مَثل أكثر البنات يراسَلوني أني هيچ افكر ضد أهل البيت عليهم السَّلام ، ويخليهم يبالغون بيهم ،
أو يَفكرون انُ ماكو وجود لَـ رب العالمين " والعياذُ بالله "

وطَبيعي هالشيء يصَير لكُل أنسان مؤمن أو بدأ بداية جديَدة
إلي لَازم نسَوي
أولًا نَتفق أنُ هذا الأفكار مو مِن تفكيرنا ..

هَيَ مَن وسوسة الشيطان !
أكو البعض الأشخاص يبچون وينهارون
أنُ همَ يفكرون هيچ
أطمئنوا الأنسان غَير مُحاسب عليه أبدًا ..

بَس لازم مَا نهتم الها ونتأكد انُ نبقى مُلتزمين بقراءة القرآن
والابتعاد عَن المُحرمات قَدر الأمكان
والتوبة ثَم التوبة ..
وشگد مايطول وياكم لاتهتمون أول وتالي راح ينتهي ..

ويبقى أيمانكم القوي ، أعتبروها محاربة للنفس
حاربوا مَن أجل دينكم ، وأكيد راح يكون الكم آجر بهذا الشيء
ألي هوَ محاربة الشيطان ..

أما الأسألة الي تدور أبالكم انصحكم بقراءة كتاب
( بداية المَعرفة ) موجود الشرح باليَوتيوب استمعوا آله
راح ينطيكم جميع الأجوبة لكُل سؤال
والأدلة الموثوقة ..

نرچع للشيطان ..
ثَم قال الشيطان : (وَعَن شَمَآئِلِهِمْ)
يصير يزيَن اله الغلط والحرام والمُنكر والفحشاء !

وأية ثانية ! وألي هيَ الأخطر
قال الشيطان :( وَلَآمُرَنَّهُمْ فَلَيُغَيِّرُنَّ خَلْقَ اللَّهِ)
وهسه بالجَندر شنو چاي يصَير ؟
آمريكا أعلنت أنها دولة شاذة ..

وهيچ الشيطان يحاول يضربنا مَن الاشياء إلي متمسكين بيها
إلي هيَ (الدين) ..

وبمَرور الوقت ألي مايتصدىٰ عَ الوسوسة

راح يگول : ديني ضعيف !
ويكول اني وهن وهيچ ينحرف
فَ عليكم الألتزام بدينكم وقيمكم ، وتعرفون أكثر وأكثر عن دينكم ، وتتمسكون بي ..

سؤال من بنية :

وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ

إذا نركز بهاي الآية إذا ماجان أكو شيطان يوسوس النا
شلون رب العالمين راح يعرفنا احنا مؤمنين أو لا ؟
زين إذا ماكو شيطان آذن ماكو أي شيء سلبي
مثل الأنسان الظالم ( القاتل ، السارق ، الكاذب )
، وغيرها من هاي الصفات إذا هاي النماذج
ماموجودة يعني ماكو جنة ونار وأذا ماكو جنه ونار
اعوذ بالله ما راح يكون أكو عدل بالموضوع

هيچ راح يصير أكو تناقض وهذا يخالف خلق الخالق !

هسه شاركوني رأيكم وتجَاربكم ؟ وشلون تتخلصون مِن الوسواس ! @nnsh19bot ✨

- الرساله ؛ اسهل واكثر وسيلة فعالة حتى اتخلص من الوسواس بالنسبة الية هو التقرب والتوسل باقرب واحب شخصين لروحي هو الحسين عليه السلام ومولاي صاحب الزمان ارواحنا لتراب مقدمه الفداء مجرد ذكرهم يمحي كل شيطان رجيم وعن تجربة

- الرساله ؛ اول شي سلام عليكم ثاني شي چنت اعاني من الوسواس في سورة الفاتحه هيه كلمة ( ضالين) ماعرفت شلون تنلفظ ضليت على هاذه الحال اسبوع ما اعرف ويجيني وسواس بس انه چنت الفظها صحيح بس الشيطان يوسوس بيه ويكول لاخاف مو صحيح اعيد لو لا كلت خلي اطلع على اليوتيوب شلون تنلفظ وطلع لفظي صحيح بهاي اللحظه ايقنت انو الشيطان يوسوس بينه حته بس نبتعد ويروح بالنه بغير اشياء فـ انه ضليت خاشعه لان اركز بالكلام الي اكوله بجهد قوي كلش ولحد الان على هاي الحاله خلصت من الوسواس الي متكرر بس هسه اكو وسواس ولكن اتجاهل لان اكول خلي اتوكل على الله فـ الحمدلله على نعمة الخشوع الي اسويها وجهدي عليها وبس مع سلامه❤️

- الرساله ؛ سألتي كيف تتخلصون من الوسواس


شوفي حبيبتي اني دائماً يجيني وسواس يعني كلش مو حلو بس ابنفس الوقت اول ميجيني الوسواس اگول اعوذ بالله من الشيطان الرجيم واضل اكول انو هلشيء حرام ولازم ما اوسوس واني طبعاً مريت ابفترة كلش مو حلوة بحيث تجيني افكار ابداً مو حلوة ومرات اضل ابچي بسبب الوسواس والتفكير الموزين وچنت دائماً ادعي ربي انو يبعد عني هذا الوسواس وچنت همين ادعي من صاحب الزمان انو يبعدني عنه والحمد لله راح كل الوسواس

- الرساله ؛ الجواب بأختصار لان الله سبحانه وتعالى ما يسوي شي اذا مابيه حكمه يعني مثال الله خلقك في الدنيا ليظهر حكمته الالهيه على عباده حته يبين انو الله شكد عظيم وعادل بين كلشي وهسه رح اجاوب الله جعل الشيطان يوسوس في الناس لان الله يريد يختبرنا ماهو الاختبار الاختبار انو اذا انته چنت تصلي او ما تسوي ذنوب الشيطان رح يوسوس وبهاي الحاله اجاك الاختبار من الباري شنو رح تسوي بس تفكر رحتسزي ذنب اتذكر انو الله يشوفك ورح تحصل ذنب عظيم اذا انحرفت شنو الحل الحل.. تكول. استغفر الله العظيم من كُل ذنباً عظيم واستغفر الله على ما جرى مني العفو يا جبار العفو يا قهار العفو يا من هو رحيم العفو يارحمٰن يا رحمٰن يا مقلب القلوب ثبت قلبي على دينك وصلّ الله على محمد وآل محمد ❤️‍🔥

- الرساله ؛ اتخلص من الوسواس البداخلي اتعوذ من الشيطان واستغفر ربي هواي لان بداخلي هل وساويس احس رب العالمين يكتبلي ذنب من ينحجون بداخلي وهواي اخاف خاف زعلت رب العالمين مني وزعلت صاحب العصر والزمان

- الرساله ؛ افكر انو هاذه الشيء غلط ولازم ابتعد عنه والله راح يوفقني لمرضاته ولطاعته ودائما اسجد بعد كل صلاه وادعي رابي انو يبعد عني الوسواس وعن الافكار السيئه والموزينه التضرني والي تبعدني عنه توفيقه النه
والهي يعلم مافي الصدور ؟؟

- الرساله ؛ الوسواس حالة طبيعية تتشكل لدى الإنسان كأفكار أو نزعات أو صور أو شك وغيرها
نتيجة حالة صدمة في الطفولة أو التعب والأرهاق
بالنتيجة تؤثر على العقل البشري
نتيجة ضغوط وتضارب الأفكار
أما نلقي سبب الوساس على الشيطان فهذا خطأ لأن الله تعالى وسبحانه يقول إن كيد الشيطان كان ضعيفا
الشيطان بمعنى النفس أو الجن
الحل هو تقوية النفس والعقل بالاطلاع على أمور توعوية ومحاولة تغيير المكان والأشخاص السلبية المؤثرة على النفس
لاننا مجرد طاقة تجذب وتعطي
والله اعلم

الموضوع الچاي رَاح يكون عن العَلاقات المُحَرمة
بمُسَمىٰ " علاقات مَهدوية " !