رزقنا اللَّهُ وإيّاكُم يا أحِبّة ♥️

أَليسَ غريبًا..
أن تفرَح لأنك شخصٌ ذو عقلٍ متفتِّحٍ وذا أفُق

أنك تستطيع أن تُغمِضَ عينَيك فتتخيّلَ كلّ جميل

وأنك مُتعَب.. مُتعَبٌ مِن كونك صاحِبَ خيالٍ خصب

تتمنى لِلحظة.. لو كُنتَ دون عينٍ لمّاحة
رُبّمَا وقتها
نمت مرتاح البال .. دون استرسال!

#صفية_مصطفى

"قدِيمًا قالَ لِيَ الشَّيخُ بِرِفقٍ وَبِلِين :
أكمِل أورَادَك يا ولدِي؛ فالسَّفرُ طَوِيل"💛

في مرة كانت الداتا بتاعتي شغاله  يومياً بتنزل فيها 500 ميقابايت وغالباً ما بكمّل ال500 في اليوم.
و كان عندي  مسلسل بحضر فيهو.
أثناء ما الداتا شغالة جاني رصيد في شريحتي التانية حوالي 200 جنية.
لمّا جاني الرصيد الكتير دا، كنتا ببدأ أنزّل المسلسل بي الداتا ولما تنتهي طوالي بفعّل شريحة الرصيد وبقعد أنزّل وتنتهي، وتاااني أفعّل وأنزّل وهكذا والحكاية ماشه.
تقريباً نُص الرصيد العندي خلص وأنا بنزّل في المسلسل.
و كنتا بقعد اليوم الكلو بحضر فيها وبخلي باقي حاجاتي كُلّها و واجباتي وإلتزاماتي.
طبعاً عندي تبريرات ببررا لي نفسي بقول بتعلّم إنجليزي عشان ما أحس بالذنب 😂
المهم قبل موضوع المسلسل دا بي كم يوم كان مرت علي آية الرزق في سورة الشورى  (( وَلَوْ بَسَطَ اللَّهُ الرِّزْقَ لِعِبَادِهِ لَبَغَوْا فِي الْأَرْضِ وَلَٰكِن يُنَزِّلُ بِقَدَرٍ مَّا يَشَاءُ ۚ إِنَّهُ بِعِبَادِهِ خَبِيرٌ بَصِيرٌ))
فكّرتا فيها كم يوم ورا بعض
وبقيت بسأل نفسي بقول :  ما كان ممكن اللَّه عز وجل ينزّل لينا الرزق كتير، لي يعني بقدرٍ معلوم؟
حسيت إني عايزه أفهم الآية أكتر وأتيّقن بيها أكتر.
فلمّا حصل موضوع المسلسل دا إتذكرتا الآية طوالي.
وربطّا بين تصرفي وبين الآية💙
أنا عندي شريحة الداتا اللي هي بتنزل لي فيها الميقابايت بي قدر معلوم وكل يوم كُنتا بنزّل حلقة وبحضر، وباقي اليوم بعمل باقي واجباتي.
أما لمّا بقى عندي الداتا والرصيد الكتير اللي هو رزق كتير بقيت بنفس ما قالت الآية "لَبَغَوْا فِي الْأَرْضِ"
باغية على نفسي،
ما خاته حساب لي زمني أو إلتزاماتي،
ولا لي الرصيد، ولا لي أي شي.
حسيت الآية وقعت لي شديد اللحظة ديك💙
بس لسه كان في سؤال في بالي..
طيب برضو كان  ربّنا سبحانهُ وتعالى ينّزّل لينا رزق كتير مرّه وحده بدل التعب؟
لقيت روحي بجاوب ليها وبقول : لو حصل كده معناها الدنيا حتبقى جنّه.
إذا كل شخص فينا أخد رزق من غير إنقطاع وسعي وتعب معناها فعلاً دي الجنة.
غير إنو لو نزل ليك رزقك كامل مرة وحده  غالباً حيكمل قبل ما نموت ذاتو 😂بي سبب إنو الإنسان كائن إستهلاكي شرِه .
فهي الدُنيا كده دار إبتلاء للفقير والغني.
لي البلقى رزق اليوم ولي البشحد ولي الموظّف حتى الملياردير اللي إحنا بنشوفو أحسن مننا تعبان في الدُنيا عشان يزيد قروشو أو أقلّاها يحافظ عليها ما تنقص.
فيبقى إحنا في دار الإختبار  وبي نفوسنا الضعيفة دي لو الرزق دا بقى ماشي لينا كده.
حنبغي في الأرض، حنظلم أنفسنا قبل الحولنا، حنركلس وحنتكِل على الدُنيا.
أما لمّا الرزق يكون معلوم وربّنا بنزّلو بقدر وبي حكمة وشوية شوية حنتعلّم نصبّر لمّا نفقد ونشكر لمّا يجينا.
والإتنين الصبر والشكر بتمشي بيهم الحياة 💙
فسبحانهُ الحكيمُ الخبير🌸☁️
اللهم أرزقنا دوماً الفهم لآياتك واليقين في حكمتِك💙🌸
#إيلاف_بدرالدين

"صنائعُ المعروف تقِي مصارع السوء"

زميلتنا في واحدة من المنظمات الطوعية
حصل ليها شلل فجأة.. ومحتاجين يعملو ليها mri
لكن وضعهم الأُسرِي متعسِّر.. وكلنا عارفين الفحوصات الليلة بقت مُكلِّفة..

رايكم شنو تقاسمونا الأجر ليكم والعافية ليها

ده رقم الحساب للتحويل بنكك :
1623440
باسم أشرف عبدالعظيم الأمين البشير
وده رقم أخوها المُرافِق ليها لتحويل الرصيد :
0128135575

وكتِّر شيرَك .. يِكتَر خِيرَك ♥️

"كُلَّمَا استيقَظ الإِنسانُ مُن غَفلَتِهِ.. أعَادَتهُ الأمَانِي"!

ح أكون ممتنَّة جِدًا .. لو استصحبتوا اسمِي في دعواتكُم 💙

في البهجة والألم، ستجدين يدي الحزينة تُساندُ يدك، وقلبي الحزين يُصغي لقلبك.
- ألفريد دي موسيه

كتاب جميل شديد عن سيرة النبِي ﷺ ♥️✨

"الأُخُوَّة ..ليالٍ لا يهُونُ على الوفِيِّ تركُها لرياحِ الزمن تعصِفُ بِها حيثُ تشاء"!

• قد يذبل في ناظركَ حلمٌ نبيل..
فقط لأنك حدثت بهِ من لا يُقدّرُه

• قد تسقط في منتصف طريقٍ يسيرٍ عليك،
لأنّ الذي ودعك عند بدايته أخبركَ أنّ قدماك أضعف من عثرات الطريق

•و قد يحيى فيكَ حلمٌ قديم..
بكلمةٍ طيّبةٍ من روحٍ طيّبة
فيستحيلُ واقعًا و يؤتي أكلهُ كل حينٍ بإذن ربّه

• و قد تبلغ منزلة ًما كان لكَ ببلوغها حولٌ ولا قوّة..
فقط لأنّ عزيزًا قالَ لك أنه يراكَ أهلًا لما هو أعلى، و أن هذه المنزلة هي أقل ما تستحقه
__
ما استطعت، خذهُ عهدًا على نفسك:
ألّا يُهزمَ أحبابك بكلمةٍ منك أو فعلٍ لم تُلقِ لهما بالًا..
يكفيهم من العسر وجود أعدائهم، و زمانٌ قلّما ابتسَم..

#أروى_علي

تحتَ الوِسادة
خيباتِي الكثيرة والَّتِي كُنتُ أسقيها ليلًا بِأدمُعِي

أترُكُها صباحًا وأصحُو
أملًا في أن أجِدَ شخصًا يُقدِّر محبَّتي الخالصة.. واجتهادي في أن ارسُمَ ابتساماتِي عليَّ وعلى الرفاقِ من حولي
شخصًا طيِّبََا لا ينسى جميلًا ولا يُنكِر معروف!

#صفية_مصطفى

القناة دي كنز.. تابعوها على يوتيوب 💙

"لا ترغَب فِيمَن زَهِدَ فيك"!

"قَد يُشَاطِرُكَ أَحَدُهُم آخِرَ زَادِهِ مِنْ الصَّبْر"...!

"كم كُنَّا غُربَاء.."!

لو أن أحدكم هم بإزالة جبل، وهو واثق بالله؛ لأزاله.

- ابن القيم

اطلُب منه أن يتولى أمرك..
و أن لا يكِلَكَ لنفسِك..

"ما بلقَى أحسن مِنُّو"..!

دايمًا بكون جوَّانا شُعُور.. إننا ما ح نلقى أحسن من الخيار العِندنا ده خصوصًا إذا كُنَّا متمسِّكين بيهو شديد وقافلِين عليو بي كُلُّو
بنخَاف نفرِّط فيهو.. بِنخَاف نخسرو .. وبنتمَسَّك بيهو قُدرَتنا!

في الحقيقة..
دي ما حاجة كعبَة.. إننا نكون أوفِياء تجاه أشياء كتيرة في حياتنا

لكِن..
ما نخلِّي الحاجة دي تصَل مرحلة إنها تنقَلِب علينا وتكون ضِد

الخوف الشديد ما كويس.. والتَمسُّك حد الإفرَاط برضو ما كويس

وعشان الكلام يكون بي صورة أوضح..
اتعَلَّم تحافظ على الأشياء.. الأشخاص.. وكل شي طيب في حياتك وكون مُمتَن

لكن في حالة فقدتَ الحاجة الكُنتَ متمَسِّك بيها.. ما تندم
عشان سببين..
الأول..
عشان كُنتَ وفي ومُخلِص.. بس النصيب والقدر كان كده

والسبب التاني..
عشان مفروض تتعلَّم إنو من حُسن الظن بالله
إننا نوقِن ونأمَل كل خير من كُل فقد
ونؤمِن تمامًا
إنو ربنا بِعوِّض.. مهما كُنتَ مقتنع إنو الحاجة دي ما بتتعوَّض
صدقني.. عِوَض ربنا فوق ما نتصوَّر وأبعد من الخيال!❤️


وشُكرًا
وعفوًا

#صفية_مصطفى

"وعد ليك.. كُلَّ النِّجِيمات.. شارقة ليك" ♥️✨