فراش الفاتحة لو شفته ملموم
بنص گلوبنه تلگه الچوادر….

شيصير لو يطلع حلم ماميت انت البارحه
وشيصير لو يطلع حلم مانلگه چادر فاتحه

ادري التراب الباگهم مايستحي من گلوبنه؟

وفي ليلة الجُمعة الفاتحة على روح المرحوم حيدر كريم محسن


بِسۡمِ ٱللَّهِ ٱلرَّحۡمَٰنِ ٱلرَّحِيمِ ٱلۡحَمۡدُ لِلَّهِ رَبِّ ٱلۡعَٰلَمِينَ
ٱلرَّحۡمَٰنِ ٱلرَّحِيمِ مَٰلِكِ يَوۡمِ ٱلدِّينِ
إِيَّاكَ نَعۡبُدُ وَإِيَّاكَ نَسۡتَعِينُ ٱهۡدِنَا ٱلصِّرَٰطَ ٱلۡمُسۡتَقِيمَ صِرَٰطَ ٱلَّذِينَ أَنۡعَمۡتَ عَلَيۡهِمۡ غَيۡرِ ٱلۡمَغۡضُوبِ عَلَيۡهِمۡ
وَلَا ٱلضَّآلِّينَ

صدق الله العلي العظيم.

كمت أمر بترابهم واشتم عطرهم
وسأل تراب الكبر يوميه عنهم
بعده لون الورد مرسوم بوجهم
لو ترابك ياكـبر غير شكلهم

شعِجب تُبخل عليه بجية العيد؟
والله إشعل الروح أشموع
لو جيت تدري انتَ شكثر
تكتل الفرگه!
إحرگ عمري ألـلك
لو يوم رَديت واليابس
وألاخضر همَ إحرگه

بعَد ما التفَت
لو سَمه بظهَرِي تطِيح
حسَبالك كبل !
لا گلبِي جُوِيتَه .

ما قانعنه موتك والتوابيت
لا صرخات لا بهدومنه السود
رحنه المكبره مو ندفن انصير
رحنه وياك بلكت ترجع تعود

جنت بشقاك تونس الناس
وهس بشقاك تونس الدود

اريد اعتذر خاف بدمعي اذيتك
ولكن مااجيت هواي تانيتك
لا اني الرحت وياك حتى ارتاح
لا انت الاجيت ونورت بيتك
تمنيتك كنز مو جثه من دفنوك
وكت العازة أطلعك لو حتاجيتك

تِرد مكسور وحَدك
محَد وياك
وتُبقى لوحدك تبچي بغرُفتك
تلگه الواگفتلك بس حياطين
وانتَ الماخطت واحد وگفتك
يخرب واهسك وجدامك تبيد
وگَلبك يوجعك وماتدري شتريد
يابويه شثگلها تصير الأيام !
ترا شغلة الفَرگة تريد تعويد
هوَ الماله أحد لمن يطيح
يتمنىٰ مِن الأول ضَال وحيد

گلبي انعرضله اشكال العيون
والوانهن لون احلى من لون
استنكه گتله وكام اخذني لصورك
وگال الا ذني!
شسون عيونك ؟
ضيعني!!
جاي اقهر امي والله شاهد
تصحى الصبح تلگاني گاعد
تگلي الكواغد يمتى تنعاف
تسمي الصور ذني كواغد…!!

تِنسىٰ شلون آنه بكِلشي موجود
حتىٰ بضحكتَك صايرلك إلهام
رَتبتك ، بنيتك ، صِغتك وياي
رسمتك مِن شعر راسك للجدام !

خلي نلزم خصرك بوقت الشباب
ومن نشيب نلزم السجادة
ركبتك مو للكلايد
لا حرام!! عدنه شفه تصير خوش كلادة
هيَ شامة ويندل الله يحطها وين
بالمكان الي بي يعذب كلوبنه

بسببنه تغازلو عند الله اهل لنار
ولعنده حبيبه هناك جواها
ولجنه بعد محد تمناها
بنت بليس لبن بليس جبناها
اذا حته بجهنم وادم يحبون
جا بلجنه شنحب لو دخلناها
انه ضد لسياسي لبايك لحمال
وانه ضد العمامه التنهب الكاها
بس انته الحلو من شارعنه مريت
شفنه عيون حلوه ورحنه بكناها
لجيبلك ورد وشتل امجان مجان
لان منطقت خصرك ما زرعناها.

تتناسى مو مشكله!
لكن يجيلك وكت
بي حتى ثگل الهوى
ما تگدر تحمله
ساعتها تعرف صدگ
من ايدك شضيعت
بس وين تندله؟
والمثلي لا ينسي
ولا تگدر تبدله

من غيَرك سمَعته
المَنك اتمنَاه وضكَت
حروره المشتاك
لو سَير وعَرفت اليَحب
والمَا يحَب يا لون
وعَرفت اليشتهيني
بكُل ظرف يحظر

وتسافر بليل الحزن
جذاب حلمك والجفن
وبعده الخلاف ويا الزمن
هوه صعب وانت مرن
ليش الحزن رباك صايرلك ابو
وانت برضاتك صاير لحزنك ابن
ليش وتحن؟