تخيلوا الحُسَّيْن يتلكاك وأنتَ وجهك أبيض بأعمالك

عوفوا المكياج #لأجل_الحُسَّيْن

زينب تركض بين الخيام وعبايتها على راسها
وأنتِ تطلعين متبرجه ومكياج ؟!

حُبًا بزينب
كرامتًا لزينب

اتركوا المكياج.

عدنا عَادة بالبيت
ما نلبس اي أكسسوارات أو ذهَب
أو تراجي طول فترة مُحرَم

مالنه خلك لهيج أمور قضية الحُسَّيْن
(مو هينة ) !

حَسين رايح من عدنا مو أي احد ..

صعبة تطلعين ومخليَة حمرة وكحل
شنو استفاديتوا من تحطون ألوان على وجَهكم
وزينب اسيرة

شتسوالج مَن تفقدين نظرة الزهراء بهالفعل

صَاحب الزمان گلبه مكسور وحاضر بالمجلس ويشوفج ترا

صاَحب الزمان يحضر كل المجالس
لا تأذين گلبه بأفعالج

الدمعه على الحُسَّين تصيرلكم نور بالقبر

اهتموا هواية لمَجالس الحُسَّين
تربيكم صح .

هذا شهر محرم بعد ايام يبدي

شهر أبا عبد الله الحُسَّين عليهِ السَّلام

الحُر چان وي مَعسكر الكفر
وچان يُجعجع بعيال إمام زمانه الحُسَّين عليهِ السَّلام يرعبهم ..يخوفهم..

من اجه للحُسَّيْن عليهِ السَّلام
ما گاله روح أنتَ كذا وكذا سويت !

لا وإنما گله الإمام إن تُبت تاب الله عليك

خلونا نجي للإمام الحُسَّين عليهِ السَّلام
مثل جيّة الحر الرياحي جية حقيقية..

جية تائب ..منكسر ..نادم ..مُذنب..

ونگله يا مولاي نقسم عليك بخدرزينب وطلعتها من الخيام گوة

أقبلنا مولاي مثل ما قبلت الحر

الذنوب اللي عدنا أخذها منا وبدلها بمَلَكات حسنة ..

إحَنا هواي بحاجة للتوبة ، والرجوع لله
وأقرَب طريق لله هوَ
أبا عبد الله الحُسَّيْن عليهِ السَّلام

ما بقىٰ وقت عَدنا
الدنيا عبارة عن لحظات ورايحَين

وكون بهاي الرُوحة مبيضين وجهنا گدام الله وأهل البيَت عليهَم السَّلام

الأشياء اللي نشوفها بيها مخالفة لله ولو مقدار ذرة خل نتركها حباً بالحُسين ع .

النظرة المحرمة ❌..سواء بالواقع أو المواقع (مسلسلات ، برامج ،تجمعات ..الخ

الإستماع المحرم ❌ (أغاني، غِيبة ،نميمة، بهتان، باطل..الخ)

الكلام المحرم ❌(غِيبة ، لغو ،كذب ولو مزاحاً ، تُهمة ...الخ)

أفضل قرار نتخذه بشهر الحُسَّين ع
هوَ قرار التوبة والرجوع لله
بندم وصدق !

وهو الإمام يتكفّل بالباقي
إحنا فقط نقرر بعزيمة وصدق ..♥️

خل يكون شعارّنا بمُحرَم

#يا قابل_الحُر_أقبلني