تمنيتَك عمر وين التمني؟
ولگيتك بالتعب بس خاب ظني،
وبعد ما عودتني بشوفَك أرتاح
تريد تروح يا ريحَة التفاح
يسويها البخت وتروح مني
آنة من أشتاگ ما أحمل الفرگة
أصيرَن نار، حتى الماي أحرگه
تذوب الروح أطيحَن ورگة ورگة
وأرِد ألتَم ولا مگطوع چني .

يّا عَذاب التنِچفي بروحَة
المِحنة ويستحَي يعاتب عَزيز

صوتَك ندَهني و مو حلم ،
وفَزيّت من نومي وگلت
مو صدگ ، لا يمكن صدگ !
والروح ويّ صوتَك مشَت ،
ناديّت والخطوة إبعدَت
والصوت ويّ مَشيّ الجدَم
من ينلحگ ما ينلحگ
والروح جابتني و إجَت
و ع الأثَر تمشي إعلة الأثَر
والشوگ سابگهه سَبگ
يَم بابَك ويا حيّرتي ،
مَدري شندَهني وجابني
-

الدايم الله ولو مشوا يتعوضون
قَويّ گلبكّ وأنسىٰ كل واحد نِساك
لا تچلبليّ بگفىٰ الرايَد يرُوح
ولاتگله شلون أگضيها بجفاك
گلها تگطع والله ما يگطع حَنين
شَما تُگله أنطيني تسمع منه هَاك .

‏قُل للذينَ تغيّروا وتنكّروا
مَا ضرّني بُعد ولا نكرانُ
أنا لا أبالِي إن تبدّل ودكُم
ماصابنِي نقصٌ ولا خسرانُ

وانتَ الذي لَم يَعُد فيكَ شيئاً ملتَئِمُ
اي صَبرٌ هذا الذي ابقاكَ مُبتَسِمُ؟

صِريخ بماي ياهو اليفتهم ونَي
ويادگتور يندل شِنهو يوچعني
بواچي بحِضره مَحد الك بال يدير
ولا واحِد يگلك همك يهمني
الحِبل خلصِ حياته ابطنَ ذاك البير
وسِالت البير گال الحِبل يفضحني
وسِالت الطير عشَك والتعب هم راح
گال الريشِ دج وطيوره هچرني
وسِالت الشِمع تبچي گال بس بليل
مثلك صَرخت بس اني يسِمعني
ذره بليل انه بسِلف بس عَميان
الچَبل ميشِوفة انا الذره يرگني .

من ما تعاتب أبد و تضم بالروح
تسكت لَحد ما لهفتك كلها تروح
و تحترگ ... لكن تِطفيْ روحك گوّه
تكابر و تتخيل حياتك حلوّه
منا و يبدي احساسك يحيّر بيك
تبعد ؟ و تعرف بالبعاد يأذيك
باقي ؟ و احساسك يبقى خايف وياك
اليومه بدونك يمر يگدر ينساك
هيچ انت گاضي ايامك بـ هالحاله
و تتمنى تعرف شنو محيّر باله
هذا الفراغ الصار عدمن حَده !
ليش انت وحدك،
و هو باقي بـ وَحده
توصل مراحل ع التَعب تتعود
و من السَهر مو جَفن، خَدك أسود
تضطر تسايرهم و گلبك مجروح
- عَن لا تعاتبهم، و لا تضم بالروح ..

جَرب تكون من التجارب تعبان
تعيش العمر من دون ضَيّ و ألوان
سوداوي تفكيرك تخاف من الجاي
و بكل حياتك تحس روحك خسران
حزنك خشن، ينعم بروحك و تصير
تقلق على الورگة التطيح ببستان
ساعتها تعرف بالكلام التحچيه
شگد ممكن يغير حياة الأنسان
من اتخاف تطلع كلمة منك للناس
و تجرحهم و ما تُعتبر زلة السان
مُجبر تسايرهم و تضحك للغير
عن لا يسألونك شبيك و حيران
تمثل هواي و تضم حزنك بالروح
و روحك تضل بلا هوية و عنوان
لَمّن تحس بس الأغاني تواسيّك
- و الماضي ما يگدر يزيحه النسيان ..

لا اكو واحد دگلي صدره
وگلي ذب حملك واشيله
بيه حزن الناس كلها
وعيني بالدمعه بخيله
وهمي ماسولفته لأحد
خاف يحسبني اشتكيله

ﭑليٰ يَطبطب ؏ الناس ويوَاسيُهم
هوَ ﭑكثر واحَد محتاج مُواساة
"وحُضَنة ڪلش قوية"

بـ؏ـد الاعصاب والعتب والبجي راح يجيك البرود الي راح يخلي الكل مستغرب منك ومن تصرفاتك ومن رده فعلك البرود الي راح يصير بيك هو افضل احساس ممكن تحسه بـ؏ـد ما جان بركان من حرك الاعصاب والدم لان احنا عاتبنا بما فيه الكفاية وحاولنا بما فيه الكفاية وبجينا وتمسكنا وكلشيء سويناااا وخسرنا من نفسنا هواييي فـ الاحساس والاعصاب وكلشيء راححح يبرد وراح تبتعد عن الكل مو علمود يحسون بقيمتك لان اصلا ما يهموك بعد. راح تبتعد علمود راحه بالك 👍🏼💙.

المَا يسوه العَتب
ماسمعه كلمة " ليش "
ماحُطله اهتمام ومنتهي امره
ولا اكله شعجب
شو مختلِف وياي ؟
الما غزر ملح شتغزر العِشرة !