كزول آمن في بيتك وما عندك استعداد تضحّي بسلامتك ولا سلامة من تُحب =أقل واجب تسكت، تحني رأسك مُتمتمًا بالسلام والدعاء إذ ذُكِر حُماة الديار في مجلسك، أو ترفعه للتحية إذا مروا أمامك
أسكت.. أسكت.. أسكت ١٠ مرات.. وما تفكّر تنظّر أو توري جندي يعمل شنو وما يعمل شنو.. المجاهدين يوروا بعض يصلّحو بعض يقتلو بعض.. انت ما شغلتك..ما توريهم وما تقول شي
عارف ليه؟ لأنو يو آر نت ذا سيم.. وما أنا القلت.. قالها ليك ربّك الخلقك 🤦🏽‍♀️
يقول ربك الذي شرع "القتال" كوسيلة لحماية الأرض والعرض والدّين، يقول أنكم لستم سواء:
"لا يستوي"
القاعِدون من المؤمنينَ غيرُ أولي الضررِ
والمجاهِدونَ في سبيلِ الله بأموالهم وأنفسهم!
"فضّل اللهُ المجاهدين" بأموالهم وأنفسهم على القاعدين درجةً وكُلًّا وعدَ اللهُ الحُسنى
"وفضّلَ اللهُ المجاهدين على القاعِدينَ أجرًا عظيما" 🙌🏽♥️
في ناس من كتر النقة والطعن في الجيش والتخوين الزول يحس قرّوهم انو التنظير ذروة سنام الإسلام. 😀
يعني باقي عليهم مع الخيابة والجبن والخذلان =كلام كتير فاضي
الواحد يكون ما حصل ليه الشرف يطعن ٩ طويلة ساي وعندو لسان يطعن في جنود ما شالو نفسهم ٨ شهور!

معليش يعني.. لكن الله لا جاب باقيكم جد جد يخواننا.. عشان انتو في روحكم كده وبال على البلد.. ما ناقصين باقيكم.
اتقوا الله في روح فاضت لتسلم أرواحكم
واتقوا الله في أبناء وبنات ونساء الشهداء
واتقوا الله في أمهات الأسرى الوقعو في الأسر وهم مرابطين في مدن طلعتو حمّلتوهم مسؤوليتها
اتقوا الله في السودان الما فاضل ليهو أمل أصلاً غير شرفاء الجيش
اتقوا الله فيهم وما تقصّو ظهرهم بخذلانكم.. أصلاً الحرب والدعامة والعالم كله ما مقصّر في استهدافهم وإحباطهم

منقول من: أروى علي

تصاعد خطير في ⁧ #السودان⁩ هذا اليوم، وأخبار مزعجة عن وحشية ميليشات الإفساد ضد الشعب السوداني الطيب، وآلام متتالية تأتي في ظل استمرار جرائم الاحتلال في ⁧ #غزة⁩،

‏وستظلّ هذه الآلام والمصائب مستمرة في الأمّة التي تكالب عليها أعداء الخارج ومنافقو الداخل، في ظل غفلة من كثير من شبابها، وانهزامية منهجية ونفسية عند طوائف من نخبها الشرعية، وتقييد وحرب ضد الصادقين من أبنائها.

‏ والأمة اليوم أحوج ما تكون إلى أبنائها البررة الصادقين المدافعين عنها والساعين بجدّ إلى نهضتها، وسيدفع المتخاذلون اليوم الثمن غاليا في المستقبل القريب.

‏والله غالب أمره

حسابي حيكون مفتوح للحوجات بتاعة الأسر المتضررين.🫶🏽

أي مبلغ ينزل من الآن ولغاية ما الوضع يروق وأجي أوريكم الخلاصة؛ حيخش في مواد تموينية للأسر والجيران القاطعين جنبنا.. وأغلبهم جايين من الخرطوم وما عندهم مصدر رزق والعندهم فقدوه مع الأوضاع دي الله المستعان..


*للمساهمة:*
حساب بنك الخرطوم رقم:
3088783
حساب بنك فيصل رقم:
51342321

باسم توسل زهير

لإرسال الإشعار: 0121700065

أولى درجات إشعال جذوة الهمة في قرارة نفسك هو أن تنفض عنك غبار الغفلة والسلبية واللامبالاة..

للبيع المستعجل..
قطعة أرض في مدينة أبوحمد
المساحة: 1000 متر

✅ موقع استثماري بامتياز
✅ إجراءات تسليم فوري
✅ سعر تنافسي

العروض المتوفرة:
شراء 300 متر (السعر =20 مليون جنيه)
شراء 500 متر (السعر =30 مليون جنيه)
شراء 1000 متر (السعر =60 مليون جنيه)

المكان: أبوحمد مربع 1 - جوار المدارس الثانوية

للتواصل: @arwa_abulgasim

-من فضل الذكر يا كرام؛ أنّه احتواءٌ وراحةٌ للقلوب، وكما قال تعالى:

-«الَّذِينَ آمَنُوا وَتَطْمَئِنُّ قُلُوبُهُم بِذِكْرِ اللَّهِ أَلَا بِذِكْرِ اللَّهِ تَطْمَئِنُّ الْقُلُوبُ»

- «سُبْحَانَ اللهِ»
- «الحَمْدُ للهِ»
- «لَا إلَهَ إلَّا اللهُ»
- «اللهُ أكْبَرُ»
- «سُبْحَانَ اللهِ وَبِحَمْدِهِ»
- «سُبْحَانَ اللهِ العَظِيمِ»
- «لَا حَوْلَ وَلَا قُوَّةَ إلَّا بِاللهِ»
- «أسْتَغْفِرُ اللهَ وَأتُوبُ إلَيْهِ»
- «لَا إلَهَ إلَّا أَنْتَ سُبْحَانَكَ إنِّي كُنْتُ مِنَ الظَّالِمِينَ»


أذكاركم يا كرام.

#أذكار_المساء

خلّوني أشارِك معاكم تجربتي للسنة الفاتت؛ بما إنو الدنيا مشارِف سنة جديدة عسى تفيد زول منكم♥️

بداية السنة الفاتت عِييت شديد وكنت راقدة تقريبًا من نهاية شهر ١٢ ولغاية شهر واحد بصورة متواصلة لدرجة أدَّت لي إني استقيل من وظيفتي وأخلّي كل نشاطاتي المُعتادة

نصحتني واحدة جزاها الله خير بي إني أرقِي نفسي بي سورة البقرة، واحاوِل اعمل حجامة إذا تيَسّر لَي

ولأني كنت تعبانة شديد الصراحة، لو وقتها وصّفت لي الكَيّ علاج كنت عملتو!

اشتريت لي جهاز حجامة ومشيت اتحجمت عند دكتورة في الثورات، وجبت لي زيت زيتون وصفق سِدر
عملتَ كالآتي:
_اتحجمت
_عملت صفق سدر "fresh" في موية عادية وقريت فيها
_قريت كذلك في زيت الزيتون
_التزمت بسورة البقرة يوميًا

كنتَ كل يوم بالمسا بغتسل بي موية السدر دي، وبدهِن جميع جسمي بالزيت وبشرب من موية سورة البقرة دي
التزمت بالبرنامج ده فترة الحمدلله
ومن بعدها بقيت وأنا في المواصلات، في الشغل، في البيت بغسل في العدة ولا قاعدة ولا أي شي
بقرا سورة البقرة أيًا كان الوضع الأنا فيهو
المهم إني ما افرّط فيها

ولا اخُفي عليكم ياخوانَّا إني كنتَ بتعب شديد والموضوع ما كان ساهل واللهِ، لكن سبحان الله في معونة كده بتجيك من ربنا لما تصدُق النيَّة، وأنا الصراحة كنتا ممكون وصابر🤣
فدعيت ربنا شديد وكتير إنو يعينّي ويشفيني ويخليني التَزم بسورة البقرة أيًا كان التمن والحمدلله معونة ربنا لازَمتني

والحمدلله الحمدلله
من وقتها وإلى يومنا هذا
سورة البقرة ملازماني زي ضُلِّي
على قدر ما اتقلّبت علينا الظروف، واتشرّدنا ونزحنا، ورقدنا مستشفيات، ومرّت عليّ أيام أنا بكون فيها قاعدة في كراسي ستات الشاي القصاد المستشفى الساعة ٣ صباحاً عشان ما عارفة امشي وين واعمل شنو بعد شفتا عدد من الجنايز بتطلع قدّامي!

في عز الحرب دي والصدمات النفسية المرّينا بيها بي سببها
كانت سورة البقرة زي عُكَّاز بتسَنِد عليو عشان ما أقع

عايز بركة تلاقي
رزق تلاقي
صبر عر الابتلاءات تلاقي
خير وفير وثبات تقيل برضو تلاقي

وكلو بفضل الله سبحانه وتعالى ومن ثَمَّ سورة البقرة

ولو في حاجة حقيقي تستاهل تبدا بيها السنة الجديدة وتلتَزم بيها فهي إنَّك تدخّل سورة البقرة في روتين حياتك عشان تِنعَدِل وحالك ينصَلِح
"اقْرَؤُوا سُورَةَ البَقَرَةِ، فإنَّ أخْذَها بَرَكَةٌ، وتَرْكَها حَسْرَةٌ، ولا تَسْتَطِيعُها البَطَلة، أي السَّحَرة"..♥️

#صفية_مصطفى
#سورة_البقرة

قبل فترة أخت صحبتي اتوَفّت -ربنا يرحما ويغفر ليها- وأنا كنتَ وقتها قاعدة مع صحبتي دي لما جاها الخبر
طول ما نحنا قاعدين وبحاوِل أواسيها في مصيبتها دي وفقدها لي اختها اللي في عز شبابها ونجاحها وحب الناس ليها
فجأة من بين الدموع والحزن داك قالت لي
"يا صفِيّة ماف شي هسي في بالي غير إنو أختي ماتت قبل تتحَجّب"
قالتها ودخلت في نوبة طويلة من البكا والحُزن

اختها كانت إنسانة جميلة من جوا وبرا سبحان الله، محبوبة لكل من حولها، خدومة، هميمة، ناجحة ومتفوّقة ورافعة راس أهلها
شلنا الليل كله وهي بتحكي ليّ عنها، وعن جمال طِباعها
وكل ده، كل ده هي ما وقفت عندو زي ما وقفت في فقرة إنها ما كانت محجبة!
الواحد مؤمِّل شديد في رحمة ربنا وإنو روحها الطيبة وقلبها اللين وهيّن يكونو تُقَال في ميزانها ورحمة ربنا واسعة واللهِ وظننا فيهو جميل إن شاء الله نلقاها قدامنا في الجنة تقول لينا ربنا دخّلني من غير سابقة عذاب ولا حساب

لكن
الذكّرني القصة دي
أمس في أثناء الهلع والخوف الداخل فينا من دخول الدّعامة لي القرى القِدَّامنا طوالي ونحنا شِبه بنعاين للموت ولي رحمة ربنا ولطفو بينا -على حدٍ سواء-
ما جا في بالي غير ذنوبي الـ كالجبال!
بقيت أقول هسي كان دخلو علينا تمّونا أنا امشي وين؟ اقابل ربنا بي شنو؟..وفي عز التساؤلات دي ماسكة تلفوني، دخلتا تلغرام
لقيت واحد من المشايخ مرسل في قناتو:
بعتذر عن تأخري في الدرس عشان شبكتنا كانت واقعة!
ذكرني بالضّبط موقف واحدة من نساء غزَّة، كانت فاتحة زوم بتدرّس في طالباتها قُرآن
فإذا بقذيفة تقع في بيتهم والطالبات يسمعوها ويشوفوها بتموت أثناء الحَلَقة وهي بتدرّس!

ياخوانَّا
الموت حق علينا كلنا
الليلة ولا بُكرة
موت فجأة ولا موت غدر ولا موت شهادة
أيًا كان السبب أو اليوم أو الطريقة

انتا كـ عبد مُطَالب تكون جاهِز في أي لحظة تسلّم ورقتك
في أي لحظة وعلى أيةِ حال
سلمًا أو حرب
نزوح أو استقرار
في عافية ولا عندك ابتلاء
في النهاية انتا مطالب بي العبادة والعمل لي الآخرة

دي أيام رجوع لي ربنا ياخوانَّا وأيام عمل تقيل
لا هي أيام جِرسة ولا أيام ياكُل فيها الحزن قلوبنا ويهِد فيها حيلنا
خلّونا نشد حيلنا ده كده شوية ونرجع لي ربنا، عسى بي رجوعنا ده ربنا يرفع عننا البلاء ويخفف عننا تُقل الأيام دي ويعافينا ويعيد لينا أيامنا الأُوَل

اللَهمَّ اغفر لنا وارحمنا، اللهمَّ عليكَ بالدعم السريع فإنّهم لا يُعجزونك، اللهمَّ انصر قوَّاتنا المسلَّحة وسدّد رميهم، آمين

#صفية_مصطفى

أصبحنا ممتنين على جميع النِّعم التي تُحيط بنا وتُنسينا البلايا شكرها
أصبحنا نحمدك على خيرك الدائم ولُطفك الخفي..

نعمَ الرب أنتَ .. فتولّنا 🤍

#أذكارُ_الصَّباح

ياخوانَّا حقيقي عجبي لا ينقَضِي من النِّسَاء اللي قدّمو رجالهم لي ساحات الفداء ديل!
الله يحفظ ليهم أزواجهم ويردّهم ليهم سالمين غانمين كايدين للعدو، فإن استشهدو فاللَّهُمَّ عوّض صبرهم بِلقاء في الجنَّة لا فراق بعدهُ، لا تعب ولا نصب ولا حُزن!

إنَّ البرَكةَ لتَغْمُرُ العبدَ
بكثرَةِ صلاتهِ على النَّبيّ ♥️

اللهم صل وسلم وبارك على نبينا محمد وعلى آله وصحبه وسلم ♥️

لي أخ حبيب ماتت زوجته من ثلاثة أيام، وكانت من الصالحات -نحسبها كذلك ولا نزكيها على الله- بمجرد موتها ومعرفة الخبر أرسل إليه عشرات الأحبة الفيديوهات بالدعاء لها عند الكعبة المشرفة، قبل أن توضع على خشبة الغسل، وأتى له غير واحد من العائدين من مكة في نفس اليوم بماء زمزم لتغسل به الزوجة الصالحة.

سبحان الله! ساق الله لها ماء زمزم من الحجاز لتُغَسَّل به، وسخر لها عشرات الألسنة والأفئدة لتدعوا لها عند الكعبة المشرفة.
ثم تواترت الرؤى وتواطأت بالبشريات المبهجة.

سألت الأخ الحبيب عن أمرها، فقال: كانت لا تترك ثلاثة أشياء:

الأول: الأذكار مهما كان تعبها ومرضها.
الثاني: صيام النوافل مع أنها كانت ذا مرض.
الثالث: إيقاظه قبل الفجر بساعة.

آخر عمل لها أنها يوم الاثنين الماضي استأذنته للصيام كعادتها فأذن لها، ثم دخلت في الغيبوبة حتى يوم الخميس، ثم فاضت روحها إلى بارئها وهي صائمة.

رحمها الله وغفر لها وأكرم نزلها ووسع مدخلها ورفع درجتها في المهديين وألحقها بالصالحين وثبتها عند السؤال.
اللهم ألحقنا بها على الإيمان ولا تحرمنا أجرها ولا تفتنا بعدها.


- حسام جاد

تقدم لكم منصتكم مدركـة، بالتعاون مع مبادرة دعم القوات المسلحـة
🖇️ مشــروع كفــالة 10 أرامل شهـــــداء♥️

♥️ إلى تلك المضحيَّة التي حثَّت وشجَّعت شريك حياتها ليكون فِدىً للأرض والعِرض فأقدم مستشهداً في سبيل الله مقبلًا غير مدبر..

♥️ إلى تلك الصابرة المحتسبة التي تتالت عليها نكبات الفقد والحاجة وقصر ذات اليد وصراخ صغارها من لوعات الجوع..

♥️ إلى تلك الشامخة التي قامت تزاحم الحياة سعيًا لتعول أبناءها رغم كل ما تقاسي..

♥️ و إلى كل من تاق لنيل أجر المجاهدين وإلى أصحاب القلوب الرحيمـة الحيّـة، ها هي منصة مدركة بالتعاون مع مبادرة دعم القوات المسلحة تقدم لكم مشـروع:

كفــالــة 10 أرامل شهـــــداء
▪️100,000 جنيه للأرملة

تأسيًا بقوله صلى الله عليه وسلم: "الساعي على الأرملة والمسكين كالمجاهد في سبيل الله، أو كالذي يصوم النهار ويقوم الليل"


▪️للتبرع : 2191308 - محمد عوض فقير
▪️إرسال الإشعار : https://wa.me/+249905738612
▪️ الرجاء كتابة تعليق على الإشعار: (أرامل مدركة)

لا تحقرن من المعروف شيء.. جنيهك بيفرق 👌
ساهموا بالنشر، فالدال على الخير كفاعله 🤍🌱

مساء الخير وبعد،

«دعـها إلىٰ الله ما خـابتْ ودائـعهُ
قد أخرجَ الصُبحَ من ليلِ المعاناةِ»💕

كلَّفتني الحربُ نومِي الهادِئ، وضحكتي الصَّادِقة، وقلبي المُطمَئن، كلَّفتني إقبالِي الذي كانَ دونَ توَجُّس، واندِفاعي الذي كانَ دونَ قلق، كلَّفتني الحربُ قلبي الآمِل، وفِكري المتجدِّد، وخيالِي المُنسَاب
كلَّفتني الحربُ روحي!

وإني واللهِ رغمَ كُلِّ ذَا
"إنِّي لَرَاضٍ بالقَضَا، وبِمَا تَشَا
وعندي يقينٌ، أنَّ لُطفَكَ شامِلِي"🥀

أؤمنُ باتّساعِ رحمةِ الله وفضله
بأنه يُجمّع بعد فراق، ويجبرُ بعد كسر، ويعوّضُ عن كلّ مفقودٍ مضى
يهَبُ الصبر على الرّحلةِ باختلاف أحوالها، ويُلهِمُ الشكر لعبدٍ لم يستحِق أن يُلهَمَ شيئاً منَ الخَير.

أؤمن بأنهُ يهدي السبيل، ويُبصّرُ الحائرَ في ظُلمته، ويُيسّرُ لليُسرى
ولا يأسَ مِن رَوحهِ ما دام فضلهُ قد بلغَ أن يفتح على عبدٍ عمِل كل عمرهِ عمَلَ أهلِ النار، فيختمَ له بخيرٍ فيدخل جنةَ المحسنين الأبرار.

_
لأنكَ مننتَ عليّ مرةً بعدَ أُخرى،
لأني لطالما سألتُ فناوَلتني رجائي ومِثلَهُ معه،
لاِتِّساعِ فضلكَ ورحمتك،
ولأنكَ أنتَ أنت؛
"إنّي لَراضٍ بالقضا وبِما تَشا
وعندي يقينٌ أنَّ لُطفَكَ شامِلي")🩵

من لطائف قول الله عز وجل ( وهدوا إلى الطيب من القول):

١. ومن تخلق بالطيب من القول؛ كان بلسماً لجراح الناس وصعوبة حياتهم.

٢. ومن هُدي للطيب من القول؛ كأن لسانه عطر وعود أينما حل نثر جميل عطره في طيات كلماته.

٣. وأولى الناس في شم هذا الطيب، والتمتع به هم أهل البيت ومن ثم الأقارب من الرحم .

٤. ولطيفة رابعة أن من أوتي الهدى من المسلمين؛ ستر عوراتهم وقومهم بلسان الطيب، وأحسن لهم النصيحة وجملها حتى تخرج على أطيب ما يكون.

٥. وأما الخامسة فمعرفة أن القول الطيب على مراتب أعلاها شهادة الإسلام وكلام الرحمن، ومن ثم الأدعية التي كانت على لسان الأنبياء والصالحين.

فاللهم أكرمنا بجميل القول وطيبه بيدك الخير وأنت اللطيف الجميل.

ربَّنا عفانا من ثِقَل التفكير ده وإرهاق أنفُسنا فيو، أمرنا بالسّعي وليسَ بالنتيجة، قال لينا "وقُل اعمَلُوا"
وقال لينا: "وأن ليسَ الإنسانِ إلا ما سَعَى*وأنَّ سَعيَهُ سوفَ يُرَى*ثُمَّ يُجزاهُ الجزاءَ الأوْفَى"

وكذلك قال: "يُدَبِّرُ الأمرَ من السَْمآءِ إلى الأرض"

ورَيَّحنا تمامًا من هَم بُكرة لما قال: "وما تدري نفسٌ ماذا تكسِبُ غَدًا وما تدري نفسٌ بِأيِّ أرضٍ تَمُوت"
يعني انتَ still لافّي في دايرة إنك مُكلَّف فقط بالسّعي وليسَ الوصول عشان ده علمه عندَ الله!
وزي ما قالو:
"وإنَّهُ لَيُقضَى بالذِّكرِ ما لا يُقضَى بالفِكرِ"
مولانا كان بقول لينا،
"شايل هم بُكرَة؟!
هو انتَ لما ربنا حفظك في بطن أمك، كنتَ بتعرف بُكرة"!!
فياخوانَّا
ما تشيلو هم
بدَبِّرها الله من فوق سابِع سَمَا❤️

#صفية_مصطفى

_
"تودُّ لو أنّ الحياة كانت أخفّ من هذا الثقل كله، لكنَّها سفر، والسفر مظنة المشقَّة، ومن تعِبَ اليوم أدرك مفاز الغد.

تودُّ لو أنها أهون مما هي عليه الآن، لكنّك المؤمن القوي الذي لا تغلبه العاجلة كلما تذكّر بهجة الباقية")