မက်စ်ဂျာတာရာ (၂၀၂၅)

လက်ရှ်မန်းကတော့ ငယ်ငယ်ကတည်းက ကွယ်လွန်သွားတဲ့ သူ့အဖေလိုမျိုး ရဲအရာရှိကြီးတစ်ယောက်ဖြစ်ချင်တာပါ..

ဒါပေမဲ့ သူ့အဘိုးက သူ့ကိုပါအဆုံးအရှုးမခံနိုင်လိုခွင့်မပြုဘဲ မီးရထားရဲဘဲလုပ်ဖို ပြောလိုက်တော့လက်ရှ်မန်းလည်း ရဲတော့ရဲ ဒါပေမဲ့မီးရထားရဲဖြစ်လာခဲ့ပါတယ်...

မီးရထားရဲပေမဲ့ ဘယ်သူမှ ဘူတာတို သံလမ်းတိုကို လာမထိရဲလောက်အောင်ထိ ရှယ်ကြမ်း ရှယ်ရမ်း ရှယ်ဖြောင့်မတ်တဲ့ရဲသားတစ်ယောက်ပါ

တစ်ဖက်မှာကတော့ ရွာတစ်ရွာမှာ လယ်သမားတွေ ရွာသူရွာသားတွေက ကောက်ပဲသီးနှံမစိုက်ဘဲ ဆေးခြောက်တွေပဲစိုက်စားနေကြပါတယ်

ရှီဗူဒူဆိုတဲ့ခေါင်းဆောင်က ပိုက်ဆံနဲ့ လယ်သမားတွေကို အတင်းခိုင်းစေထားခဲ့တာဖြစ်နေပါတယ်
အဲဒါကို မက်ဒန်ဆိုတဲ့ရဲက ရဲမှူးချုပ်ကိုသတင်းပေးရင်း အသွင်ယူစုံစမ်းနေတာပါ

ရဲမှူးချုပ်ကလည်း လက်ရှ်မန်းကို ဆေးခြောက်စိုက်တဲ့ရွာဆီ သက်သက်မဲ့တာဝန်ချထားလိုက်ပြီးချိန်မှာပဲ
မက်ဒန်ကို လူဆိုးတွေကသိသွားလို လိုက်သတ်၊
ရဲမှူးချုပ်ကလည်း မက်ဒန်ကို ဘူတာကိုပြေးဖိုပြောရာကနေမှ

လက်ရှ်မန်းနဲ့ ရှီဗူဒူရဲ့လူတွေစတွေ့သွားပြီးတော့ စနစ်ဆိုးကြီးနဲ့ နောက်ကွယ်က လက်မည်းကြီးတွေကို ဘယ်လိုတွေ ခပ်မိုက်မိုက် အက်ရှင်တွေနဲ့ ဖြေရှင်းသွားကြမလဲ…

Steel Rain (2017)

- ဇာတ်လမ်းအကျဉ်း -

မြောက်ကိုးရီးယားမှာ အာဏာသိမ်းမှု ဖြစ်ပွားပြီးပြီးချင်းမှာပဲ မြောက်ကိုးရီးယား ထိပ်တန်းအေးဂျင့်ဟောင်းတစ်ဦးဖြစ်တဲ့ အောမ်ချောအူ (Jung Woo-Sung) က မြောက်ကိုးရီးယားခေါင်းဆောင်ကို ကယ်တင်ပြီး တောင်ကိုးရီးယားဆီ အတူထွက်ပြေးတိမ်းရှောင်ခဲ့ပါတယ်။

အဲဒီအချိန်မှာပဲ မြောက်ကိုးရီးယားက တောင်ကိုးရီးယားနဲ့ အမေရိကန်ကိုစစ်ကြေညာလိုက်သလို တောင်ကိုးရီးယားကလည်း အရေးပေါ် စစ်အုပ်ချုပ်ရေးအမိန့်ကို ထုတ်ပြန်လိုက်ပါတော့တယ်။

တစ်ဖက်မှာလည်း တောင်ကိုးရီးယား အမျိုးသားလုံခြုံရေး အကြီးတန်းအတွင်းရေးမှူး ဂွက်ချောအူ (Kwak Do-Won) ဟာ မြောက်ကိုးရီးယားခေါင်းဆောင်က တောင်ကိုးရီးယားကို ရောက်နေတယ်ဆိုတဲ့ သတင်းကိုရလိုက်ပြီး စစ်ပွဲကို တားဆီးဖို့အတွက် အောမ်ချောအူနဲ့ မြောက်ကိုးရီးယားခေါင်းဆောင်နားကို လျှို့ဝှက်ချဉ်းကပ်လာတဲ့အခါမှာတော့...

အောမ်ချောအူက သူတို့ခေါင်းဆောင်ကို မြောက်ကိုးရီးယားဆီ ဘေးကင်းစွာနဲ့ ပြန်လည်ခေါ်ဆောင်သွားနိုင်မှာလား တောင်-မြောက်ကိုးရီးယားကြား တင်းမာမှုတွေကရော ဘယ်လိုတွေ ဆက်ဖြစ်မလဲဆိုတာကို အက်ရှင်ခန်းများနဲ့အတူ စိတ်ဝင်စားဖွယ် ကြည့်ရှုရမဲ့ ကားကောင်းလေးပဲဖြစ်ပါတယ်။

Steel Rain 2: Summit (2020)

ဒီကားက (2017) ကထွက်ရှိခဲ့တဲ့ Steel Rain နဲ့ အဆက်အစပ်မရှိပါဘူး။

ဇာတ်လမ်းကတော့ ပထမကားလိုပဲ နိုင်ငံရေးအခြေပြုပြီးရိုက်ကူးထားတာဖြစ်တဲ့အပြင် သရုပ်ဆောင်ပေါင်းများစွာကလည်းအရင်လူတွေနဲ့ ရိုက်ကူးထားတာပါ ဇာတ်ရုပ်တွေတော့ပြောင်းလဲမှုရှိပါတယ်….

ဘယ်နိုင်ငံပဲဖြစ်ဖြစ် စစ်မဖြစ်ချင်ကြပါဘူး အဘက်ဘက်က အထိနာတဲ့အပြင်အရာအားလုံးမူလ ပထမ အတိုင်းပြန်ဖြစ်ဖို့ နှစ်ပေါင်းအတော်ကြာအောင်တည်ဆောက်ဖို့ အချိန်အတော်ယူပါတယ်…

သို့ပေမယ့်လည်း အကယ်၍များစစ်ဖြစ်ခဲ့ရင် ကိုယ့်နိုင်ငံစစ်ရေးအရ အရေးမနိမ့်စေဖို့ အင်အားကြီးနိုင်ငံတွေနဲ့မဟာမိတ်ကိုမဖြစ်မနေဖွဲ့နေကြတာအားလုံးသိမှာပါ…

ဒီဇာတ်ကားမှာအဲ့ဒီအပိုင်းကိုအဓိကထားရိုက်ကူးထားပြီးတရုတ် ၊ ဂျပန် ၊မြောက်ကိုရီးယား နဲ့အမေရိကန်တို့ အဓိက ပါဝင်ကြပါတယ်....

"မင်္ဂလာပါ ကိုယ့်လူတို့ မစ္စတာ ဆွန်ဒါ ရာမဆွာမီရဲ့ အကြောင်း သိတဲ့သူ ဘယ်နှယောက် ရှိလဲ "

"သူက ထိပ်သီကုမ္ပဏီ GL ရဲ့ CEO ပါ"
"သူက အမေရိကမှာနေတဲ့ တမေးလ်လူမျိုးပါ"
"သူက ဒေါ်လာသန်းပေါင်းများစွာ လစာရသူပါ"

"ဒီအပြင် သူဟာ ပြိုင်ဘက်ကုမ္ပဏီတိုင်းကို ဖြိုခွင်းတတ်တယ်...

သူကို ကုမ္ပဏီတော်တော်များများ ဖိမ့်ဖိမ့်တုန် ကြောက်ကြရတယ်"

ခု သူ အိန္ဒိယကို ပြန်လာတာ ဘာအတွက်လဲ?
"ယုံတောင်မယုံနိုင်ပါဘူးဗျာ
သူ အိန္ဒိယကို လေယာဉ်စင်းလုံးငှားပြီး ဘော်ဒီဂတ်တွေနဲ့ ပြန်လာတာ သူပြည်နယ်ရွေးကောက်ပွဲမှာ
မဲပေးဖို့ အတွက် သီးသန့်ပဲတဲ့။
သူမဲပေးပြီး ညနေ မိသားစုနဲ့ ထမင်းလက်ဆုံစား၊
ပြီးရင် အမေရိကကို ပြန်မှာပါတဲ့"

ဒီလိုနဲ့ အမေရိကမှာနေတဲ့ တမေလ်နာဒူပြည်နယ်ဂုဏ်ဆောင် မစ္စတာ ဆွန်ဒါရာမဆွာမီဟာ မဲရုံဆီ သွားပြီး မဲပေးခဲ့ရမှာတော့ သူ့အမည်နဲ့ မဲက ပေးပြီးသား ဖြစ်နေခဲ့တာပါ။

သူတပါးကြောတာကို မခံချင်တဲ့ ဆွန်ဒါရာမဆွာမီဟာ ငွေကုန်ကြေးကျ ခံပြီး မဲပေးဖို့ အဝေးကြီးက လာခဲ့ရတော့ သူ့မဲပေးခွင့်ကို ပြန်လည်တောင်းခံပါတော့မယ်။

မဲပေးချိန်ကုန်လို့ မဲရုံသိမ်းသွားရင်
သူ ဘာမှ မလုပ်နိုင်တော့ဘူးလို့ ထင်နေတဲ့သူတွေကို သူ ပညာပေးဖို့ အကြောင်းဖန်လာခဲ့ပါတယ်။

ဥပဒေရေးရာ ကျွမ်းကျင်ပညာရှင်တွေနဲ့
မဲပေးခွင့် ပြန်လည်တောင်းခံခဲ့ရာမှာတော့ …..သူနဲ့အတူ မဲပေးခွင့်မရလိုက်တာ ဘယ်သူတွေ ရှိဦးမလဲ၊
မဲပေးခွင့်ကို ဘယ်လိုတောင်းခံမလဲ၊
ရွေးကောက်ပွဲဥပဒေကို ဘယ်လို ကျွမ်းကျင်စွာသုံးမလဲ စတဲ့ စိတ်ဝင်းစားစရာတွေနဲ့အတူဒီမိုကရေစီဆိုပြီး ကြွေးကြော်နေတဲ့ ပါတီတွေက
ဒီမိုကရေစီကို မှေးမှိန်အောင် လုပ်နေကြတဲ့လူတွေ၊မဲတစ်ပြားကို အလွဲသုံးစား တန်ဖိုးမထားတတ်တဲ့
အထက်လူကြီးတွေ၊
သူတို့တွေနဲ့ ရင်ဆိုင်ရာမှာတော့……

Game Changer (2025)

IMDB Rating: 6.1/10
Language: Telugu
Quality: 720P/ 1080P HEVC / 4K 2160P

မင်းသားကြီး Ram Charam ရဲ့ 2025 မှာ ထွက်ရှိထားတဲ့ အသစ်စက်စက် Action / Thriller ဇာတ်ကြမ်းကားကြီးထွက်ရှိလို့လာပါပြီ။

ဒေါသကြီးတဲ့ ရမ် နမ်ဒမ်က အရာရှိတစ်ယောက်ဖြစ်ပြီး မကောင်းမှုကိုမုန်းတီးသူတစ်ယောက်ပဲဖြစ်ပါတယ်။အကောက်ခွန်ဌာနကို ပြောင်းရွှေ့မိန့်နဲ့ ရောက်ရှိလာပြီး နိုင်ငံရေးကို ဗန်းပြ၊ ပြည်သူတွေရဲ့ ဂုတ်သွေးကိုစုပ်နေတဲ့ နိုင်ငံရေးသမားတွေရဲ့ မကောင်းမှုတွေ လာဘ်ပေးလာဘ်ယူမှုတွေကို တစ်ဆင့်ချင်းစီဖော်ထုတ်သွားပုံကို ဇာတ်လမ်းဇာတ်အိမ်ကောင်းကောင်းနဲ့ ကြည့်ရှုရမှာပဲဖြစ်ပါတယ်။

ပုံမှန်နိုင်ငံရေးဇာတ်လမ်းဆိုပေမယ့် Ram Charam ရဲ့ ပြောင်မြောက်လှတဲ့ acting တွေနဲ့ Thaman ရဲ့ နောက်ခံတီးလုံး က မထင်မှတ်ထားလောက်လောက် လိုက်ဖက်ညီပြီး အပြစ်ပြောစရာမလိုတဲ့ ဇာတ်ကားကောင်းတစ်ခုကို ခံစားကြည့်ရှုကြရမှာဖြစ်ပါတယ်။

The Warrior (2022)
--------------------------

ဇာတ်လမ်းအကျဉ်း
ရိုးရိုးသားသားနဲ့ကြိုးစားပြီးဖခင်ရဲ့ဆန္ဒပြည့်ဖို့ မိခင်ရဲ့လမ်းညွှန်မှုနဲ့
ဆေးပညာဘွဲ့ရအောင်ယူပြီး ကူအာနိုးဆေးရုံမှာ အလုပ်သင်ဆင်းဖို့
ဟိုင်ဒရာဘတ်က ကူအာနိုးကို ပြောင်းလာတဲ့ ဆရာဝန်လေး
FM တစ်ခုမှာအလုပ်လုပ်ပြီး မဟာလက်ရ်ှမီးရဲ့ဝီစီသံလို့
အမည်တွင်အောင် သူကြုံခဲ့ရတဲ့ အဖြစ်အပျက်တွေကို
ဇာတ်လမ်းဆင်ပြီးထုတ်လွှင့်နေတဲ့ မိတဆိုးသမီးလေးတစ်ယောက်တို့
တိုက်ခန်းတစ်ခုမှာ ဆုံကြတဲ့နောက်.....

Gandharwa (2022)
====================

Action, Drama, Thriller
IMDb 8.6/10 (1.8K)
လူသားတွေဟာ ကမ္ဘာဦးအစကတည်းက တီထွင်လာခဲ့ကြတဲ့သူတွေဖြစ်ပြီး
သိပ္ပံနည်းကျနဲ့ လက်တွေ့ကိုမှ ယုံကြည်လာခဲ့ကြပါတယ်…
ဟိုးအမှောင်ခေတ်ကနေ လကမ္ဘာပေါ်ကို တက်လှမ်းနိုင်တဲ့အထိကို
လူ့အသိဉာဏ်ကနေ တီထွင်ဖန်းတီးမှုတွေ နည်းပညာတွေ
ဆင်းသက်လာခဲ့ပါတယ်…
သို့ပေမယ့်လည်း တချို့သော ကိစ္စရပ်တွေဟာ သဘာဝတရားကြီးအတွင်းမှာရှိတဲ့
လက်ခံနိုင်စရာအကြောင်းရင်းတွေကိုဖြတ်ပြီး ဖြစ်ပေါ်လာခဲ့ပါတယ်…ဒီလိုကိစ္စမျိုးတွေကျ
လက်ခံနိုင်ဖို့ခဲယဉ်းလှပါတယ်…
ဒီဇာတ်ကားလေးဟာ သိပ္ပံပညာနဲ့ ဆေးပညာရပ်တွေလို လက်တွေ့ကျတဲ့
နယ်ပယ်တွေကို ဖြတ်ကျော်ပြီး မေးခွန်းထုတ်လာခဲ့တဲ့ လူတစ်ယောက်ရဲ့အကြောင်းပါ
နယ်မြို့လေးတစ်မြို့မှာ နေထိုင်တဲ့ အာဗီနက်ရှ်ကို တစ်ရွာလုံးကချစ်ခင်လေးစားကြသလို
သူဟာ နိုင်ငံတော်က အားကိုးရတဲ့ စစ်သားတစ်ယောက်လည်းဖြစ်သေးတယ်…
အိန္ဒိယပါကစ္စတန်စစ်ပွဲဖြစ်တော့ လက်ထပ်ထားတာ ပူပူနွေးနွေးလေးပဲရှိဦးမယ်
စစ်တိုက်ထွက်ရပြန်ပါတယ်…ကံပဲဆိုးလေသလား တိုက်ပွဲအတွင်း အာဇာနည်
ဖြစ်သွားခဲ့တယ်…
သဘာဝလွန်ဖြစ်ရပ်တွေက သူ့အားပြန်ရှင်သန်လာစေခဲ့တဲ့အခါမှာတော့….။

Maha Samudram (2021)
===========================

ဒီကားကတော့ IDMB မှာ Rating 6.0 ထိရထားတဲ့ မင်းသားကြီး Jagapathi Babu ပါ၀င်တဲ့

Action/Romance အမျိုးအစား တေလ်ဂူ ကားလေးပါ။ မင်းသားကြီး Jagapathi Babu ကို

ဗီလိန်နေရာမှာ သရုပ်ဆောင် ပိုင်နိုင်မှုကြောင့် တော်တော်လေးကြိုက်ခဲ့ဖူးပြီး ရှာကြည့်သမျှထဲမှာလည်း ဗီလိန်မဟုတ်တာနည်းပါတယ်။

ဇာတ်လမ်းအကျဉ်း
…………………………

ငယ်ငယ်တုန်းက အရမ်းချစ်ခင်ခဲ့ကြတဲ့သူငယ်ချင်းနှစ်ယောက် အာဂျွန်နဲ့ ဗီဂျေး။

မှောင်ခိုလုပ်ငန်းအကြီးအကျယ်လုပ်တဲ့ ဦးလေးရှိပေမယ့် မှောင်ခိုလုပ်ငန်းကို မုန်းတဲ့

အာဂျွန်။ ကိုယ့်ဘ၀ကိုပဲဂရုစိုက်မယ် ဘယ်လိုအနှောက်အယှက်မဆို မလိုချင်ခဲ့တဲ့ဗီဂျေး။

ခပ်ဆိုးဆိုး ဗီဂျေးကိုမှ သဘောကျခဲ့တဲ့ မဟာ။ သူတို့သုံးယောက်ဆုံပြီးနောက်မှာ

မှောင်ခိုလောကအတွင်းဘာတွေပြောင်းလဲကုန်မှာလဲ။ မှောင်ခိုလောကရဲ့ဘုရင်အဖြစ်

ဘယ်သူက အုပ်စိုးနိုင်မှာလဲ။ အတ္တ နဲ့ ချစ်ခြင်း အနစ်နာခံခြင်းတွေစုံအောင် ၂နာရီကျော်အတွင်းစီးမျောခံစားရမှာပါ။

Diesel (2025)

ဒီတစ်ခါမှာတော့ မင်းသား Harish Kalyanရဲ့ နောက်ထပ် အကြမ်းစားဇာတ်ကားတစ်ကားကို တင်ဆက်ပေးချင်ပါတယ်။

အစိုးရစီမံကိန်းကြောင့်နဲ့ ချန်နိုင်းဆိပ်ကမ်းကနေ အင်နိုးအထိ ၁၇ ကီလိုမီတာရှည်တဲ့ ပိုက်လိုင်းကြီးကို တည်ဆောက်ဖို လုပ်ဆောင်ပါတော့တယ်။
ဒီစီမံကိန်းကြောင့်မလို ငါးဖမ်းရွာပေါင်း လေးဆယ်လောက်ထိ ထိခိုက်နစ်နာခဲ့ရပါတယ်။
ဘာကြောင့်လဲဆိုတော့ ကမ်းရိုးတမ်းတစ်လျှောက်မှာ ပိုက်လိုင်းကြီးတည်ဆောက်ထားတာဖြစ်လို သင်္ဘောတွေ လှေတွေ ပင်လယ်ထဲချလိုမရတဲ့အတွက် ငါးဖမ်းပြီး လုပ်ကိုင်စားသောက်ရတဲ့ရွာတွေအကုန် ဒုက္ခရောက်ကြတာပေါ့။
ဒီအတွက်နဲ့ မခံနိုင်တဲ့လူထုဟာ ဆန္ဒပြ ပုန်ကန်ကြတဲ့အခါမှာတော့ ရဲတွေဟာ ပစ်သတ်တဲ့အထိ လုပ်ခဲ့တဲ့အတွက် ဆန္ဒပြတဲ့သူတွေဟာလည်း နောက်ဆုတ်ခဲ့ကြရပါတော့တယ်။

ဒီလိုနဲ့ နေလာရင်း အစိုးရလုပ်ထားတဲ့ ပိုက်လိုင်းကြီးဟာ ရေနံစိမ်းတွေ သယ်ပိုတဲ့ ပိုက်လိုင်းကြီးဖြစ်တာကို မာနိုဟာရန်ဆိုသူဟာ သိရှိလိုသွားခဲ့ပါတယ်။
ဒီအခါမှာတော့ သူတိုအသက်မွေးဝမ်းကြောင်းလုပ်ငန်းကို ပိတ်ပင်စေခဲ့တဲ့ ဒီပိုက်လိုင်းကြီးကနေ ရေနံစိမ်းတွေ ခိုးထုတ်ပြီး ဒုက္ခရောက်နေတဲ့ သူနဲ့ သူ့လူတွေအတွက် ငွေရှာဖို လုပ်ပါတော့တယ်။

ရေနံစိမ်းကနေ နိုင်ငံရဲ့ အကြီးဆုံး ဓာတ်ဆီ ဒီဇယ်ထုတ်တဲ့ ကုမ္ပဏီကို ပြန်သွင်းကာ ဒီဇယ် ဓာတ်ဆီ ပြန်ယူပြီးတော့ ရောင်းချကာ ပိုက်ဆံရှာရပါတယ်။
ဒီလိုလုပ်ဖိုအတွက် အာဏာပိုင်တွေကိုလည်း အပိုင်ချုပ်ထားဖို လိုအပ်ပါသေးတယ်။
မာနိုဟာတစ်ယောက် ဒီလုပ်ငန်းကို စတင်လုပ်ကိုင်ခဲ့ရာကနေ မွေးစားသားဖြစ်သူ ဒီဇယ် (ခ) ဗာဆူရဲ့ လက်ထပ်မှာတော့ ပိုပြီးတော့ လုပ်ငန်းဟာ ချဲ့ထွင်တိုးတက်လာခဲ့ပါတော့တယ်။
ဒီလို တိုးတက်လာတဲ့နောက်မှာတော့ ဒီဇယ်တိုရဲ့ လုပ်ငန်းကို ကြားကနေ ဖြတ်ခုတ်ပြီး ဆီတွေခိုးကာ ဆီအရောတွေ ဖြန့်တဲ့သူ ရှိလာခဲ့ပါတော့တယ်။

ဒီဖြစ်ရပ်ကို ဒီဇယ်တစ်ယောက် ဘယ်လို ကိုင်တွယ် ဖြေရှင်းသွားမလဲ...
ဒီဇယ်တို လက်ထဲကနေ ဆီတွေခိုးနေတဲ့သူကရော အာဏာပိုင်တွေကို အပိုင်ချုပ်ထားနိုင်လိုများလား...
ဒီဇယ်တို ဆီမှောင်ခိုလုပ်တဲ့အခါမှာရော ဘယ်လိုနည်းလမ်းတွေ သုံးပြီးတော့ ခိုးထုတ်ကြလဲ...
ဆိုတာတွေကို စိတ်လှုပ်ရှားဖွယ်ရာ ကြည့်ရှုရမဲ့ အက်ရှင်ဒရာမာကားလေးဖြစ်ပါတယ်။

Vis.....wasam [2019]
================

ရှင်းရှင်းပဲပြောမယ် .. မိတ်ဆွေ
ခေါင်းစားသက် သာအောင်လို့ မကောင်းရင်ငွေပြန်အမ်းမယ်ဆိုပြီး အဲ့လောက်ထိအာမခံလို့ရ တဲ့ ကျွန်တော်အကြိုက်တွေ့မိတဲ့ဇာတ်ကားတစ်ကားပါပဲ

ဒီကားလေးကတော့ တောလူမိုက်ကြီးတစ်ယောက်ရဲ့ချစ်ပုံပြင်လေးပေါ့ ။ တောလူမိုက်ကြီးက သူဌေးသမီးလေးတစ်ယောက်ကိုချစ်မိသွားတာပေါ့ဗျာ ။ ကျွန်တော်တို့ရဲ့ ကိုပေါနဲ့မတူတာကတော့ သူဌေးသမီးလေးကလည်း သူ့မေတ္တာကို တုံ့ပြန်ခဲ့တာပေါ့ ။

တစ်နေ့တော့ နိုင်ငံခြားမှာ ပရောဂျက်တစ်ခုလုပ်ဖို့ ခေါ်စာရောက်လာတယ် ။ သူတို့နှစ်ယောက်ရခဲ့တဲ့ ကလေးလေးကိုတော့ ကျွန်တော်တို့ရဲ့လူမိုက်ကြီး Ajith Kumar နဲ့အတူ ရွာမှာပဲထားခဲ့တာပေါ့ ။ အလုပ်တွေပြီးသွားတဲ့အချိန်မှာ သမီးလေးကိုတွေ့ဖို့အတွက် ရွာကိုပြန်လာခဲ့တာပေါ့ ။ အဲ့ဒီနေ့မှာ လူမိုက်ကြီးက သူ့သမီးလေးကိုခေါ်လာပြီး အမေ့ကိုသွားကြိုဖို့အတွက်ရထားဘူတာကိုထွက်လာခဲ့တာပေါ့ ။ ဒါပေမယ့် လူမိုက်ကြီးရဲ့ ရန်ဘက်တွေက သူသွားမယ့်လမ်းကို ပိတ်ပြီးတော့ လုပ်ကြံခဲ့ကြတယ် ။ သားအဖနှစ်ယောက်လုံးဘာမှမဖြစ်ခဲ့ပေမယ့်လည်း သမီးလေးရဲ့အမေဆီရောက်တဲ့အချိန်မှာ သွေးတွေပေကျံနေတဲ့ သူ့ကိုမြင်တော့ သူ့သမီးကို အဖေ့လက်ထဲမှာဆက်ထားဖို့စိတ်မချတော့ဘူးပေါ့။ ဒါနဲ့ သမီးလေးကို သူဆီမှာပဲထားတော့မယ်ဆိုပြီးတော့ လူမိုက်ကြီးနဲ့အဆက်အသွယ်ဖြတ် ၊ သမီးလေးကို ခေါ်ပြီး မြို့ကိုပြန်လာခဲ့တာပေါ့ ။ တကယ်လို့သူတို့သားအမိကိုလိုက်ရှာရင် ကေလးမွာ အမေမရှိဖြစ်သွားရမယ်ဆိုပြီး လူမိုက်ကြီးကိုခြိမ်းခြောက်ခဲ့တာပေါ့လေ ။

အချိန်တွေကြာလာခဲ့အခါလူမိုက်ကြီးလည်း သူ့သမီးကိုလွမ်းတာနဲ့ မြို့တက်ပြီး သမီးလေးကို လိုက်ရှာခဲ့တာပေါ့ ။ သမီးလေးကိုတွေ့ချင်ပေမယ့်လည်း သူပေးထားခဲ့တဲ့ ကတိကိုစောင့်ထိန်းရမှာဖြစ်တဲ့အတွက် သမီးလေးအနားကိုကပ်မရဖြစ်နေတာပေါ့။

ပြီးတော့ သူ့သမီးလေးကို အဝေးကစောင့်ကြည့်နေရင်း သူ့သမီးကို သတ်ဖို့ကြိုးစားနေတဲ့သူတစ်ယောက်ရှိတယ်ဆိုတာ သူသိလာတယ် ..

ဒီတော့ လူမိုက်ကြီးတစ်ယောက် သူ့သမီးအနားကိုဘယ်လိုသွားမလဲ ။သူ့သမီးကိုသတ်ဖို့ကြိုးစားနေတဲ့သူကရောဘယ်သူလဲ ။

ကလေးတစ်ယောက်ကို သတ်ချင်ရလောက်အောင် ဒီကလေးကဘာများအမှားလုပ်မိခဲ့လို့လဲ ။ ဒရမ္မာ အက်ရှင်ကားတစ်ကားဖြစ်တဲ့အတွက် တိုက်ခိုက်ခိုက်ခန်းတွေနဲ့ မေတ္တာခန်းဖွင့်တာတွေကို ရှုစားကြရမှာပါ ။

အဖေတစ်ယောက်က သမီးတစ်ယောက်ကို ဘယ်လောက်ချစ်သလဲဆိုတာကိုလည်း ကျွန်တော်တို့ရဲ့ရမ်ဘိုကြီး Ajith Kumar က ကွက်ကွက်ကွင်းကွင်းမြင်သာအောင်သရုပ်ဆောင်ပြထားပါတယ် ..

ဖခင်တစ်ယောက်ရဲ့ချစ်ခြင်း ၊ ခင်ပွန်းတစ်ယောက်ရဲ့ တာဝန်တွေကို ရှင်းရှင်းလင်းလင်းရိုက်ပြထားတဲ့ဇာတ်ကားကောင်းတစ်ကားဖြစ်ကြောင်း သတင်းကောင်းပါးလိုက်ပါတယ်ဗျာ ..

အခုတစ်ခါတော့ တမီးလ်မင်းသားကြီး
အဂျစ်ကူးမားကဲ့ နာမည်ကြီး အက်ရှင်ခပ်ကြမ်းကြမ်းကားလေးကိုတင်ပေးလိုက်ပါတယ်။
ဇာတ်လမ်းကတော့

လူဆိုးဂိုဏ်းတစ်ခုဟာ ဘဏ်တစ်ခုကိုဓားပြတိုက်ဖို့ ရဲတွေ၊ဘဏ်အတွင်းပိုင်းကလူတွေနဲ့ ပေါင်းပြီး ၀င်စီးကြပါတော့တယ်။
ဘဏ်ဓားပြတွေဟာ အကုန်လုံးကိုထိန်းချုပ်ပြီး ပျော်နေကြတုန်းမှာ
မထင်မှတ်ထားတဲ့ အန္တရယ်တစ်ခုပေါ်လာပါတယ်။ အဂျစ်ကူးမားပါ။
သူက ရဲဘက်ကလည်းမဟုတ်၊စစ်တပ်ဘက်ကလည်းမဟုတ်ဘဲ ဘဏ်ဓားပြတွေကို တိုက်ခိုက်ပါတယ်။
သူခိုးဆီက သူခိုးကပြန်ခိုးသလို
ဓားပြတွေဆီက တစ်ကိုယ်တော် ဓားပြပြန်တိုက်တာပါ။
ဘဏ်ကြီးကို သူတစ်ယောက်တည်းနဲ့ဓားပြတိုက်တဲ့အခါမှာတော့ ....
Money Heist ကဲ့သို့ ဘဏ်ဓားပြကားလို
လှည့်ကွက်တွေ၊ မြှုပ်ကွက်တွေနဲ့အတူကြည့်ရှုရမှာပါ။
ဘဏ်ဖောက်ကား ကြိုက်သူတွေအတွက်
လက်မလွှတ်သင့်တဲ့ ကားလေးလို့ပဲ ညွှန်းလိုက်ပါရစေ

စစ်ကားရုပ်ရှင်တွေ ကြိုက်နှစ်သူတွေရော Horror Movie ကြိုက်သူများအတွက်ပါ အဆင်ပြေစေမယ့် ရုပ်ရှင်ကားကောင်း တစ်ခုပါ….ကြည့်ရှုရင်း နဲ့ လိုက်ပါရင်ခုန်စေမိမယ့် ရုပ်ရှင်ကားကောင်း တစ်ကား ဆိုလဲ မမှားပါဘူး…ဇတ်လမ်းပုံစံကတော့ ဒေါက်တာ Clyne ဟာ စစ်ဖက်သုံး ကင်မရာတွေကို တီထွင်ပေးရတဲ့သူပါ…တစ်နေ့မှာတော့ စစ်ပွဲထဲတွင် စစ်သားတွေအကြောင်းအရာမသိသော အရာဝတ္တု တစ်ခုရဲ့ သတ်ဖြတ်ချင်းကို ခံရပြီး သေဆုံးခဲ့ကြပြီး ထိုအရာကိုလဲ ဒေါက်တာ Clyne တီထွင်ပေးသော ကင်မရာဖြင့်သာ မြင်နိုင်ခဲ့တာကြောင့် ဒေါက်တာ Clyne ကို စစ်ဘက် အဖွဲ့အစည်းက ပြန်လည် ခေါ်ယူပြီး စစ်ဆေးခဲ့ပါတယ်…သူတို့ မြင်ခဲ့တာအရာသည် ဘယ်လိုအရာမျိုး ဖြစ်တယ်ဆိုတာ သေချာသိရဖို့ အတွက် ဒေါက်တာ Clyne နှင့် စစ်တပ် တပ်ဖွဲ့ တစ်ခုဖွဲ့ကာ စစ်မြေပြင်ကို သွားရောက်လေ့လာခဲ့ပါတယ် ထိုလေ့လာတဲ့ ခရီးတွင်ပဲ ကံဆိုးစွာ ထပ်မံ သတ်ဖြတ်ခံရပြီး ထိုအရာများသည် လူသား ပုံစံ ရှိပြီး ဝိဉာဉ်များသဖွယ် နံရံများကို ဖြတ်သွားနိုင်ကာ ထိတွေ့မိသူတိုင်း အေးခဲအသက်ပျောက်သွားပါတယ် မည်သည့် လက်န က်ဖြင့်မှ တိုးမပေါက် သက်၍ မရနိုင်ပါ ထိုအရာများ မှာ မကောင်းဆိုးဝါး များလော စစ်ဘက်ဆိုင်ရာ လျို့ဝှက်ချက်များလားဆိုတာ•••

Baaghi 1 (2016)

ဒီကားအကြောင်းကိုပြောရရင် အိန္ဒိယအက်ရှင်ကား တွေထဲကတမူကွဲထွက်လာတဲ့ကားလို့ဆိုချင်ပါတယ်။

လက် နဲ့ ရွယ်လိုက်ရုံနဲ့ ၆ပေလောက် လွင့်သွားတဲ့ ကားမျိုးမဟုတ် ပါဘူး။

အိန္ဒိယသိုင်းကား ဒါရိုက်တာ ဆတ်ဘာခမ်က သိုင်းကွက်တွေ ခြေအနုတ် အသိမ်း အကန်ခံရတာတွေ အားလုံးကိုအနုစိတ်ရိုက်ကူး ထားတယ်။

သိုင်းသမားဟန် လှုပ်ရှားကွက်တွေ defence အကွက်တွေ အတော်လေးကို လှပါတယ်။

မင်းသား Tiger Shroffက ပင်ပန်းကြမ်းတမ်း စွာ သရုပ်ဆောင်ခဲ့တယ်။

အိန္ဒိယအလှအပရှုခင်း တွေ တွေ့ရမှာဖြစ်သလို ဗန်ကောက် မှာပြန်ပေးဆွဲထားတော့ ထိုင်းရဲ့အလှအပရှုခင်းတွေလည်း ခံစားရမှာဖြစ်ပါတယ်။

ရိုက်ကူးစဉ် ရူပီသန်း၃၅၀တောင် ကုန်ကျခဲ့ပေမဲ့ ဝင်ငွေ ၁.၂ကုဋေထိအောင်မြင်မှုရခဲ့တဲ့ action, romance ကားလေးခံစားလိုက်ပါဦးလို့...

The Naked Gun (2025) 4K HEVC
======================
Genre .....  Comedy, Crime, Action


တစ်ခေတ်တစ်ခါက ပရိသတ်တွေအသည်းစွဲ ရဲစုံထောက်ဇာတ်လမ်း Police Squad trilogy ကို တစ်ဖန်ပြန်လည်ဆန်းသစ်ထားတဲ့ T-h-e N-a-k-e-d G-u-n

ဒီဇာတ်ကားလေးထဲမှာ အမြဲလက်စားချေနေရတဲ့ ကြမ်းကြမ်းရမ်းရမ်း ဖိုက်တင်မင်းသားကြီး Liam Neeson ကို ပေါ့ပေါ့ပါးပါးဇာတ်ရုပ်နဲ့ တမူထူးခြား ရှုစားရမှာဖြစ်လို့ ခုပဲ လက်မနှေးတမ်း ကြည့်ရှုလိုက်ကြပါဦးစို့

အဖေဖြစ်သူက ရဲတပ်ဖွဲ့ရဲ့ စံနမူနာဖြစ်ခဲ့သလောက် တဇွတ်ထိုးဆန်တဲ့ ဖရန့်ခ်ဂျူနီယာတစ်ယောက် လက်ကအရင်ရောက်ရောက်သွားတဲ့မဟာအကျင့်ဆိုး
ကြောင့်ပဲ ရဲမှူးဆီမှာ ကြိမ်းမောင်းခံရပြန်တာပေါ့။

တွယ်လိုက် တီးလိုက်ရမှ အယားပြေတဲ့ဖရန့်ခ်ကို ရဲမှူးကလည်းလန့်နေတာမလို့ လူတိုင်းစိတ်ဝင်စားနေတဲ့ ဓားပြမှုကနေ ဖယ်ထုတ်ပြီး သာမန် ကားတိုက်မှုလေးကို စုံစမ်းဖို့လွှတ်လိုက်ပါတယ်။

ဘာလို့လဲဆိုတော့ ဓားပြတွေဝင်အဖမ်းမှာ တစ်ကွက်အပြကောင်းလို့ ဓားပြတွေ ICU အလည်ရောက်ပြီး မြို့တော်ကို တရားစွဲလို့ ရဲတပ်ဖွဲ့ကို ဖျက်သိမ်းဖို့ တောင်းဆိုတာတွေကြောင့်ပါ။

ဒီလိုနဲ့ ကားတိုက်မှုကို သွားစုံစမ်းတော့ ကိုယ့်ကိုယ်ကိုယ်သတ်သေမှုလို့ ကောက်ချက်ချပြီး စခန်းကိုအလာ သေဆုံးသူရဲ့ညီမဖြစ်သူဘက်သ်က သူ့အစ်ကိုက သတ်သေတာမဖြစ်နိုင်ဘူးလို့ လာပြောပါတော့တယ်။

ဖရန့်ခ်တစ်ယောက်လည်း ယုံရမလို မယုံရမလိုဖြစ်နေရင်း အမှုကိုပြန်စစ်ဆေးချိန်မှာ ‌သူထင်သလို မရိုးရှင်းနေတာကို သိသွားချိန်မှာတော့...

Commitment Movie(2013)
မြန်မာစာတန်းထိုး (စ/ဆုံး)

ဒီဇတ်‌ကားထဲမှာလည်‌း T.O.P က ‌သောက်‌ရမ်‌းမိမိုက်‌‌နေတာဗျာ။

ဇတ်လမ်းအကျဥ်း💛

Myung Hoon ဟာ မြောက်ကိုရီးယား သူလျှိုဟောင်းတစ်ယောက်ရဲ့သားဖြစ်ပြီး စန္ဒယားပညာရှင် တစ်ဦးဖြစ်ဖို့ စိတ်ကူးယဉ်နေသူပါ။ ဒါပေမယ့် တောင်ကိုရီးယားမှာ သူ့ဖခင် သေဆုံးသွားပြီး‌နောက်ပိုင်း သူ့ညီမ Hye In အလုပ်ကြမ်းစခန်းကို ရောက်သွားခဲ့ပါတယ်။

သူ့ဖခင်ရဲ့ အထက်အရာရှိ ကာနယ် Moon Sang Chul က Myung Hoon အတွက် အလုပ်တစ်ခု သယ်ဆောင်လာပါတယ်။ အကယ်၍ အဲဒီအလုပ် အောင်မြင်ခဲ့ရင် သူရော သူ့ညီမပါ လွတ်မြောက်မှာ ဖြစ်ပါတယ်။ အဲဒီအလုပ်ကတော့ သူ့အဖေရဲ့ မပြီးသေးတဲ့ တာ၀န်တွေကို ဆက်လက်ထမ်းဆောင်ဖို့ပါပဲ။ သူ့ညီမကိုပါ လွှတ်ပေးမယ်ဆိုတာကြောင့် Myung Hoon က ဒီအလုပ်ကို လက်ခံလိုက်ပြီး ၂ နှစ်တိုင်တိုင် အပြင်းအထန် လေ့ကျင့်ပေးပါတယ်။

Myung Hoon ဟာ မြောက်ကိုရီးယားကနေ ထွက်ပြေးလာသူတစ်ဦးအသွင်နဲ့ တောင်ကိုရီးယားမှာ အခြေချပါတယ်။ မြောက်ကိုရီးယား သူလျှိုအဖွဲ့အစည်းထဲက လင်မယားနှစ်ယောက်အိမ်မှာ မွေးစားသားအနေနဲ့ လာရောက်နေထိုင်ပါတယ်။ သူ့ရဲ့တာ၀န်က “ခုနစ်စင်ကြယ်” (Big Dipper)လို့ နာမည်ဝှက်ပေးထားတဲ့ မြောက်ကိုရီးယားရဲ့ သူလျှိုတစ်ယောက်ကို ပြန်လည်ဖြိုခွင်းရမှာပါ။

‌မွေးစားလင်မယားက သူ့ကို ကျောင်းထားပေးတာမို့ အထက်တန်းကျောင်းမှာ တက်ရပါတယ်။ ကျောင်းမှာ အနိုင်ကျင့်ခံနေရတဲ့ ကျောင်းသူလေး Hye In ကို သူ့ညီမနဲ့ နာမည်တူနေတာမို့ ကူညီရင်း သံယောဇဉ်ဖြစ်မိသွားပါတယ်။ Hye In ဟာ အကပညာရှင်ဖြစ်ဖို့ စိတ်ကူးယဉ်နေသူလေးပါ။ ဒါပေမယ့် အခြေအနေဟာ Myung Hoon ကို ကျဉ်းထဲကြပ်ထဲ‌ရောက်အောင် တွန်းပို့ပေးလိုက်ပါတယ်။

‌မြောက်ကိုရီးယားခေါင်းဆောင် ကင်ဂျုံအီ thayဆုံးပြီး ကင်ဂျုံအွန် အာဏာရလာတဲ့အခါမှာ Moon Sang Chul ဟာ သူ့ကို သစ္စာဖောက်ပါတော့တယ်။ တောင်ကိုရီးယားရဲ့ ထောက်လှမ်းရေးတွေကလည်း သူ့ကို စတင်ထောက်လှမ်းမိနေပါပြီ။ သူဘာဆက်လုပ်မလဲ။ သူ့ညီမကို ဘယ်လို ကယ်တင်မလဲ။ သူ့ညီမနဲ့ နာမည်တူတဲ့ သူ့ရဲ့ နံရိုးတစ်ချောင်းကိုရော ဘယ်လိုကာကွယ်ပေးမလဲဆိုတာကိုတော့ ဆက်လက်ကြည့်ရှုကြပါ။

BIGBANG အဖွဲ့က အဆိုတော် Choi Seung Hyun (T.O.P) ခေါင်းဆောင်ပါ၀င်ပြီး Han Ye Ri ၊ Kim Yoo Jung ၊ Yoon Je Moon ၊ Jo Sung Ha နဲ့ မင်းသားကြီး Jung Ho Bin တို့ ပါ၀င်သရုပ်ဆောင်ထားတဲ့ Commitment ဇာတ်ကားဟာ အက်ရှင်ဒရမ်မာ ဇာတ်ကြမ်းတစ်ကား ဖြစ်ပါတယ်။

ဒါရိုက်တာ Park Hong Soo ရိုက်ကူးပြီး ကိုရီးယားစစ်ပွဲရဲ့ တတိယမျိုးဆက်တွေ ဘုမသိဘမသိနဲ့ ဓ/ ားစာခံဖြစ်ရပုံအကြောင်း ရိုက်ကူးထားတာ ဖြစ်ပါတယ်။ Rotten Tomatoes မှာ Tomatometer 40% ပဲ ရရှိထားပေမယ့် IMDb မှာတော့ Rating 6.8 ထိရရှိထားတဲ့ ဇာတ်ကားကောင်း ဖြစ်ပါတယ်။

ကိုရီးယားကားတွေရဲ့ ထုံးစံအတိုင်း အကြမ်းနဲ့အလွမ်းကို ရောသမမွှေထားပြီး မတူညီတဲ့ပတ်၀န်းကျင်တွေကို သမမျှတအောင် ထည့်သွင်းရိုက်ကူးထားတာ တွေ့ရပါတယ်။ နူးညံ့တဲ့ စန္ဒယားသမား ကျောင်းသားတစ်ယောက်ရဲ့ခံစားချက်ကို လူthatသမားတစ်ယောက်ရဲ့ သွင်ပြင်နဲ့ ရောသမမွှေထားပြီး သိမ်မွေ့တဲ့အချစ်ဇာတ်လမ်းနဲ့ ပေါင်းစပ်တန်ဆာဆင်ထားပါတယ်။ အက်ရှင်ကားတွေကြိုက်တဲ့ ပရိသတ်တွေ ကြည့်သင့်တဲ့ ဇာတ်ကားပါပဲ။

✅ပူံမှန် 𝐕𝐈𝐏 မန်ဘာကြေး- 10000 ကျပ်✅

🎁ယခု VIP မန်ဘာကြေး - 5000 ကျပ်သာ
( လကုန်အထိသာ )🎁

🔴တစ်သက်စာ🔴 ( ထပ်မံပေးရန် မလိုအပ်ပါ )
✅𝐕𝐈𝐏 Movie Series 𝐂𝐡𝐚𝐧𝐧𝐞𝐥 ( 7 )ခု ပါဝင်သည်

VIP ဝင်ရန် 👉 @rmc112233