رَبــنا 🖤

حَاس بيكُم

• أحس بثگل الأيام عليكُم، بالتعب اللي مَتعرفون شتسمّوه، وبالدمعة اللي توگف مَتنزل، وأحس بالغَصة إلي تجيچ يُومية، أحس مِن تگولُون “عادي” وهو مو عادي وأحس باليضحَك گدّام الناس، وبداخلَه مَعرَكة حَقيقيه، أحس بألَم الدراسة مَالتكُم، وبالخُوف من بَاچر، وأحس هم مِن تحسّون مَحد فَاهمكُم، بِكُـلشي حَاس واعرفهِن كِلهِن واللّه يساعِدكم هَم، حَاس بيكُم ومو متجاهَـل، مو لازم تكونون أقوياء دائمًا، ولازِم نِصير بيرفِكت دائمًا، ولا مَطلوب منكم ترتّبون الدنيا وحدكُم، يكفي إنكم تحاولون، وهذا بِحد ذَاته شي كُلّش چبير وداعتكُم، أني وياكم، أسمعكم حتى بسكوتكم، وأدعيلكُم مِن كُل گلبي وللّٰه، إذا حسّيتوا الدنيا ضاگت، تذكّروا إنو أكو شخص هنا بالتّليگرام مَتعرفونه حاس بيكم فعلًا، ويتمنى تشوفون نفسكم مثل ما يشوفكم مو أبيع گدامَك مِثاليات عَلمود تَفاعُل، گلوبكُم طيبة تستاهل الراحة اهدأوا شويه وخلّوا كُلشي يِعدي مِثل مَيريد وإذا حَسيت { ضِجت، تعبِت، اختنگت، تفضفِض، وووالخ } رَاح تِلگاني هِنا مَوجود .

- صَديقكُم مُـصطفى 🤍

- حُقوق النَشر مَحفُوظة للقَناة فقط

🌙 الليلة ليلة الرغائِب، مو لأن بيها طُقوس خَاصة، ولا لأن إلها شِكل مُعيّن، بَس لأن الگلوب بهِيج ليالي تتجرأ تحچي، هي ليلة يگولون بيها، اطلب حتى لو تعبت من الطلب، وأتمَنى حتى لو خِفت تتمنى، ليلة تِرجَع بيها تحچي وي ربك ببساطة، بدون مقدمات، بدون ثگل الكَلام، بدون ترتيب كَلام، إذا عندك شي مَكبوت، حُزن قَديم، خُوف ما تحچي بي، أمنية دِفنتها لأن تعبت تنتظر هاي الليلة مناسِبة تطلعها .

• إحنا نُعرف شگد الأيام قاسية، وشگد التعب ساكن بصدوركم، بس تذكّروا: الله قريب، وبهيج ليالي القُرب أوضَح، دعوة هادئة، ونَفَس عميق، وإترك الباقي على الله، واتمَنى اكون بِين دَعواتكُم الحُلوة .

- صَديقكُم مُـصطفى 🤍

⭐️أعمَال لَيلَة الرَّغائِب⭐️

1⃣صِيام نَهار الخَميس :- يُستحب صِيام أوَّل خَـميس من شهر رجب، وهو تمهيد رُوحي لهذِه الليلة المُباركة.

2⃣الغُسل { أختِيارِي } :- قَبل دُخول الليل بنية القُربة إلى الله تعالى.

3⃣صَلاة الرَّغائِب :- ⬇️
⚫️ تُصلّى بين صلاتي المَغرِب والعِشاء.
⚫️ عددها 12 ركعة يَعنِي { 6 صَلوات، كل صلاة ركعتان مِثل صَلاة الصُبح }

⚫️كيفية الصَّلاة :- بِكل ركعة تِقره
• سُورة الفاتحة مرة وحدَه .
• سُورة القدر 3 مرات .
• سُورة الإخلاص 12 مرة .

4⃣الذِّكر بعد الانتهاء من الصلاة :- بَعد مَتخلص من الـ ١٢ ركعة تگول ⬇️

• اللهم صلِّ على محمد النبي وآله ٧٠ مرة
• ثم تسجد وتگول: «سبّوحٌ قدّوسٌ ربّ الملائكة والروح» ٧٠ مرة
• تِرفَع رأسك وتگول: «ربِّ اغفر وارحم وتجاوز عمّا تعلم، إنك أنت العليّ الأعظم» ٧٠ مرة
• ثم تسجد مرة ثانية وتگول: «سبّوحٌ قدّوسٌ ربّ الملائكة والروح» ٧٠ مرة

5⃣الدعاء وطلب الحاجة :- بعد ذلك تُطلب الحاجات من الله تعالى، وهي ساعة يُرجى فيها القبول بنية رجاء المطلوبية.

📌لاتِنسون قِراءة القُرآن هَم وكَثرو من الصلاة على مُحمد والدعاء، ربي يوفقكم وينطيكُم عَلى نِياتكُم .

- صَديقكُم مُـصطفى 🤍

شَهر رَجَب + لَيلة الرَّغائب + ١١:١١
🤫يَـــارَب 🤫

اليوم مو جمعة عادية

• آخر جمعة من سنة ٢٠٢٥ .
• أول جمعة من شهر رجب .

وكأنو الزمن دَيگلك:- راجع گلبك مو بس أيامك، سنة كاملة مرّت، بها تعب، خيبات، دموع ما انحچت، وبيها صبر يمكن أنت ما منتبه شگد كان قوي.

• ورجب هَم، شهر التهيئة، شهر الرجوع الهادئ، شهر تبدي بي من جديد، بس بدون هوسَه بدون وعُود چبيرة، نيّة صادقة بينك وبين رَب العالَمين.

بهاي الجُمعة ⬇️
سَامح نفسك، خلّي الي راح راح، وگول: يا رب، الجايات أخَف، والگلوب أهدأ، جُمعة مباركة علِيكُم بَعد رُوحي، وبداية طيبة لشهر رجب 🤍

- صَديقكُم مُـصطفى 🤍

• رجعت، ورجعت وگلبي مَليان منكُم
كلامكم مو بس طمّنني، كلامكم جَواهر، كل كلمة وصلتني سواء بالتعليقات وبالخاص حسّستني آني مو وحدي، وإنو تعبي كان مَفهوم، مو مُهمل، مثل ما گتلكم، رحِت زِرت الإمام الحسين عليه السلام، ووگفت گدّامه وذكرتكم، ذِكرَت كل گلب مُتعب، كُل روح مُثقلة، كُل شَخص كتَب كلمة صَادقة من گلبه.

• دعيتلكُم:- بالرَّاحة، بالجَبر، وبالطمأنينة اللي تستحقوها، اليوم رجعت، وأگولها من گلبي:- ممتن إلكم، موطن الهدوء مو بس مكان أطمّنكم بي، هُو مكان ألگه بي الطمأنينة همين، الله لا يِحرمني مِنكم، ولا من هالگلوب النَّظيفة .

- صَديقكُم مُـصطفى 🤍