محتاج لهم جداً وماني على بعضي
‏الفجر هذا حزين أكثر من البارح .

كم لي وأنا أجاهد الدنيا وأهلها وحيد
‏مافيه حملة تقص الظهر ما شلتها .

‏ادري ان الابتسامة على الوجه الحزين
‏شكلها ماهو حقيقي ولا هو مستعار

‏وادري ان اللي يجرّب جروح الراحلين
‏يعتبر صوت الخطاوي على الدرب اعتذار .

انا من ذاك النهار اللي بدون موادع
‏عادني في وجعةٍ منه الى ذا الساعه .

ياهادي النجدين يانّعم الوكيل
‏ياسامع الداعي وياقابل منّه

‏النفس شتله والهوى حطّاب ليل
‏والقلب مهرٍ بين اصابعك أرسنّه

‏اجعلني اللي يوم تهديه السبيل
‏تفرح به وتغفر له وترضى عنه .

‏وقلبي باتَ يُرهقني
‏يذكِّرني بمَنْ رحَلُوا .

‏يالله اغفر ماسبق من كلّ ذنب وما توخّر
‏ماطلب عبدك رضاك ومغفرتك إلّا مخافه .

عسى ضحكتي في وجه الأيام تبقى دوم
كثر ما ظروفي تعترض لي واعاندها .

ان حكيت من القهر شرهت عليّ اخلاقي
‏وان سكتّ تعز علي نفسي وهي مقهوره

‏الله اكبر ياكبير الحزن جوف اعماقي
‏والله اقوى من عنا الخذلان ومن شعوره

‏والله ارحم يالحنين اللي يزيد ارهاقي
‏والله آحن بـ قلوب اعباده المكسوره .

‏يمر الوقت وأشواقي تسابق تكّة الساعة
‏تعثّر في عقاربها من اللهفة شياطيني .

ياويل من جرّب العبره وهو صايم
‏لا حشرجت وارتكز في الحلق عقربها

‏اليوم مانمت منها قاعد وقايم
‏لا قادر اشرب وراها ماء ولا اشربها .

‏يا رب شخصًا يناجيك لأجلي إذا أخذني الموت يومًا ونسيت كأنني لم أكن، اللهّم شخص لا ينساني يقف كل ليله بين يديك يرجو رحمةٍ لي ونورًا لقبري، فتسمعه وتجيبه .

قلبي على باب عفوك يا كريم ارتما
‏وانا خطاياي لامنّي تذكرتها

‏حزني تناما وخوفي من وعيدك نما
‏وكل الملذّات في عيني تحاقرتها

‏طاوعت يارب نفسي لين همّي زما
‏وكم فرصةٍ جاتني لرضاك واهدرتها

‏يارب لو تبلغ ذنوبي عنان السما
‏لا من تفكّرت في عفوك تصاغرتها .

عسى ذنب الجهل والعمّد والغفله يجي مغفور
‏ليا عرّضت صحايفنا على الاشهاد منشوره .

يارب افهق هلاكّي والمنايا والدروبّ بعيد
مادام المودماني للترابّ تقوده دروبه

ياغيّاث الضوامي والثمام وجرهدي البيد
اعذني من جهّنم والحشر والموت وكروبّه

انا مانيب لامشرك ولا فاسّق ولاعربيد
انا اللي لاعصّى واخطأ تجهم واقلقه ثوبه

وانا اللي يترجّف مثل ارتجاف الخايف الرعّديد
ليا شاف القبّور الضايقات وحسّ بذنوبه

انا عبدك ولد عبدك وجداني هل التوحّيد
خطاياي اخجلتني يالله الغفران والتوبه

انا الانسّان حمّال النقايض والكمد والكيد
غريق الطّين واللذات من راسّه لعرقوبه

انا عبدك ياربي وانت تفعل ماتشاء وتريد
سألتك يالله العفو العظيم وهيّن دروبه .

‏بعد موت روحك كن مالله خلق لي حس
‏يدين الحياة بجذوة النار تنهشني

‏أنا ماوحشني في حياتي وجودك بس
‏وجود الحياة بكبرها معك يوحشني .

لاتهمك أحوالي أنا شخص مرتاح
مرتاح رغم الإبتسامة حزينه

الدمعه اللي في عيوني من أفراح
والرعشه اللي في يديني سكينه .

دوّروا لي مرقبٍ مايجيه الا النسيم
‏مايذبّه كون انا والطيور الحايمه

‏فيه تصفيقة حسايف وتنهيدة يتيم
‏وفيه عينٍ تشرب الماء وكبدٍ صايمه

‏داخلٍ دوامةٍ لادخل فيها السليم
‏عوّد يجر الهزيمه وحمله ضايمه

‏والشّفيا والرجاوي على شيٍ قديم
‏حرقةٍ من بين حدب المحاني دايمه .

كل يوم يحاك ثوب ويرتدى
وكل يوم يكفّن ويقبر فقيد

وكل مافي الكون زايل ماعدا
وجه ربك مالك الملك المجيد

يامحاكي الصم صرخاتك سدى
لا تأذن وسط أوثان الحديد .

يارب رحمتك لا هلو علي التراب
واصبحت مالي عن الوحشه مفر ومطير

واقفوا ولدموعهم فوق الخدود انسكاب
واسمع قريع احذيتهم فالوداع الاخير

ودخلت في عالم البرزخ وطال الغياب
وفارقت كل القرايب والاهل والعشير

وجوني ملائكتك العمل والعذاب
استسلمت نفسي لـ منكر وجاني نكير

في موقفٍ للسؤال يزيد ثقل الجواب
الا برحمتك اللي فالخفايا خبير

يارب حملت نفسي بالشقا والعتاب
ومديت حبل الخطا لـ أبليس واصبحت اسير

وطاوعتها في متاهات الوهد والسراب
لين اشبكتها الخطايا شبك والنفس طير

ازل واقول انا توي بسن الشباب
واليا نصحني محب اقول توي صغير

ماكنت احسب لـ وقتي والليالي احساب
ولا كنت افكر وش اللي في زماني يصير

الا بعد ما نصفت العمر والراس شاب
وفقدت من ربعي الادنين جمعٍ غفير

عرفت ان الحياة مصارعه واكتئاب
واني مودع ولالي غير ربي نصير

ومن لا تزهب من التقوى لـ نفسه زهاب
لا مات وش حجته يوم النهار الكبير

فالموقف الي مافيه امجادله وانسحاب
منهوله لهاك النهار يشيب راس الغرير

لكن اليا اذنب نبي آدم واعترف ثم تاب
الله يغفر الذنوب وينصر المستجير .