📚   <<<< 👉ለምን እንፈራለን? >>>>📚

ከሚሊዮኖች አመታት በፊት፣ ፍርሃት ለአኗኗራችን ከተመቸ ክልል መውጣታችንን የሚያመለክት አካላችን የሚሰጠን የማስጠንቀቂያ መንገድ ነበር፡፡ ሊያገኘን ከሚችል አደጋ ያስጠነቅቀንና፣ ሮጠን ለማምለጥ የምንፈልገውን ውስጣዊ ኃይል የሚያመነጭ ኬሚካል ይሰጠናል፡፡ እንደ ጦር የሾለ ጥርስ ያላቸው ነብሮች በሚያሳድዱን በዚያ ዘመን ይህ ምላሽ እጅግ ጠቃሚ ነበር፤ አሁን ግን ብዙዎቹ የሚያስፈራሩን ነገሮች ያን ያህል ለሕይወት አስጊ አይደሉም።

ዛሬ፣ ፍርሃት በአብዛኛው ነቅተንና ተጠንቅቀን መቆየት እንዳለብን የሚነግረን ምልክት ነው፡፡ ፍርሃት ሊሰማን ይችላል ግን አሁንም ወደፊት መንቀሳቀስ እንችላለን፡፡ ፍርሃትህን ከአንተ ጋር እቃ ለመግዛት ወደ ሱቅ መሄድ የማይፈልግ የሚፈራ የሁለት አመት ልጅ አድርገህ አስበው፡፡ መቼም የሁለት አመት ልጅ አስተሳሰብ ሕይወትህን እንዲያሽከረክረው አትፈቅድም፡፡ የግድ እቃውን መግዛት ስላለብህ የ2 አመቱን ልጅ ይዘኸው ትሄዳለህ፡፡ ፍርሃትም የተለየ አይደለም። በሌላ አነጋገር፤ ፍርሃት ለመኖሩ እውቅና ስጥ ግን አስፈላጊ ነገሮችን ከማድረግ እንዲከለክልህ አትፍቀድ!
 
   ❤️መልካም ቀን! ❤️

ይህን_ድንቅ_ታሪክ_አንብብ!
በአንድ ወቅት ጫካ ውስጥ መውለጃዋ የቀረበ አንዲት ሚዳቆ የመውለጃ ሰዐቷ ደርሶ ትግል ላይ ሳለች ድንገት አከባቢዋን ስትቃኝ ከፊት ለፊቷ ወንዝ ፣ ከኋላዋ ቀስት ያነጣጠረባትን አዳኝ፣ ወደ ጎን ስትዞር የተራበ አንበሳ አሰፍስፎባት ትመለከታለች።
ይህም ሳይበቃት ጭማሪ ከፍተኛ ነጎድጓድና መብረቅ ያጀበው ደመና መጥቶ ሰማዩን ያጨልመዋል።መብረቁም ሀይለኛ ስለነበር ደኑን ይመታውና ከፍተኛ ቃጠሎን ያስነሳባታል። ምን ታድርግ?
ወደ ፊት ሮጣ እንዳታመልጥ ጥልቅ ወንዝ ተደቀነባት፤ከኋላዋ አዳኙ፤ከጎኗ ደግሞ አንበሳው፤ወደ ጫካ ገብታ እንኳ እንዳትደበቅ ደኑ ከፍተኛ ቃጠሎ ላይ ነው...
በዚያ ላይ የውልደት ህመም ነፍስ ውጪ ግቢ እያስባላት ነው ...
ሚዳቆዋ በዚህ ውጥረት ውስጥ ሆና ትኩረቷን መፈፀም ወደ ምትችለው ነገር ላይ ብቻ በማድረግ ቀሪውን ለፈጣሪ በመተው በመወለድ ላይ ስላለው ልጇ ብቻ ማሰብ ጀመረች.....
አዳኙ ቀስቱን አነጣጥሮ ሊለቅ ባለበት ቅፅበይ ድንገት የመብረቁ ብልጭታ አይኑ ላይ ብዥታ ፈጠረበትና ቀስቱ ተስፈንጥሮ ወደ ተራበው አንበሳ ይሄድና አንበሳውን ይገለዋል።
አጉበድብዶ የነበረው ደመናውም መዝነብ ይጀምርና የደኑን ቃጠሎ በቅፅበት አጠፋው።
በጭንቅ ታጅባ የነበረችው ሚዳቆም በሰላም ተገላገለችና ወደ ቀደመው ህይወቷ ተመለሰች።
አንዳንዴ በህይወትህ ውስጥ በብዙ ፈተናዎችና ጭንቀቶች ልትከበብ ትችላለህ፣ ያኔ አንተ ልትፈታው
በምትችለው ነገር ላይ ብቻ አትኩርና ቀሪውን
ለመፍትሄዎች ሁሉ ባለቤት ለሆነው ለፈጣሪህ ተወው።
መውጫ መፍትሄ አንተጋ እንጂ ፈጣሪህ ዘንድ አይጠፋም።
አስታውስ ሁሌም ትላልቅ ወይም ከባባድ ፈተናዎች አሉብኝ ብለህ ለፈተናዎች እውቅና ከመስጠትህ ይልቅ የከባባድ ፈተናዎች አለቃ የሆነው ጌታ አለኝ እያልክ ጭንቀቶችህን አቅልላቸው።
በፈጣሪህ ፈፅሞ ተስፋ አትቁረጥ!!

.