رَاح نتكَلم عَن كلَّ المَشاكل آلي أحَنا نمّر بيها ..
مَن جانب الدَين طبعًا 🤍..

وأوَل مَوضوع هَوَ السَواس :

شارِكوا القَناة حَتىٰ الكُل يَستفاد" حُبًا بـ الحُسَيّن "

بالبدَاية خَل نحچي عن الشيطان وراها راح أحچي عَن
( الوسواس ) ألي يصيَبنا ويَصيب أكثر شيء الناس إلي تحاول تلتزَم وتمَشي على الطريق الصح !!

خل نرچع للبدَاية :
' الشيطان ' رَفض يسجَد ومِن هنا بدأ الصرَاع !
وقال لـ رَب العالمين ! ( لَأَقْعُدَنَّ لَهُمْ صِرَاطَكَ الْمُسْتَقِيمَ )
يعني أي شخَص ماشي عَلىٰ الطرَيق الصح ، راح أگعدله بنص الطريق !
وأخلي يَزيح عن الطرَيق الصَح ..

ثمَ قال الشيطان ! ( لَئَاتِيَنَّهُم مِّنۢ بَيْنِ أَيْدِيهِمْ )
شلون يعني من بين أيديهم ؟
يعني كُلشي يَشتغلون كدامهم بالحياة ..
كَـ مثال يصير يخَوفهم ( من الققر ..)
يخَوفه انُ يعمل خَير ؟
حَتى ميَكون فقير ، وهَواية أشياء !..

ثَم قال الشيطان : (وَمِنْ خَلْفِهِمْ)
المقصود ومِن خلفهَم ، يعني شنو يتركون أولاد ؟
يعني هيچ يچي الشيطان يگوله معقوَلة راح تموت ،
ومَتترك شيء لـ أولادك ! روح أشتغل هيچ وهيچ (طريق حرام)
وهيچ وهيچ بدَون ميدري هذا حرام أو حلال !

ثمَ قال الشيطان : (وَعَنْ أَيْمَٰنِهِمْ)
المَقصود الجانب المَيمون عنَد الأنسان !
يعني ( دَينه )
يَفوت علىٰ دَين الأنسَان ، يخليَ يبالغ بـ بعض الأمور الدينية !
ويتطرّف بيها !

مَثل أكثر البنات يراسَلوني أني هيچ افكر ضد أهل البيت عليهم السَّلام ، ويخليهم يبالغون بيهم ،
أو يَفكرون انُ ماكو وجود لَـ رب العالمين " والعياذُ بالله "

وطَبيعي هالشيء يصَير لكُل أنسان مؤمن أو بدأ بداية جديَدة
إلي لَازم نسَوي
أولًا نَتفق أنُ هذا الأفكار مو مِن تفكيرنا ..

هَيَ مَن وسوسة الشيطان !
أكو البعض الأشخاص يبچون وينهارون
أنُ همَ يفكرون هيچ
أطمئنوا الأنسان غَير مُحاسب عليه أبدًا ..

بَس لازم مَا نهتم الها ونتأكد انُ نبقى مُلتزمين بقراءة القرآن
والابتعاد عَن المُحرمات قَدر الأمكان
والتوبة ثَم التوبة ..
وشگد مايطول وياكم لاتهتمون أول وتالي راح ينتهي ..

ويبقى أيمانكم القوي ، أعتبروها محاربة للنفس
حاربوا مَن أجل دينكم ، وأكيد راح يكون الكم آجر بهذا الشيء
ألي هوَ محاربة الشيطان ..

أما الأسألة الي تدور أبالكم انصحكم بقراءة كتاب
( بداية المَعرفة ) موجود الشرح باليَوتيوب استمعوا آله
راح ينطيكم جميع الأجوبة لكُل سؤال
والأدلة الموثوقة ..

نرچع للشيطان ..
ثَم قال الشيطان : (وَعَن شَمَآئِلِهِمْ)
يصير يزيَن اله الغلط والحرام والمُنكر والفحشاء !

وأية ثانية ! وألي هيَ الأخطر
قال الشيطان :( وَلَآمُرَنَّهُمْ فَلَيُغَيِّرُنَّ خَلْقَ اللَّهِ)
وهسه بالجَندر شنو چاي يصَير ؟
آمريكا أعلنت أنها دولة شاذة ..

وهيچ الشيطان يحاول يضربنا مَن الاشياء إلي متمسكين بيها
إلي هيَ (الدين) ..

وبمَرور الوقت ألي مايتصدىٰ عَ الوسوسة

راح يگول : ديني ضعيف !
ويكول اني وهن وهيچ ينحرف
فَ عليكم الألتزام بدينكم وقيمكم ، وتعرفون أكثر وأكثر عن دينكم ، وتتمسكون بي ..

سؤال من بنية :

وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ

إذا نركز بهاي الآية إذا ماجان أكو شيطان يوسوس النا
شلون رب العالمين راح يعرفنا احنا مؤمنين أو لا ؟
زين إذا ماكو شيطان آذن ماكو أي شيء سلبي
مثل الأنسان الظالم ( القاتل ، السارق ، الكاذب )
، وغيرها من هاي الصفات إذا هاي النماذج
ماموجودة يعني ماكو جنة ونار وأذا ماكو جنه ونار
اعوذ بالله ما راح يكون أكو عدل بالموضوع

هيچ راح يصير أكو تناقض وهذا يخالف خلق الخالق !

هسه شاركوني رأيكم وتجَاربكم ؟ وشلون تتخلصون مِن الوسواس ! @nnsh19bot ✨