الله لو أكرمك، يخليك تسمع الريكورد ده بي قلبك ❤️

لـ : شيخنا وجدان العلي✨

يا رب.. تتولَّانا بي رحمتك الواسعة يا رب

كم مرَّة كُنتَ عاوز تقوم بالليل تصلِّي ليك ركعات قِيام وتسجد لربَّنا بس كنتَ تعبان، مساهر، يومك كان طويل
وقلتَ خلاص ح أقوم بكرة إن شاء الله!

كم مرَّة جيتي تلبسي طرحة كبيرة وتوسِّعي البلوزة شوية وتلبسي سكريت واسع، بَس قلتي بعد الأيام دي تمشي أنا حاسة روحي لسه بعيدة وعايزة ربنا يهديني بعدَّاك اتحجب!

كم مرة طيب؟
جيت تقرأ وردك من القرآن ولقيت إنو عندك شغل كتير أو امتحانات قربت وكاتمة فيك
قلتَ خلاص، ح اقراو بعدين
وبعدين لسه ما جات!

ولما جيتي تلبسي النقاب وحسيتي روحك بعيدة ومحتاجة تلتزمي أول وتقرِّبي من ربنا أكتر حتى تلبسي النقاب - ظنًا منك إنك ح تكوني خصمًا على المنقبات- لو لبستيهو وانتي لسه ما ملتزمة
مرات كتيرة شديد، بنكون عايزين نعمل طاعة وبنقول بعدين
عايزين نتصدَّق، بَس ما هسي ،بعدين لمن يكون معانا قروش!
عايزين نصلي نافلة بس بعدين عشان هسي عندنا صداع أو أي مانع تاني

الشيطان بحب يثبِّطنا، بحب كلمة (بعدين) دي شديد
عشان هو عارف تمامًا إنو ماف بعدين ح تجي ولا شي
قطار العمر ماشي وما معروف آخر محطة متين!

ربنا سبحانه وتعالى
بحب الأثر الناشئ عن الطاعة
كيف؟
التعب البتتعبو في طاعة معيَّنة، ربنا بحبو وما بنساهو ليك ،بل يضاعف أجرك أكتر وأكتر
ربنا عز وجل
بحب خطواتنا المتعثِّرة دي ،البسيط الدايِم
بتذكر أيام الحفظ
رفيقتنا كانت عيَّانة شديد ،كان عندنا دروس توحيد مصاحبة لحلقات الحفظ، لما ابتدا الدرس
رفيقتنا دي جات وكان بادي عليها أثر التعب والمرض، قعدت طرف، واتكأت على الحيطة وبقت بتسمع
بتذكر وقتها الشيخة قالت لينا تعقيبًا على الموقف ده :

"أكرمُ الخطوات على الله، خطوةٌ تمشيها متحاملًا على ألَمِك"
اتخيَّل!
تدوس على ألمَك وتواصل مشي، تتناسى المرض وتواصل سعِي، تتجاوز التعب وتواصل مسير
الله الله من الخطوات البتمشيها في طريق ربنا
حاشاه ينسى تعبك، ألمك، سهرك في طاعتو، مجاهدتك في سبيل رضاهو!

نواياكِ الطيبة ،كلماتك الصادقة، دعواتك بأن يرزقك الجنة وما قرَّب إليها من قولٍ وعمَل
جاهدو في سبيل ربنا ياخوانَّا
واللهِ إن لِلْطَّاعة وقت المرض والتعب، لذَّة ما ذاقها إلا من عرف الله والجهاد في سبيله وأحبَّه
إنك حتى وانتِ عيانة ما تنسي نصيبك من النوافل ، إنك حتى وانتَ عندك امتحانات ما تنسى وردك من القرآن

الطريق لربنا ما ساهل ياخوانَّا ،لو كان ساهل كان لقينا كل الناس دي ماشة فيهو!
الطريق صعب، وعايز مجاهدة كبيرة، ورِفاق يعينُوك على مشَقَّة الدرب ويقصِّرو معاك طول الطريق
ولأنُو كل شي في الدنيا دي رِزق، اسألو ربنا الرزق الطيب من الأصحاب ومن بعد، اسألوه يقوِّيكم ويعينكم ويرزقكم الصبر على الطاعات والصبر عن المعاصي
"واصبِر نفسَك مع الذينَ يدعونَ ربَّهم بالغداةِ والعشيِّ يريدُونَ وجهه ولا تعدُ عيناكَ عنهم تُريدُ زينةَ الحياة الدنيا"

وفي الختام
قَد يكُونُ الدَّربُ صعبًا... لا تميلُوا ♥️

وشُكرًا
وعفوًا
#صفية_مصطفى

يكسرني الزمانُ مرَّةً واثنَتَينِ وألف
أتجاوزُ الأحزان بلُطفِ اللهِ دائمًا وللأبد،
يدُ اللهِ الممتدة لي بالعون، ودعواتُ الرِّفاق، وسجودي بعدَ كل انكسار!

يكسِرني الزمانُ مرَّةً واثنَتَينِ وألف
أتجاوز الأحزان
وأقِف أمامَ المرآةِ أُردِّد..
صفِيَّة ،
عيناكِ أهلٌ لِلفرَح .. لا تحزَنِي ♥️

#صفية_مصطفى

"يا أَيُّهَا الَّذينَ آمَنوا قوا أَنفُسَكُم وَأَهليكُم نارًا وَقودُهَا النّاسُ وَالحِجارَةُ عَلَيها مَلائِكَةٌ غِلاظٌ شِدادٌ لا يَعصونَ اللَّهَ ما أَمَرَهُم وَيَفعَلونَ ما يُؤمَرونَ"

حتى لا ننسى ♥️

لما جذبهم حبه وغمرتهم أنواره فباتوا بين يديه سجدا وقيامًا، خافوا التقصير، وحجاب الحرمان فبكوا قائلين: "ربنا اصرف عنا عذاب جهنم إن عذابها كان غراما"!
وهذه مناجاة من استقل عمله وعلم أن بضاعته مزجاة !
فاللهم عفوك وعافيتك!

_د.وجدان العلي

سلام عليكم أهل "كشحات" الكِرام

مع ختام هذه الأيام المُباركة💙

إن شاء الله حيكون عندنا مُدارسات
لي رسائل الشيخ إبراهيم السكران

في شكل تسجيلات صوتية/فيديو... إلخ

ونسأل الله ينفعنا وينفعكم بِها ويتقبل مننا ومنكم

"ولا تنسونا في صالحِ الدعوات"

-واجبر بخاطري جبرًا أنتَ وَلِيُّه يا رب-

"لكِنَّها
واللهِ
أيَّامٌ
ثِقَال"

ربنا يرحم أنقابو ويصَبِّرنا على فراقو .. 💔

يا رب تجبر خاطر صفِيَّة مُصطفى وترضيها وترضى عنها.

ولا يغشَى فُؤادَكِ حُزن؛
أيَا مجبورةَ الخاطِر! ♥️

#صفية_مصطفى

"مالِي أراكِ تكرَهِينَ الجنَّة"!

ليلة 25 رمضان.. الليلة المقبلة علينا.

الليلة الخامسة بعد بداية العشر الأواخر.
وقد أمر النبي صراحة بالتماس ليلة القدر في العشر الأواخر، وخص الأوتار منها، وخص ليلة 25 مع غيرها بالأمر بالتماس ليلة الشرف والرفعة فيها.

اللهم إنك عفو تحب العفو فاعفُ عنّا.

يوم؟ يومان؟
شهرٌ.. سنة؟
في كم من الأيام
نتجاوزُ الأحزان؟
نحنُ يا قلبي
لا نتجاوزُ الأحزانَ بالأيام، لكِنَّ لُطفَ اللهِ يفعل
لا تسأل كيفَ ومتى
قُل فقط يا رب.

"وَكَانَ فَضۡلُ ٱللَّهِ عَلَیۡكَ عَظِیمࣰا"

النَّاس تكرِمنا بالدَّعوات الطيِّبة ياخوانَّا :
ربنا يغفر لينا تقصيرنا ويشملنا بي رحمتو .. يجبر خواطِرنا ويمحي أحزانَّنا،ويجمعنا بي أنقابو في الجنَّة .. آمين.