https://ehsan.sa/

ادخلوا إحسان،
واختاروا فواتير الكهرباء رتّبوها من الأقل،
وخلّوا لكم بصمة في إغلاقها
مبالغ بسيطة لكن أثرها كبير
وفي يوم الجمعة الصدقة نور وأجرها مضاعف

الله يتقبل منا ومنكم

واللي خلق هالأرض في ستة أيام
‏ومعها السّموات وسبع الأجبالي

‏إني أحبّك في الدقيقة مية عام
‏و إنك في وسط القلب ودايم بـ بالي

‏يا أجمل محاصيل اللّيالي و الأعوام
‏معك الهوى عشته بـ أحلى الليالي

دنياك لو شانت تراها مقادير
‏مافي يدينك .. غير حلم وقناعه

‏واللي انكتب رحمه وخيره وتدبير
‏واللي مضى مايعود منه لو ساعه

‏وأصبر على المقسوم لو فيه تقصير
‏إما تزين أو جعلها .. للقلاعه

اشتقت لك ياللي معك يقصر الليل
‏دقايقِ تمضي بلياك ساعات

‏اشتقت لعناق الهوى والتعاليل
‏وهروجك الي منهن الروح تقتات

معك الليالي أفراح ودروبي وساع
‏والحب ثوبٍ من لبسته زهى بي

‏شلون بجزع معك وأضيق وأرتاع
‏وأنت العوض عن كل خوفٍ عثى بي

‏«لك وحشةٍ ميعادها تالي الليل
‏لا نامت عيون البشر زاورتني

‏أسهر معاها بين شوق وغرابيل
‏وأجر صوتي والعيون أسهرتني»

القدر ياحبيبي هدام الأحلام
وأخفى معالم حلمنا وانتهينا

توادعنا قبل أسابيع وشهور وأيام
وياكثر الصدف اللي فيها التقينا

ياكثر مافقدت وقلت العوض قدام
تقدمنا والعوض ماوده يجينا

لاحظ قايم ولا محققه أحلام
جعلها كلها بقلعة وادرينا

وما عاد صارت تغريني ملذات الأيام
ومات الأمل مع موت حلم السنينا

كيف ننسى والكلام يلوح كفه بالعتيم
‏والهقاوي صفحةٍ تطوى وغلطة فايته

‏صوتي البارح قصيدة لحنها جرحٍ قديم
‏سرمدية تسحب الونّه بـ دمعة بايته

‏مورقة بالغي والخذلان يضرب بالصميم
‏ظامية والشوك بـ خطاها يطارد غايته

‏صاحبي ضم التعب بيديك لاهبّ النسيم
‏للرجا، ربٍ كريم ولـ الطريق نهايته .

‏أثر مابقى لي بعدك الا سراب ودرب
‏تعيش الفقارى .. مالها الا أمانيها

‏أنا آخر ليال السلم و أول ليال الحرب
‏أنا الليلة إللي ضحكتك ماهي بـ فيها

‏أحبك ولو عادت جميع الوجيه أغراب
‏خذيتك أمان يشرّد الخوف من طيبه

‏أشوف الحياة اللي مع الناس ملح وذاب
‏وأشوفك يقينٍ يقطع الشك .. والريبه

‏أبيع السنين اللي بدونك برخص تراب
‏وأساوم على اللحظة معاك أنت باللي به

‏اللهم صلِّ وسلم على نبينا محمد

‏سيّد الروح لو عامين وصفتك
‏ما بيوفيك تعبيري ولا إلحاحي

‏أتذكّر رحمة الله لا شفتك
‏كن ربي عطاني إياك لـ جراحي

‏الظروف العصيّة تحت عاطفتك
‏تنتفض بس ما هي تكبح جماحي

‏جعل يفدا مودتكْ و موالفتك
‏من يقصر معي ويحاول إصلاحي

‏اعتذار الحياة الصدق ! معرفتك
‏والعزاء في خساراتي و فـ أرباحي

‏تمرّ الناس وتدور الليالي وأنت شرب وزاد
‏وأنا أدري وأنت تدري عن نزاهة قلبي وغلّه

‏يهون الدرب ما هان الغريب اللي بدون بلاد
‏ترى لو ما سكنك يشوف فيك الدار والحلّة

‏"على إني قبلك أملّ الرتابة وأكره المعتاد
‏أنا وجهك لو أملّ البلد والناس؟ ما أملّه"

‏يا نسيم الليل سلم لي على اللي ما نسيته
‏بلغه شوقي و بشرني لعله مانساني

‏واهنيك يوم تاصل ديرته و تمر بيته
‏أما أنا شفقٍ على شوفه و حاديني زماني

‏لا ذكرت اللي كتبت اسمه على الرمل و محيته
‏كل شي يطيح من عيني يطيّح شي ثاني

‏تَرخص أغلى صورةٍ تعرض فالأسواق المقيتة
‏و ينكسر بروازها بين المفرط و الأناني

‏الدفاع الصلب لو صد ألف هجمة مستميتة
‏الفرح عامه شهر و أيام أسابيعه ثواني

‏الطعام إن زاد ولا قل ملحه ما كليته
‏كيف صرت أسعى ورى ناسٍ ضحيتهم كياني

‏طالت المدة و خط الظرف الأبيض ما قريته
‏الأول يعاني من الحرمان و الثاني يعاني

‏ما أبغي إلا اللي لا من غيره بغاني ما بغيته
‏أشري اللي باعني لجله و أبيع اللي شراني

‏من كثر ما أموت فيه أموت في حيه و ميته
‏بيني وبينه ما بين سهيل و الركن اليماني

‏و إن نويت الصبر و السلوان دونه ما قويته
‏صورته فـ عيوني الثنتين و اسمه في لساني

‏خلاص ماعاد في قلب المقفّي رجوع
‏من يوم جرحك سطا بْه ساقها للضياع

‏روّح بفالك ترى مارضى عليك الخضوع
‏أرحل شجاعٍ مثل ماجيت صوبي شجاع

‏وإن مرّ طيفي على بالك .. بليلة ربوع
‏أسأل غرورك ، وش الدنيا بليّا متاع ؟

‏وأنا بحافظ على جرحك مابين الضلوع
‏واليا تذكرتك تنحرت الفجوج الوساع

‏صلوا على النبي
‏اللهم صلِّ وسلم وبارك على نبينا محمد

‏⁦ share.google/mhfteMXLEjWvGJ…⁩

‏«سورة الكهف نور بين الجمعتين💘»

‏أتحاشى ذكرياتك بـ التناسي و النزوح
‏وأتوارى عن حقيقه قيدت لي معصمي

‏مشكلة عقلي نبيه ومشكلة قلبي سروح
‏وبين هذا وبين ذاك أتوه وأجن وأعتمي

‏آه من طيش الهيام ونزوة القلب اللحوح
‏إكسروني كسرة الأبيات بلسان أعجمي

‏السؤال اللي سلب لُبّ الإجابه وين أروح؟
‏و غربتي غربة مشاعر بس لـ قلبك تنتمي

‏كل يوم أصافح طيوفك غلا مدري مبرّه
‏ووين ما لديت أشوفك وجهتي فـ أربع جهاتي

‏ماقدرت اعيش لذات الحياه المستمرّه
‏لا بغيت أواكب الحاضر رجعت لـ ذكرياتي

‏يوم جيتك جيّت اللي يدري إن الموت مره
‏تاركٍ من خلفي الدنيا و أهلها و أمنياتي

‏ايه و اللي نفسي بـ يده و رزقي و المجرّه
‏انك إللي تستحق أفضلك عن مغرياتي

‏مستعد أفرش لك الفرحه و البسك المسرّه
‏بس أبي تحفظ غرامي زين يا زينة حياتي