طلعنا من الحرب طلعة خُلعة زي أغلب الناس
وزي أغلب الناس برضو مرقتا من البيت بي غيارين عشان الموضوع ما ح يطول!🤣

المهم،
شلتَ شنطة ضهر فيها بجامتين وفرشة ومشط وشاحن وسماعة
المهم
الشنطة القِدَّامكم دي، رقدنا بيها مستشفى، لفيت بيها الحِلة والحصاحيصا ومدني،
غيار بيت وتوب في شنطة، كانو كفاية تمامًا إني أعيش حكاية بتاعت كم شهر عادي
أجل اتيسّر لينا قرشين في البيت بحمد الله وجبتا جلبابين جُداد وبجامة وفرحتا بيهم فرح تحلف تقول اشتريت السوق كلو🤣
لكن بالرغم من ده
بلقى إني بنتَقِل من مكان لمكان وأنا شايلة شنطة ضهر صغيرة فيها غيارين ومستعدة أعيش بيهم فترة طويلة طول ما هم سليمين!

الانتبهتا ليو إنو الإنسان ممكن فعلًا يتخلص من التكديس القهري الكان عندو
ومن المية كتاب ودفتر، والمية عباية وستين بجامة بيت

الإنسان ممكن يعيش وما يموت عشان ما عندو هدوم كتيرة ودولاب ملان، وعفش كتير!

كان عندي تعلّق كبير بكل مُقتنياتي، قصة مع كل دفتر جديد اشتريتو، وكل كتاب وكل لبسة
دي أول عباية اشتريها من زاد
واللبسة دي جبتها من أول مرتب
والدفتر ده أهدتني ليو فلانة، والمصلاية دي اشتريتا من جنب الحرم، والمصحف ده معاي من دخلتا الجامعة، والعباية دي جاتني هدية
أنا كنتَ في البيت ما بصلّي إلا في مصلايتي، وما بنوم إلا في مخدتي وبي دفَّايتي، وما بقرا إلا من مصحفي وما بشرب إلا في كبايتي وهكذا!
وعشتَ أول شهر بعد الحرب ببكي يومي على الله عشان عايزة بيتنا ودولابي وسريري وكل شي يخصّني

حاليًا
بقيت أخُت راسي في أي مكان تمسي عليّ فيو الواطة🤣
سرير، كرسي، واطة
اتغطا بي توب، بي ملاية، الساهلة بس
أنوم في بيتنا ولا بيت الجيران
ألبس هدومي ولا هدوم أختي
اقرا من التلفون ولَّا أي مصحف يلاقيني المهم أجيب وِردي

في الحياة
مُحتاجين شويَّة نتخَلَّى
ونتعَلّم إنو كل الحاجات المحببة لينا دي، ما مفروض تشغلنا عن محبوبنا الأول وهو ربنا عز وجل، وتكون سبيل في الوصول لي محبَّتو سبحانه وتعالى لينا

في الحياة
محتاجين نتعلَّم ما نحب الأشياء لأصلها، وإنما للمقصد المفروض نوصل ليو من خلالها

المصلاية جبناها لأجل الصلاة، يبقى كل واحدة تغني عنها فهي كفاية
والملابس للستر، يبقى أي شي يستر بدنَّا فالحمدلله عليهِ
وهكذا مع كل الأشياء، الحاجة دي رغم مرارتها وصعوبتها إلا إننا لو اتعلّمناها ح نختصر مشوار حزن طويل على قلبنا، ونبطل نحزن على كل شي يغادرنا أو نغادرو
لأننا لو جينا حسبناها حسابات حسابات
فنحنا في يوم ح يجي، ونخلّي الدنيا بمن فيها وما فيها
وما ح تدخل القبر غير بي عملك

وأخيرًا
"في التخلِّي التَّحَلِّي
ومن تَرَك مَلَك"♥️

#صفية_مصطفى

أذكركم ونفسي:

«مَن قال: أستغفِر الله الذي لا إله إلا هو الحي القيوم وأتوب إليه، ثلاثا، غفر له، وإن كان فر من الزحف».

"اذهب فإني لا أرى شمسًا بِعَيني؛ وإنَّما أعرِفُهُ بِقلبِي" ..❤️!

ياخوانَّا واللهِ جايطة وأي شي، لكن كدي صلّو على النّبي ﷺ وباركُوها، بتمشي وتهون بإذن الله♥️

خلال الـ24 ساعة الجايَّة دي أي وحدة تسجّل في الكورس من قناتي هنا، عندها تخفيض❤️

قولي ليهم إنك جاية من قناة صفية🌸

سجلو من هنا:
https://wa.me/+249916440555


++
ادخلي برضو قناة المنصة بكون عندهم حاجات for free للفايدة والمُتعة🥳❤️
https://t.me/NourahPlatform

خُطُواتٌ صَغِيرة :) ..

(أحمَد وَلَا ود أحمد)

كنا قاعدين نتسحّر عادي على أصوات الطيارات والدانات الطايرة فوقنا، لقينا أخوي بقول لينا لمّو هدومكم ح نطلع الفجر!!

أحمد أخوي قرر يحرس البيت ونطلع نحنا الجزيرة، قلتا ليهم بس خلاص أنا بقعد مع أحمد ماني ماشة معاكم🤣

أنا وأحمد زي الكديس والفار، اليوم كلو نتناقر، أمي قالت لي دقيقة واحدة ما بتقعديها بي ورانا عشان تجي تاني يوم تكوسي في الدرب البتمرقي بيو؟!
ما بخليك اتي وأحمد في حتة واحدة🤣

أها ياخوانَّا في الجزيرة الدقيق الأحمر ده، أو الفتريتا
بقولو ليو "ود أحمد"
الكسرة الحمرا دي بتنزل في معدتي تشششششش زي الجمرة

لمن الموضوع ده كِتِر عليّ خلاص وغلبني
بقيت بقول ليهم ياخوانَّا لا إله إلا الله
أحمد ولا ود أحمد، الشي ده ما بقدر عليو خلاص أنا قُلتا الروب عديل🤣!

لِف يا زمن ودوِّر، البيت ما كان فيو ولا عيشة يابسة
وأنا جيت من برا ما ماكلة شي،
فتحت الريكة لقيتا فاااضية، فتحتا الحلة لقيت ما فيها شي، فتحتا التلاجة اتذكرت الكهربا قاطعة ليها ٣ يوم

عاد ياحليلك يا ود أحمد، افتريت واتغلّيت

بقيت اكورك بالحيطة لي مرت خالي
يا نشواااا، نشواااا
عليك الله ما بلقى لي عندك حَرفين ود أحمد اعدِل بيهن مُشهادي
لغير الناطقين بها:
دايرة لي طرقتين كسرة امشّي بيهن حالي🤣

وحكمة الله ما لقيت، اليوم داك نمتا للصباح جيعانة🤣💔

من وقتها
آمنتا واقتنعتَ إنو البطر على النعمة كعب وشين وبِمحَقها عليك

وآمنتَ واقتنعتَ إنو الحمدلله الواحد يقولا على الموجود وما يعاين للمافي
عشان لولا الحمد ما دامت لينا نعمة



وأخيرًا:
"كَتِّر حَمُد، قَلِّل شَكِيَّة"♥️

#صفية_مصطفى

«إذا تمنى أحدُكم فليُكثر؛ فإنما يسألُ ربَّه».

-أم المؤمنين عائشة

وقَد قالت يُمَّا -أم أمي ربنا يبارك في عمرها-

__العِند السِّيد، أقرب من الفِي الإيد❤️")

فتحتَ تلغرام صُدفةً لقيت صورة أبوي بروفايل توَسُّل! ..توَسُّل=تعرِيفُ المحبَّةِ والوَفَا، على قدر شوقا وحبها لي والدها، كانت مُقدّرة تمامًا لهفتي وخوفي على أبوي في مرضو وتعبو، عمري ما حسيت إنها بتتعامَل معاو كـ"أبو صفية" بقدر ما هي شايفاو أبوها برضو! فإن قِيلَ من أصدقُ الناسِ في حياةِ صفِيّة؟! لكانتِ الإجابة توَسُّل زُهير واللهِ، رعا اللهُ قلبها ورعاها..❤️

ويا رب
اشفِ أبي ينكَأُ لكَ عدُوًّا أو يمشي لَكَ إلى صلاة ❤️

﴿قَدْ نَرَى تَقَلُّبَ وَجْهِكَ فِي السَّمَاءِ﴾

أي: نعلم كثرة ترددك في جميع الجهات شوقًا، وانتظارًا لحصول المراد .. فَلَنُوَلِّيَنَّكَ.!💛

- تفسير السعدي.

عربية تقوى صحبتي، الناس تدعي صِدقًا ربنا يجمع بيها، وتساعدنا بالشير برضو كرمًا

اللهم أجرنا في مصيبتنا واخلف لنا خيرًا منها

لمّا بقابل شخص ودود؛
ودي من أجمل الصفات اللي ممكن تُرزقها في صحابك وشريك حياتك ودايرة معارفك؛

بسرح في جمال قلبه؛
عنده استعداد يبادر بالحب والسكينة والوصل
ودي طاقة محتاجة جهاد طول الوقت؛ خاصة مع كدر الدنيا والمشاكل وكلنا تقريبا محاطين بمسؤوليات وكد الدنيا

فلمّا حد بيقتطع من وقته يوم أو لحظات ودقايق ود؛
يقول كلمة حلوة أو يعمل مفاجأة لطيفة أو يصنع لحظة بهجة؛
مش بعرف افتكر الشخص دا إلا بالموقف دا مهما مر زمن بينّا

لحد ما استوقفني حديث طول اليوم كنت بفكر فيه؛ مخي مش قادر يستوعبه؛ والجملة الوحيدة اللي وقفت مخي عن التفكير في المسألة دي أنه ليس كمثله شيء

سبحانه!

"ثم يبسطُ يدَيه يقول من يُقرِضْ غيرَ عديمٍ و لا ظلومٍ"

يا الله!

ربنا عز وجل الكريم الجواد المتكبر المهيمن المسيطر؛
لما بيتنزل جل حلاله كل ليلة في الثلث الأخير من الليل يجيب دعوة الداعي والسائل

يبسط يده ❤️

ويقول من يُقرض الله تعالى!
غير عديم أي غير فقير وهو أغنى الأغنياء سبحانه

وغير ظلوم أي لا يظلم في رد السائل ولا يماطل في رد القرض

ايه الود اللي الملك بيعامل بيه عباده دا!
إحنا يا رب وأنت الغني عنّا

الواحد قلبه مش قادر يستوعب ود الغني؛ الملك اللي يقدر في لحظة يبدلنا بخلق آخر يعبدونه حق عبادته

أنا فعلا مخي مش قادر يستوعب إن الملك قال لعباده الفقراء؛ وتودد لهم بهذا الشكل!

والعجيب إن الودود بيرزقنا الطاعة؛ ويجازينا بيها ثم يضاعف أجرها لنا؛ ثم يُحسن لنا جزاء الإحسان؛ وهو سبحانه اللي رزقنا إحسان الطاعة!

والله لن نُعدم خيرًا من ربٍ ودود بهذا القدر!

_منقول من صفحة: ميسم مجدي

نِمت على مرضٍ شديد ألمّ بي خلال يومي، فذكرتُ الله وغلب عليّ النوم.. فاستيقظت على راحة جسدٍ، وقلب!

فتساءلتُ كيف يتعلّق العبد بالدنيا، وهي دائمة التقلُّب، ومتغيرة الأحوال؟ ولا يتعلّق بالله الذي يلطف به، ويأويه! بل حتى عند الابتلاءات يجد رحماته تحفّه من كل باب!

سبحانك ما عبدناك حقّ عبادتك! ")💔

"يتجلّى اللهُ في هذهِ الساعةِ الأخيرةِ مِن الليل!
الكونُ أنقى، وذاتُكَ قد راقت عن كدَرِ الأصوات
اُدعُوهُ يؤتِكم كفافكم من الحُب، وحظّكم من الذكريات،
اسألوهُ النقاء،
واسألوهُ القدرةَ على البُكاء، واسألوه الخوفَ من وخزِ الضمير"!💙

كنتَ بقلّب في محادثة كانت قبل شهور، لقيت الرسالة دي❤️!!
عمو محمد علي أحب الناس لي أبوي وأقرب صاحب ليو، كنا بنعمل الفحوصات في المستوصف الجنب بيتنا وما بعيد من بيتهم، فلما النتيجة اتأخرت أبوي قال لي أرح نسلّم على عمك محمد علي وبناتو ونرجع بعدها المركز تاني، ونحنا طالعين من بيتهم دي كانت وصيّتو لَي: "أبقي عشرة على باب الجنَّة ده يا صفِيَّة"
أقولها مرارًا وأبدًا، كلما فتّشتَ رفوف قلبي، أجد المكانة الكبيرة، والحيّز الملان، والمشاعر الما ليها حد، كلها لي أبوي، فاللَّهُمَّ اشفِ أبي ينكَأُ لكَ عدُّوًا أو يمشي لَكَ إلى صلاة، أنتَ ربُّ الطَّيِّبِين، أنزل رحمةً من رحمتك، وشفاءً من شفائك على جسدِ أبي فيبرأ، اللهمَّ وارزُقني بِرَّه ما أحييتني، اللهمَّ ارزقني بِرَّه ما أحييتني، وملّيني بهِ وبصُحبتهِ عُمرًا طويلًا، آمين❤️

لايزالُ المَرء يتأخّر؛ حتى يؤخّره اللَّـه..
ففتّش عن سبَب عَجزِك؛ وقُل:

يا نفسُ قد آنَ آنَ أنَ تُقْدِمي..
قَـد آنَ آن؛ يَكفيكِ ما مضَى..
ومَـا كَــان كَــان!

واذكُـروا؛ أنّ موعدنـا مقابر الأسَف..
قِـفِ الآن على جادّة التأسّف..
والزَم البُكاء على التخلّف!

وقُـل :
أترانا ممّن جفّ القَلم على اصطِفائهم؛ وفي سابِق عِلمك كتَبْتَ مقاماتهم؟!

عاتِب نفسك؛ وقُـل:
سبقَكَ أهلُ العزائِم؛ وأنت في اليقظةِ نائم!

#د_كِفَاح_أبو_هنّود