#大埔

好感激身為大埔友嘅你地嚟參加和你跑，同埋肯相信我地，帶埋小朋友嚟參加嘅家長，亦都好多謝一班跨區跨到「無雷公咁遠」都嚟支持我地嘅跑友。

雖然我地每次安排都唔係咁理想，但你地每個星期都嚟支持我地，希望活動當中嘅訓練對你地有幫助，同埋可以令你地係流汗過程中，將一啲負能量暫時放低。如果你覺得訓練可以對你地身邊嘅朋友有幫助嘅話，不妨叫佢嚟試下。
 
過去一年多，當我地越退縮，對方嘅打壓只會變本加厲。

香港人可以沉著，但請保持憤怒。

只有鍛煉出良好嘅體魄先可以變成一座座大山咁屹立係對方嘅面前，唔會輕易被推倒！

請堅持，直到曙光來臨為止！
 
初心不變，堅定不移。
我若放棄，誰衛我城。
 
#多謝3粒開心果為大家帶嚟笑聲
#多謝無論幾辛苦都堅持完成嘅你地
#一緒に築いていく未来
 
 
P.s. - 未來3次活動將會係最後有得拎印仔嘅時限。滿5個印仔會有一份小小小禮物‧滿10個印仔會有一個抽獎機會，至於獎品係咩就睇你嘅運氣啦。

P.P.s. 有關新朋友想拎印仔嘅關係。好抱歉因為印仔計劃已經係停跑前嘅產物，所以唔會再有啦，十分抱歉。不便之處，敬請原諒。 
<但如果你想拎一張(數量有限)留為紀念，請係下次報名時通知機械人。不過就唔會再有印仔儲禮物啦>