألّق
هبّ نسيمٌ يحمل طِيبه". 💗

فيكم زول
حصل اتخيّل أول لَيلة في الجنّة؟

أو اتخيّل لحظة التِقائهِ بالنبيِّ ﷺ عند الحوَض
أو حين رؤيةِ وجههِ الكريم عزّ وجل!
...
ربِّ أرِح قلوبنا
..
وارزُقنا جنّتك ونعيمًا لا ينفَد
♥️

اللَّهُمَّ ربّ الناس
أذهِبِ البأس
واشفِ والدِي شفاءً لا يُغادِرُ سقَمَا ..