تنبيه : راح تحتاج ترقي باقتك حتى تعرض الطلبات الجديدة في حال تخطيت حدود الباقة.

تحديث جديد 21 (الربط مع شركة الوسيط) :

- تفاصيل المنتجات بالطلب صارت تنطبع بقسم الملاحظات بفاتورة شركة الوسيط (بسبب عدم توفر حقل لتفاصيل الطلب بفاتورتهم) هاي الميزة تحتاج تفعلها من قسم المتجر » اعدادات المتجر » تخصيص الفاتورة

- بقسم الطلبات توفر عمود يعرض رقم الطلب عند شركة التوصيل و اخر لرقم الطلب في نظامك روزنامة مع امكانية البحث من خلاله

حظاً اوفر لكل من فوت الخصم..

خبر حلو لمشتركين روزنامة

حاليا نشتغل على تصميم ثيمات جديدة للمتجر الإلكتروني
حتى نوفرلك :

- خيارات أكثر بتصميم واجهة المتجر
- عرض احترافي للمنتجات
- تصاميم مدروسة بأساليب عالمية تحفز الزبون العراقي يكمل طلبه بكل سهولة

والمفاجأة؟
كل الثيمات راح تنزل بشكل مجاني للمشتركين

تحديث جديد 22 (الاحصائيات) :

- تحسينات و احصائيات جديدة في قسم الرئيسية
مخطط بياني لعدد الطلبات حسب الحالة
نسبة الطلبات المتأخره
متوسط زمن التوصيل للطلبات
معدل قيمة الطلبات
الطلبات الاعلى قيمة

- احصائيات جديدة في قسم الطلبات
عدد الطلبات حسب الحالة

- احصائيات جديدة في قسم المنتجات
عدد المنتجات الكلي
عدد المنتجات المتوفره
فلتر متقدم

- احصائيات جديدة في قسم الزبائن
مقارنة بين عدد الزبائن الجدد الى المتكررين
امكانية الفلترة على الزبائن النشطين و الزبائن غير النشطين و سحب اكسل

مو بس قرار جديد من الدولة
هذا مؤشر واضح ان العراق ديتهيأ يدخل مرحلة رقمنة الاقتصاد بشكل رسمي

نظام 4 التجارة الالكترونية في العراق 2025
احنا مو اول بلد يسوي هيچ
تركيا مثلا فرضت تراخيص وتكامل ضريبي على المتاجر من 2019
السعودية ربطت الدفع الالكتروني بالرخص التجارية
حتى مصر اليوم تعتمد اجراءات مو بعيدة عن هذا الاتجاه

بس بالعراق.. هذا القانون اجه متأخر
والزخم الحقيقي مو بالنص القانوني نفسه
بس بفرصة "إعادة تعريف السوك الالكتروني" من جديد

شنو ممكن يصير لو استغليناه صح؟
- المتاجر الجادة رح تبرز وتكدر تبني علامة تجارية محترمة
- نظام الدفع الالكتروني راح يصير اساس التعامل مو مجرد خيار
- السوك ممكن يتحول من هوسة البيع بالتعليقات الى بيئة تنافسية منظمة

التحدي الاكبر مو بالترخيص ولا بالغرامة
التحدي هو: هل عدنا رؤية وطنية نبني بيها اقتصاد رقمي فعلي؟
لو راح نضل نشتغل بنظام تسقيط الصفحات والتخويف من الضرائب

فاذا انت صاحب متجر الكتروني ومتابع شنو ديصير بره العراق
تعرف ان التنظيم مو تهديد الك
بالعكس هو فرصتك تكون من اوائل الناس اللي يأسسون شغل رقمي قوي
تكدر تتحول من صفحة على انستكرام الى كيان تجاري رسمي يستقبل دفعات الكترونية يربط مع شركات توصيل
تكدر حتى تدخل مزادات رسمية وتقدم خدماتك للقطاع الحكومي اذا اثبتت قانونيتك


هذا القانون ما اجه حتى يوكفك
اجه حتى يفصل بين التاجر الحقيقي وبين اللي يشتغل بدون التزام
واللي عنده نظرة مستقبلية يعرف زين ان تنظيم السوك اليوم
هو اساس البقاء بي باجر

تحديث جديد 23 (خيارات الخصائص) :

صار تكدر تضيف صورة مع الخيارات الخاصة بالمنتج
مثلا يكون المنتج متوفر بي اللون و القياس و نوعية المادة او النقشة

نوعية المادة او النقشة راح تكدر تخليها كصورة ليتم اختيارها
من اضافة منتج او التعديل عليه » يحتوي على خصائص » نوع المجموعة » صورة

تحديث جديد 24 (تتبع المخزون):

تحديث مهم على طريقة حساب المخزون في الطلبات
سابقا، كان المنتج ينقص من المخزون فقط من يتحول الطلب إلى "قيد التوصيل"
وهذا كان يسبب حجز نفس المنتج من أكثر من زبون

هسه بمجرد ما الزبون يطلب منتج النظام راح يحجز الكمية المطلوبة مباشرة حتى لو الطلب بعده “قيد المعالجة”
وراح تبين عندك كـ “كمية محجوزة”

يعني صار عندنا نوعين من الكمية لكل منتج:
• المتوفر فعليا (الكمية الموجودة داخل المخزن)
• المحجوز (الكمية المحجوزة لطلبات سابقة لكنها بعد ما خرجت من المخزن)

بهذا التحديث نضمن ما يصير تداخل بين الطلبات وتبقى عملية البيع أدق وأكثر تنظيما

تحديث جديد 25 - تحسينات على الواجهة والادارة :

ثلاث تغييرات جديدة تسهل عليك الشغل وتخلي التجربة ارتب

- الشحن والتوصيل
تعديل اسعار المحافظات دفعة وحدة
هسه تكدر تغير سعر التوصيل لكل المحافظات بضغطة وحدة بدون ما تدخل على كل وحدة بيدك
تروح على الاعدادات ثم الشحن والتوصيل وتعدل على السعر لمحافظة واحده وتعممه

- المنتجات
نقل التقييمات وصارت جوه كل منتج
بدال ما كان قسم وحده هسه تشوف تقييمات الزبائن داخل صفحة المنتج نفسه اوضح واسهل
تروح على المنتجات ثم تفاصيل المنتج

- الاعدادات
قسم خاص لتخصيص الفاتورة
خلينا تخصيص الفاتورة في قسم مستقل داخل الاعدادات حتى توصله اسرع وتتحكم بكلشي بسهولة
تروح على الاعدادات ثم تخصيص الفاتورة

تحديث جديد 26 - ميزة الاضافات للمنتجات :

هالميزة الجديدة تخلي التاجر يضيف منتجات تكميلية ومرتبطة بالمنتجات الرئيسية بطريقة مرتبة وواضحة للزبون

اولا شنو يعني اضافة؟
الاضافة هي منتج مستقل بس يختلف عن المنتجات الاعتيادية بشغلات:
- ما يحتوي على خصائص
- يظهر ضمن قسم خاص داخل صفحة المنتج مثل "قد تحتاج ايضا"

طريقة الربط بين المنتج الرئيسي والاضافة:
من داخل صفحة تعديل او انشاء المنتج
تختار واجهة الخصائص المتقدمة
راح تلكى قسم اسمه "المنتجات الاضافية"
تختار او تنشئ منتج اضافي جديد
راح تبين للزبون داخل صفحة المنتج كخيار يضيفه

ملاحظات :
الاضافة تتعامل كمنتج مستقل في الفاتورة والسلة
الاضافة ما يصير تحتوي على خصائص
ممكن نفس الاضافة تشتغل ويه اكثر من منتج
التاجر يتحكم بظهورها وحذفها وربطها
تطلع ضمن تقارير المبيعات كمنتج مستقل

اضغط هنا للاطلاع على المثال

تحديث جديد 27 - صيغة الفاتورة على التليكرام

هسه التاجر يكدر يختار شلون توصله الفاتورة على التليكرام
اما PDF او او على شكل صورة (اسرع بالتحميل و الاستعراض)

تروح على الاعدادات
بعدين الربط مع تليكرام
تضغط تعديل
وتختار الصيغة اللي تفضلها للفواتير

تحديث جديد 28 - تصنيفات المنتجات حسب رغبتك

هسه تكدر تتحكم بتصنيفات المنتجات مثل "مميز" او "الاكثر مبيعاً"
وتضيف تصنيفات جديدة مو بس الخيارات الثلاثة الثابتة

تدخل على المنتجات
ومن القائمة الجانبية تختار "التصنيفات"
تعدل الموجود او تضيف تصنيفات جديدة
وتنسبها للمنتجات اثناء الاضافة او التعديل

التصنيفات صارت مرنة وتكدر تخصصها حسب طبيعة متجرك

هذا كل الي تحتاج تسوي حتى تغير تسلسل عرض المنتج داخل الموقع

تخيل تكدر تصمم صفحات بموقعك بهاي الطريقة!

تحديث جديد 29 - تنظيم الخصائص وربطها بالمنتجات

الخصائص صارت اسهل واسرع

بدل ما تضيف كل مرة مجموعة خصائص جديدة مثل الالوان او القياسات
هسه تكدر تستخدم نفس المجموعة اللي ضايفها لغير منتج و تربطها بمنتج جديد
وتختار منها بس الخيارات اللي تريدها

يعني مجموعة "الالوان" ممكن تستخدمها مع اكثر من منتج
وتحدد لكل منتج شنو الالوان اللي تريد يعرضها

و هم صار قسم الخصائص ظاهر بالقائمة الجانبية داخل الداشبورد تحت قسم المنتجات
وتكدر من هناك تضيف وتعدل المجموعات والخيارات براحتك

هالتحديث رح يوفر وقتك وينظم شغلك اكثر
جرب تضيف منتج جديد وشنوف طريقة اضافة الخصائص الجديدة

تحديث جديد 30 - توضيح مصدر الطلب

كل طلب يدخل للنظام صار يظهر مصدره عندك
اذا الطلب من الموقع راح يبين "من الموقع"
واذا احد الموظفين اضافه من الداشبورد فراح يطلع اسم الموظف
واذا من حساب الادمن، راح يوضح انه من الادمن

هالميزة تفيدك بمتابعة شغل الفريق
وتساعدك تحسب عمولات او بونصات دقيقة لموظفين المبيعات

تابع مصادر الطلبات بسهولة وخلي كل شي واضح كدامك