إذا رأيت نفسك قد قعدت عن العمل يومًا فتفقّد قلبك فلعلّ قد وقع فيه سببٌ أدى إلى خذلانك وقعودك، فالتوفيق إلى العمل هداية، والحرمان منه خذلان، وقد تخذُل المرءَ ذنوبه وخفايا صدره فتقعده في الطريق وهو لا يدري ..

ولا حول ولا قوة إلا بالله العلي العظيم.

#افتح_مصحفك

الغاية من الزواج هي الأُنس؛
عقلٌ بجوارِ عقل، وقلبٌ مربوطٌ بقلب،
ويدٌ تُداوي، وروحٌ تُعين، ونفسٌ تُطمئِن.⁣
⁣
- سمية الشيخ.

"واغفِر ذنوبًا أرهَقَت أرواحنا"🥀

أمس كنتَ مع صحباتي في المُجمَّع الطِبِّي
وقبل ما نخلص اقترحت عليّ صحبتي نرجع البيت بالقَطر بدل نمشي نتشَرَّا في المواصلات وعشان برضو نترافَق في الطريق سوا بدل ما كل واحدة فينا ترجع براها!

طبعًا أنا أول مرة اجرِّب اركبو فكان في بالي قطر=مِترو=سُرعة لكن في الأصل نحنا ركبنا الكركابة والحمدلله..🤣
المهم
ما كان في مقاعد فاضية، فأول ما ركبنا ختِّينا شِنطنا جنبنا وجلسنا أرضًا سِلاح!
القطر ده ح يزحف كده كتير؟ -سألتها-
قالت لي ما تركزي معاو خليك هنا معاي
مَسَكت يدّي وسألتني: المُراجعة كيف يا صفِيَّة؟
أنا: ااااااع أنا جد جد تِعبتا مني خلاص وما قادرة علَيّ
هي: وردك سورة شنو الليلة؟
آل عِمران
خلاص ارح نسُردها سوا!

أرض القطر الحارَّة، الكتمة، المشي البَطِيء، الجوطة حولنا، التعب الكُنا فيو، الصداع الطبيعي بقى حالنا، الفَتَر والنعاس

كل الحاجات دي تلاشَت
تلاشت تمامًا ونحنا بنقرا سوا

ما فَكّت يدي طول ما نحنا قاعدين نسرد،
لما وصلنا الآية
"ولا تَهِنوا ولا تَحزنوا وأنتُمُ الأعلَونَ إن كُنْتُمْ مؤمِنين"
ضَمَّت يدي شديد وبقت تكرر في الآية من أول وجديد
ابتَسَمت،وشفتَ عينا ملانة دموع!

آخر اليوم بعد وصلنا رسلت لَي الصورة دي وقالت:
‏"أمَّا خِلُّكَ فَهو ظِلُّكَ ومُسْتَظَلُّكَ
وهو كُلكَ إن كان صالحًا" 🤍🤍.
_الله يجعل أصحابنا قرة عين لينا ويجعلنا لبعض صالحين مصلحين
بعدها رسلت لَي:جلسات السرد دي بتخطف قلبي!♥️

ك زولة مُتذبذِبة في طريق ربنا
أمشي فيهو يوم وأيام احس بالتَّعب
مافي شي برجّعني قدر ما برجع بي سبب رفيقاتي من بعد الله عز وجل!

ولو قالو لي وصيتك قبل ما تموتي شنو؟
بقول استَكثري من الصحبات الطيّبات في الدنيا
اللي بتجُرّك للخير جَر
والبتاخُد بي يدك وتقول ليك تعالي اجيب معاك وردك من القُرآن
البِتَبقى عشرة على حجابك أكتر منك، والبتقول ليك الله الله في صلاتك
البِتَصلك وتَصل أهلك، والبتقيف معاك في أمور دينك وتحرص على حال قلبك وصلاحو!
لو قالو لي وصيتك قبل ما تموتي شنو؟بقول ليك أبقِي عشرة على الصَّحبات الفِيهِن خير
وعشان الطريق لي ربنا ما ساهِل
وعشان الإنسان بي طبعو مَلول، جات فكرة مُجتمع لا تَمِيلي
لا تَمِيلي عشان كل واحدة براها=تلقى رفيقة تعينها على الخير والطَّاعة
نتشارك هموم ديننا سوا ونمشي لي ربنا ايدّينا في ايدِين بعض
نبقى عشرة على بعض في الدنيا ونسأل عن رفيقاتنا لما بإذن الله ندخل الجنَّة

الطريق الطويل بقصَر لما تمشيو مع رِفقة، والتَّعب بهون لما تلقي كَتِف صاحبتك جنب كتفك
ما تمشي براكِ، الجنَّة بندخُلها زُمرا

في الخِتام،
قَدْ يَكُونُ الدَّربُ صعبًا لا تَمِيلي💙

وشُكرًا
وعفوًا
#صفِيَّة_مُصطفى

__تَجَلَّدْ وَلا تَيأَسِ🥀")

"المرءُ إذا حَزِن
استَدعى كُلَّ أحزانِهِ السَّابِقَة
كأنَّ حُزنًا واحِدًا لا يَكفِيه"🥀

"ربَّنا ولا تُحَمِّلنا ما لا طاقَةَ لنا بِه"

ده رابط قناة في التلجرام لمراكز تحفيظ القُرآن في السُودان "أولاد وبنات"
جزى اللّٰهُ من أرسلهُ كل خير💙
https://t.me/mrakz_sudan

أشكُوا إليكَ أمورًا أنتَ تعلَمُها
مالِي على حِملها صَبرٌ ولا جَلَدُ🥀

اللهم..

كَكُلّ ليلة، بنفس الحُبّ، وذات الدعوة، أنتَ الذي تعلَمُ ولا أَعْلَم، عبدُك الذي أسلَمَ وسَلَّم، وأنت الله الأكرَم

آتِني من القوّة والحُبّ، والصبر والقُرب، والفهم الصَّلب، حتى أُكمِل العمل، وأتمّ المهمّة، وأصل الغاية، ثمّ ارحمني.. وأغدِق على قلبي يا ربّ، إنّ لي قلب طفلٍ مندهش!

#تمكين

"أُنادِيكَ بِكُلّ ذرَّةٍ في كيانِي
ألا تتخلَّى عنِّي
فأنَا..
عبدُك..
الضَّعيف"..🥀

https://www.facebook.com/103901198854271/posts/155689000342157/

مساءُ المساءاتِ المُنتظَرة ♥️🔥

لاَ يطُولُ الطَّريقُ علىٰ مُحبٍ حَملَهُ قلبُه!.. ♥️

– وِجدان العَلِيّ

"أنت الصديقُ المُختَلِف
الناسُ ناسٌ، إنّما أنت الكَتِف!"
📷 زبيدة.
❤❤

الناس المنتظرة الفعالية تجي🔥❤️

مسا مسا🥳🔥

سواء كُنتِ متابعة أخبار لا تميلي من أول يوم
أو عرفتيها قريب
أو كانت دي أول مرة تسمعي بيها..

سواء كُنتِ طالبة أو موظفة، عندك شغلك الخاص أو أم ومُربية..

خطواتك لربّك ثابتة قوية أو ماشة بعرَجِك،
وقفتِ في الطريق.. أو حتى راجعة ورا 🙌🏽💔

متوهجة منتعِشة أو أنهككِ الانطفاء أو داخلة في دور درامي 😂💁🏽‍♀️

كلكم كلكم.. عاوزين نقوليكم حاجة واحدة هي:
رابط التسجيل في فعاليتنا الأولى وصل
https://api.whatsapp.com/send?phone=249112357715

-الدخول ح يكون بواسطة الباركود اللي ح يترسل ليك بعد تسجيلك🔥

-زمن الفعالية: 2/7/2022

-سعر التذكرة: 2500ج (اكتبي اسمك في الاشعار ورسليهو في الرابط الفوق طوالي)

-المكان: قاعة مأمون بحيري.

سجلت ولا لسه؟🔥
سجلي عشان فعالِيَّتنا ح تزيد جمال بي جَيّتك،
وما نوصيك،
جيبي صحبتك من إيدها وتعالوا سوا 💙

عاوزين نعيش يوم ساعاتو وضحكاتو ما تِتنَسي💙

#قد_يكون_الدرب_صعبًا_لا_تميلي
#لا_تميلي

عبدُكَ المسكينُ يا الله
وإن تَكِلنِي إليَّ أهلَك💔