ممكن يكون الكل مبسوط بالشتاء و بالليالي الحلوه فيه، إلا انا كل ماطرالي ليلة من ليالي الشتاء ما قبل ٢٠١٩ و ورا يضيق صدري
ودّي بالشتاء لكنّه يضيق علي جدا ويغصبني على الوحده وما ودي تروح إيامي كلها وانا على نفس الوضع من سبعة سنين
ودي اتحرر من هالكبت اللي اعيشه وأشوف الحياة من أوسع ابوابها، بس دايم ألقاني بين الذكريات والماضي وكأن حياتي واقفه هناك .

يا إلاهي جعل حلمي ما يفوته فوته
‏ودي إن عمري يقلّ ولا تقلّ أحلامي

‏السنين تمر وحبال الرجاء مفلوته
‏لاتخليني على قاع الزمان الحامي .

من سيوف الكلام الحاد والموجع ماكنت اخاف
‏وصرت اللي لو يمره كلامٍ عادي يكوده

لا ضاقت في عيون المنجرح متراميّة الاطراف
‏تساوت عنده ايام الزمان بـ بيضه وسوده .

بس ربي يعلم إني بالحزن عشت عمري
بين نوبات اكتئاب وبين نوبات الشقيقة .

‏يقولون من خاف القضا جنّب المحراف
‏تركّد على عمرك ترى العمر له قيمه

‏وانا اقول ماتسلم من الموت ياخوّاف
‏لو إنك تموت بدون طقّه وتعليمه

‏ذليله حياة اللي مايعرف ولا ينشاف
‏لو إنه بخير ونعمه وراحه مقيمه

‏عساها فدا راسي وانا اعدّي المشراف
‏اناطح مقاديم السحاب بـ مقاديمه .

من داعي التفكير والضيقة نخاف
نجرح خواطرنا بلا ذنب وسبب

ضاق الأمل وهمومنا ماهي خفاف
منها استفاق الدمع والصدر اكتأب

مارد ينبوع الأمل بعد الجفاف
إلا الرضا باللي من الله انكتب

لو ننكسر من ضعف ما حنّا ضعاف
رغم الشعور اللي ملانا بـ التعب .

على ذكرى ولادة جسمي الفاني وبؤس الروح
رثيت أغلى سنينٍ روّحت من عمري الفاني

مضت لي ما بقى منها سوى ذكرى وسبع جروح
تلازمني بدربي كنّها واحد من أخواني

وأنا أدري من هو بمثلي يضع بصمة يده ويروح
عسى لي شخص ما ينسى لو الدنيا تناساني .

ياباقي الأيام معاد بي حيل
منين أجيب لباقي العمر رغبه .

كن ما لـ الليل غيري على الدنيا صديق
يوم يجعلني نديمه ويغتاب الصباح

متوتر كني اللي يبي ينقذ غريق
ما عرف وشلون ينجيه وادواه الصياح

انتظر صبحٍ شعاعه على صدري يويق
واغتنيت بـ فضل ربي بـ برقٍ يوم لاح

قامت الوديان من وبله النافع تضيق
ومن مصبّه ينبت العشب حتى في البراح

الزمان ظروفه ارهاق نفس ونشف ريق
كم غشيمٍ ساق ظنه ورا حلمه وراح

كيف بذخر لـ الليالي وشدتها رفيق
وانا داري ان الليالي على مثلي شحاح

تتعب اقدام الرياجيل لـ المجد العريق
مثل ما الفرّيس تتعب على زرق الرماح

واحدٍ واجه وکافح و واصل في الطريق
كل خطوة ترفعه عزم وتزیده کفاح

من يقابل وجه الايام بـ الوجه الطليق
الخساره عنده اقرب وسيله لـ النجاح .

لك أحتاج وأنت الي ما يحتاج منّي فرض
‏بك أظنّ وأنت أسمى من الي على ظنّي

‏أنا اسألك من لطفك لو أكون طول وعرض
‏حبيس الذنوب ونسمة الصبح تفتنّي

‏أبي لحظةٍ قبل آتلحّف تراب الأرض
‏ما تاخذني إلا وأنت راضي بها عنّي .

يارب امّن خوفي

مهو بشرط انك تقول أنا حزين
بـ يحنك الله قبل ماتطلب حنان .

‏أنا السعيد اللي يجيّد الدور
‏وتصنّعي للفرح يحزنّي .

على جرة الذكرى تهب الهبوب شحاح
‏بقت خطوة يتوه الغريب بـ مواجعها

‏لو أني بـ أرجع لذة الماضي اللي راح
‏بقايا الأمور الباقية من يرجعها

‏تمادى السكوت اللي دفنته ورا الأفراح
‏هذي ضحكتي لي أعوام وأنا أتصنعها

‏دفعت الثمن في لحظةٍ عشتها مرتاح
‏أبضيع فيها وضاع كل العمر معها .

ابي دربٍ يوديني بعيد عن مدى الآهات
وابي حاجة تنسيني سبايب قوّة الضربه .

الليالي تطلق عنان الحزن وتعنّه
‏والصدوف تحدّ بـ أسباب الفرح شلفاها

‏ما حداني لـ القصيد ولـ السهر والونّه
‏غير حزنٍ ما خذا روحي ولا خلّاها .

أحس روحي لحقها قلّ جهد وفتور
‏من كثر ما أحترت في أحلامي وحيرتها

‏أحيان أقول ليت الله خلقنا طيور
‏حتى أقدر أتلاحق الفرصة لا طيرتها

‏أو ياليت ربّي مكملني بقلبٍ صبور
كان نفسي من الأوهام حررتها .

وش اقول حزنٍ صيرته الظروف وصار
قدر وإنكتب لاعاد تنشد سنيني عنه

شعوري وأنا بـ أحلامي أصارع الأقدار
شعور الشجاع اللي معادينه أشجع منه .

يمسح دموعه لجل يبقى قوّي
منتهي حيله ولكن ما أنحنى .

‏عسى كل السنين القديمه والليال السود
‏فدا بنتٍ مشاعرها جليد وصوتها دافي .