وأنا للسكينة كل ما أرخيت جفني رفّ
على الريح أبيع أحلامي البيض وآمالي

ماعاد المسا له طله من بعدك ترف
ولا أشرق صباح عقبك إلا يورالي

أداري بفقدك خاطر ما لـ شوقه ضف
من الشمس كنّي واقف أداري ظلالي

وش الدمع لو ماسال بعضه وبعضه جفّ
وش الفقد لو ما يندفن فـ الثرى غالي

لغيبتك هول وعوق ممشى وقبضة كف
وتغريبةٍ مرسى تعبها على جالي

أدفّ الليالي من خذا الموت روحك دف
من العام عيّا يدخل الموت في بالي .

فارقونا ولكن عادهم فيّنا
مانسينا ملامحهم وذكراهم

رحمة الله عليهم كان لاجيّنا
ما أوسع من البيوت الا محياهم

غير هالحين وإن سقنا خطاويّنا
لا بنلقى البيوت ولا بنلقاهم

مات من بعدهم ماكان يحييّنا
والفضا ضاق صدره يوم فرقاهم

ليه يانعمة النسيّان تنسينا
كل ماسج خاطرنا ذكرناهم

مايغيبون دايم عن حكاوينا
وفي وجيه الأماكن دوم نقراهم

ليتنا قبل نتسّمى بـ أساميّنا
من رصيد العمر زدنا عطيناهم

يارب اغفر لهم وأقبل دعاوينا
وإجعل جنان خلدك دار مثواهم .

‏طايبةٍ نفسه مثل اللي قال:
أنا مابي من الدنيا بعد هالمرحلة رغبات
عسى الله بس يكفيني .. هوى نفسي وزلّاتي .

هزوا بجذع السحاب إن مات جذع النخيل
لعل بعد الجفاف تطيح لي مايّته

‏اثر البنادم على هفوات نفسه دليل
‏لا صار بعد الوسيلة تنجهل غايّته

‏شلون ابلقى بعد مسرى الليالي حصيل
والليل ثلثه ضياع بـ عين سرايّته

‏مسلسل العمر هذا بالرتابة طويل
من فيكم الواعي الّي يحرق نهايّته .

رحاب الأرض مدّي لي مداك الجرهدي وأهلّ
‏قصيدٍ ما عليه إلا نباي وسيرة أجدادي

‏أتل خطاي في عرقٍ من الصحرا وأنا ما أدلّ
‏طريقٍ لو تعلّق فوق جفني طوّل سهادي .

من دورة العام أعرف يوم ميّلادي
ويمرّني يوم موتي بس ما أعرفه .

" والله اني ما التفت في ضيق بالي
لا ذكرت انك على وجه البسيطة "
بس اليوم التفت والتفت واجد لانك تحت الارض ما انت بفوقها ..
وكني به يقول :
" ان ما وصلتك لا تنشّد لا صدوق ولا صديق
أسبل دموعك وادري ان الارض ماني فوقها " .

أنا ما طحت من عين المواجع يوم أنا مكسور
أنا من كثر ما فيني مواجع طحت من عيني .

‏ملت لـ الضعف وأنا مالي به ميول
‏وتعرضت لـ دروب الشقى الرديّه

‏خاطري صلف وطبعي أصبح ملول
‏ما يقبل العذر من عقب الخطيّه

‏وداخلي كنه بستان تعرض لـ الذبول
‏ما يمسّه الماء ولا ياصله ولو شويّه

‏ ياعزوتي ضاعت مني أنصاف الحلول
‏وشلون عاد أرجع لـ نفسي النديّه .

‏ماعرف وين إتّجاه الراحه وبرّ الامان
و وسط صدري حرّ شوقٍ مثل حرّ القايله .

ان طغت سود اللّيالي على وجه الظروف
عاد لي شيمةٍ ومبّدأ على وجه الثرى .

قل للطعون القديمة لاتسل الجديد
‏لازال طفل المفارق فالضلوع يحبّي .

الله أكبر یا جروح الصدور من السنين
‏کم وهبك الموت من فقد غالين وعبر

‏والله أكبر ياملامح وجيه الراحلين
‏لا بعثها طاري الشوق في غيبة صبر

‏تاخذ من القلب ما تاخذ جروح الحزين
‏ضيقةٍ ماعالجتها حبوب ولا ابر .

‏في زوايا تالي الليل يرتاح الضمير
‏لافهق عقب اول الليل باقي ضيقته

‏لاكذب وجهي عليكم وقال اني بخير
‏برّقوا في لمعة عيونه وتدنيّقته .

‏ودي أشكر كل راقي حسّ سوا بي جماله
‏ما نشدني ليه أنا مشغول وإلا ليه سالي

‏الجواب اللي ماهو مقنعك لا تطرح سؤاله
‏نوب ياحلو الليال ونوب ياشين الليالي .

مجرد أنسان خاف من الصخب وأنعزل
أختار يحضر على قد الشعر والشعور

أصعب من أنّه يكون بهالزمان السهل
وأسهل من أنّه يكون الممتلي بالغرور

مورق كثر مايحس أن الأماكن محل
ممحل كثر وحشة المنفى وضيق القبور

عميق حدّ أنّه أحياناً يحس بجهل
بسيط حدّ أنه يشوف المدى للعبور

أحس به طفل لامرّ الفرح وأحتفل
وأحس به كهل لاكبرت عليه الأمور

أحيان أحسّه يحبّ من الحديث الغزل
وأحيان ماهو على درب المحبة جسور .

على أكتافه خذاني لأكبر احلامي ويوم إجزاه
خذيته للمكان الممتلي وحشة على أكتافي .

ودّي أترك كل حاجة وأهجر دروب المدينة
وأنهج دروب الرحيل الموحشة وألقى سلامي .

مازلت أحبه لو الناس تضحك عليه
أنا اعرفه قبل يثّر عليه المرض

كان أطيب الناس قلب وكان قرّم و وجيّه
تجيه عندك غرض وتروح مالك غرض

يحزنّي انه معاد يداني اللي يجيه
متقوقعًا بعزلته في عالمًا مفترض

هو أخر انسان فالدنيّا الدنيه نزيّه
أخاف عقبه نقول أن النزيّه انقرض .

ولا تغربني عن روحي، ولا تجعلني أنظر
‏إلى نفسي ولا أعرفها
-آمين .