مفتاح المال تكوني ذكية و تعرفي تستغلي الفرص صح و تفكري برة الصندوق و ما تستهلكي مجهود كبير في مقابل بسيط ♡ .

مفتاح الجمال إنك تريحي بالك و تحبي نفسك و تقبليها على حالها و تعرفي مصلحتها و تشتغلي عليها و ماتنشغلي بكلام الناس ولا أحوالهم و رايهم فيك ..

مفتاح ال #مال_وجمال إنك تركزي على نفسك ♡ ..

تابعو الهاشتاق في جروب ShuShu Mageed كل قصة و مشروع أرهب من التاني حقيقي ..

#Jasmeen_Ali
💅👠

اللهمّ لا تُعدنا إليك، مِنْ بابِ الفٓضِيحةِ وهتكِ السِّترِ، ولا الخذلان والفقد وضياع المروءةِ، وإنما مِنْ بابِ تمامِ المعرفةِ، وجلاء البصيرة، وتفتّحِ القلبِ على حلاوةِ طاعتك، والرغبةِ في نوالِ غُفرانك.

#عطايا_الأربعين

ما سهلة أبدًا، خطوة إنك تمسك قلم وتكتب
أيًا كان الحرف المكتوب ده
خاطِر، قِصَّة، بيت شعر
أو حتى "كلام ساي" زي كلامي البكتب فيو هسي ده

في رحلة اكتشافك لنفسك مع مرور المواقف والأيام، تلقائيًا بتلقى روحك خلاص استلمت الرَصَّة كلها أو اغلبها
شنو البخليك تزعل؟ وشنو البخليك مبسوط،
منو بتتضايق لمن تشوفو، ومنو بتفرح بي لقاهو وهكذا

أي نعم صعب تعرف تمامًا انتَ منو وعايز شنو
لكن في قدر معقول كده من "ذاتك" انتَ بتكون عارفو وعارف كيف تتعامَل معاه

النفس البشرية دي غريبة، غريبة شديد سبحان الله
ولو الواحد مننا ما استعان بالله عليها
ح يلقاها وَدَّتو التّوج جد جد!

الحاجة اللي عرفتها عني، إني بستَقِي معين قلمي وحبرو من المواقف حولي،
والحاجة البتخلّيني امسك القلم واكتب عادةً قاعدة تكون استفزاز منشورات فيسبوك -الفارغة- لَي ولي قلمي ده🤣
فبلاقيني طق طق بديت أكتب أو ربما -اردح- لكن بي أسلوب واعي حبَّة يعني -ردح لكن بي فَهَم-🤣

أها لَي فترة كده من فيسبوك، وماف مواقف حولي في دائرتي القريبة حرَّكت قلمي
ونافذتي نحو العالم الخارجي اللي هي -فيسبوك- مقفولة
فبقت يدّي ماكلاني ودايرة أكتب لكن طبعًا ما عارفة أكتب شنو، وتلقائيًا يوم ورا يوم فقدت سلاسَة الكتابة وجريان الحروف بسهولة وصِياغتها بطريقة لا بأس بها
-ياهو زي ما شايفين براكم الخرمجة الحاصلة فوق- !!

ده بقودنا لشنو؟
لي سؤال، إنو هَل معرفتك للواقِع، وإلمَامَك بي تفاصيلو لازم تكون عن طريق منصات التواصل وإلا انتَ زول مُكَبَّل الفِكر ما عارف الحاصل برا شنو؟
يمكن السبب في كده
إنو الناس بقت جارية جَرِي تكتب هناك أي شي وفي أي وقت وبي اي طريقة ومسموح يشوفو اي زول!

ح تسأل روحك طيب أنا استفدت شنو من الكلام الكتير الما عندو "خاتمة/مُحصَّلة" ده ؟
ح أقول ليك قَد ما تستفيد شي، ما مهم شديد
أنا بس كتبت عشان ما أحس بالرّكود لأنه حسيت الأفكار في راسي ح تتحول بعد شوية لي مُلاح روب🤣💔
وشُكرًا
وعفوًا 🚶🏾‍♀️

شُكرًا أعزاءنا المستمعين نلتَقيكم في -كُوَر شُراب- أخرى🤣❤️

"‏ربّاهُ إنِّي شَارِدٌ فَتَولّني" ")!

https://t.me/Rafed111?livestream

__تعالوا اللقاء ده هسي ❤️

كتير ما بسمع بنات حوليني بقولو "ما بقدر ألبس عباية أو ما بقدر ألبس طرحه كبيرة السخانة او
اللبس الزي دا ما عملي وصعب وغيرها من الجمل اللي تدور حول نفس النقطة"

فجايه أقول ليهم إنه كلامهم صحيح!

للأمانة الحجاب بي نظرة عامة قد يبدو صعب مع الحياة الإحنا عايشنها

طالعين نازلين وراكبين مواصلات، تفاصيل العالم المتمدّن اللي الحريم فيهو جاريات ورا لقمة عيشهم أو إنجازتهم أو قرايتهم، كلها واقعيًا وبي القياسات المادية أنسب ليها البنطلون والبلوزة

لكن ربنا سبحانه وتعالى العالم بكل شي، فرض عليك كمرأة في كل الأزمان والأحوال ترتدي الحجاب الشرعي وتطبّقيهو بشروطه اللي برتضيها الله عز وجل.

كونه الخروج من البيت أصبح فرض على المرأة دا ما معناها تسقط الحجاب الشرعي مقابل ملابس عملية أكتر!

لأنه لو بالمبدأ دا فيبقى الصلاة ما عملية وما جايه ما الحياة الكلّها درش دي لأنها ممكن تقطع لينا شغل أو قراية مستغرقين فيها!


أنا كإيلاف - على الجانب العملي وليس التزكوي- اتعودتا على لبس العبايات في الجامعة، قبل الجامعة ولغاية بداياتا كنتا بلبس عادي بناطلين

بس بعد الجامعة حبيت العبايات واتعودتا عليها بل وصلتا مرحلة حرفنه عديل
أضرب ليكم مثال؟
قبل كم يوم بتاع ركشة كان حيرجع فيني
والحته كانت ضيقة شديد لي إنّي أعدّي
ولابسه عباية الأم جناحات ديك "هي ما عباية درِش ومواصلات لكن أنا اتعودتا"

المهم أنا عملتا حركة كده بسرعة ورفعتا العباية وعديت بي المكان الضيق دا بكل سهولة بدون ما عبايتي تمسك ف الركشة أو أعفصا ولا كده!

وقبل فترة اشتريت إدناءة لأول مرة، ولما لبستها أول يوم ومع شنطة الضهر، لقيتا صعبة وما عملية للدرِش بي سبب أطرافا الواسعة شديد فركنتها شوية كده

لكن لأنّها عاجباني رجعتا لبستها كم مرة وأول أمس أدركتا إنٌها بقت مريحة وعادية وما مضايقاني زي الأول
لكن الحصل شنو!
ياها نفس الإدناءة الواسعة والعباية الواسعة الطويلةلكن الفكرة في التعوّد

يعني غالبًا الجمل اللي ذكرناها أول البوست دي كلها حجج واهية عشان ما تلبسي الحجاب سواء من نفسك الأمّارة بالسوء أو من الشيطان

إضافة لإنه البت في فترة طفولتا ومراهقتا قد تكون ما هُيّأت على إنها تلبس الحجاب ولا أهلها اتكلمو معاها على اعتبار كده كده حتلبسو.. ثم فجأة لما تلقاهو وجب عليها تشوفه صعب!

يعني نستنتج شنو!

"الحجاب سهل لكن إنتي مصعباهو بي حُججك"

مصيرك تتعودي على اللبس الطويل والواسع لو قررتي تطبّقيهو لأنه دا طبع الإنسان بيقدر يتأقلم عادي

سنين طويلة كان الحجاب ثابت وراسخ بل حتى في الغرب كان استايلهم الفساتين الطويلة المنفوشة اللي ممكن يركبو بيها فوق ظهر حصان عادي جدًا

والقصة في النهاية قصّة قلوب..
كلّما اقترب القلب من اللّه صارت الطاعة سهلةً يسيرة، وما إن يبتعد! سيُفتحُ أمامه ألفُ طريقٍ لها ويقول "لا أستطيع"
اللهم أرشدنا لِما ترتضيه❤️
#إيلاف_بدرالدين

__"لا لذَّة العارِفِين، ولا راحةَ الجاهِلِين"🥀

طرقٌ فيها منفعتي، تأباها نفسِي
ذلِّلها لي
وحبِّبها لقلبي
آمين.

"- يا الله يا الله ..
يا رب
هذا القلب يريدك..
ويبحث عن طريق يوصله إليك..
فلا تحرمني قربك..
أنعم عليّ بالثبات وحبّب لقلبي الإيمان واملأ صدري باليقين..
فلا ترهقني الحياة..
ولا تشغلني الدنيا عنك.."❤️

أربعٌ أرجو اللهَ أن يُعينك عليها تبدأ بها يومك:

-الاستيقاظ قُبيل الفجر ولو ب١٥ دقيقة (صلاة واستغفار ودعاء)
-صلاة الفجر في جماعة
-ذكرُ الله، وقرآن حتى تطلع الشمس أو مُدة أكثر
-نصف ساعة رياضة إلى ساعة
***
ثم حدّثني بعدها :كيف قضيتَ ذلك اليوم المُبارك، وكم أنجزتَ من أعمال بإذن الله..

حسين عبد الرازق

أفضل دورة مجانية في كتابة المحتوى 💪

🔴 ليه مهارة الكتابة المحتوى مهمة ؟

في يوم من الأيام حاتحتاج تتكلم عن نفسك وتستخدم نوع من أنواع التسويق وهو التسويق الشخصي

ولو ما بتعرف تكتب كويس ما حاتعرف تعبر عن نفسك واقرب مقال هو ال CV

اما لو انت كاتب فـ الكورس دا حا يبهرك ❤️
https://bit.ly/3QxryKC

غض البصر لفضيلة الشيخ محمد سيد حاج رحمهُ الله

بسمع فيها وحاسة إني محتاجة اسمعها لسه عشرة مرات❤️

من أعمق ما وصف الإمام مالك ليقظة القلب:
"إنَّ الله قد ألقى على قلبك نورًا فلا تُطفئه بالمعصية."

(" ...