اذا انتَ تحجي عليهم و أني أحجي عليهم
و غيرك يسقط بيهم و كلمن يحجي بكيفه

هنا احنه جاي نهدم رسالة زينب و اخوها الحُسَين
و قضية الحُسَين تندثر لا سامح الله !!

زينب راحت لـ أكثر من دولة توصل قضية الحُسين و انتَ حضرت جنابك
لا حول و لا قوة تطعن بخدام الحُسَين

الي اعمارهم فنوها للحُسَين و خدمته

ترا الحر چان قائد فيلق
عنده جيش كامل ومجهز بالأسلحة
وجيش لوحده أكثر من جيش الإمام !

يعني إذا راد يهجم
راح ينتصر بالنوع المادي ع الإمام

بعدين گال اني مُخير
عاف كلشي وأجه للإمام مولاي تقبل توبتي!

بقمه عصيانه تقبله الإمام

لان اجه بـ توبة صافية ونسى الغلط الي سواه
هذا الخادم الي تحجي عليه
الحُسَين متقبله مثل الحر!
و صار شهيد

صح اكو اشخاص خطأوا ما ننفي هذا الشي

بس خلوا فعله للحُسَين مو تنشر شكلك محرم
كله نفاق و رياء و مدري شنو

والناس تاخذ نظرة
و هيج تبتعد حتى عن الحُسَين عليه السلام

انتم تعرفون الصح من الغلط
مو تغركم المنشورات و كلام الناس المنحرفه

ابقوا صامدين الحُسَين يحتاج جهاد منك

اني إنسان عادية
والله مرات توصلني كلمات
اكول معقولة هيج ناس تحقد و تحجي !

صح أخطاء مرات بكلامي و وجهت نضري ما تعجبك و عادي ما عجبكم الكلام تجاهلوا ..

اني أحجي بدليل بس لا تسقطون
و تقللون من قيمة احد ابد !
ولا تحجون كلام زيادة بدون معرفه

قضية الحُسَين لازم توصل

مو تعارضون الي يوصلها انتَ هيج تمشي عكس و ما عندك اي هدف
او اي رسالة بحياتك

اتمنى اروح بـ أماكن بيها قله معرفه
او مثلًا احجي ويَ أشخاص ما عدهم معرفة قوية بالحُسَين او بالدين

احاول اجاهد كد ما اكدر اوصل ذره من الي اجه بي الحُسَين و اوصل شي بسيط و ممكن هاي كلماتي البسيطة تغيرهم
ما نستبعد هذا الشي

حتى لو كانوا يسوون المحرمات
ذكر الحُسَين تربية و مدرسة ..

الإنسان على نفسة بصيرة

الله يهدينا و يهدي كل الناس 💚

‏لَّا إِلَٰهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ