﴿ يا عِبادِ لا خَوفٌ عَلَيكُمُ اليَومَ ﴾.

عسى الله عليّ يديم فضله ولا أحتاج
‏من افضال غيره شي لو مني وفيني

‏ويبني مابيني وبين عسر الظروف سياج
‏ولا اطيح من طولي ولا اطيح من عيني .

كل ما دخلت الذاكرة أطلع جريح
تقول كني طالعٍ من معركة .

هذي الهداوه ما تجي من راحه
‏والدمع منّا والعباير منّا

‏ياما تأقلم مع كثير جراحه
‏ان ضاق غنّا وان تبسم غنّا

‏من كثر ماصارت يده لوّاحه
‏ماعاد لا يحلم ولا يتمنى .

يارب مايخفت وهج اسمي ولا نجمي يغيب
‏ولا يهال تراب الأرض إلّا على وجهٍ تحب .

ما يكسر عزوم الشجاع الا قبور الميتين
‏عشنا على هالحال والميت مصيرك تلحقه .

لولاي اتصبر في كنف رب السماء مولاي
‏وأقول الشعر كان الله عليم بعمري الغابي .

يا دروبي لوّ تتعّبني المسافه
‏ما اشتكي من قسوة الخطوه لـ ظلي

‏ما بقى لي شي بـ الدنيا اخافه
‏كل شي اخشاه من صغري حصل لي

‏وصوتي المبحوح حزنٍ وإرتجافه
‏يستقيم بنبرته لاجيت اصلّي .

كبرت وصارت الضحكه تجي بمكابدات و ويل
‏سقى الله ضحكةٍ ماتستحي من دمعة عيوني .

واجهي ضيق المعابر يا ابتسامة وجهي
‏بالوقار وبالعفاف اللي تعبتي لأجله

‏ويا دموعي لا نويتي بالمطيح اتجهي
‏لواحدٍ يعلم بما تخفي القلوب الوجلة .

يارب عبدك ليا هزّ التعب روحه
‏غمّس دعاويه بدموعه و وجّه لك .

﴿ وَإِنِّي لَغَفَّارٌ لِمَنْ تَابَ وَآمَنَ وَعَمِلَ صَالِحًا ثُمَّ اهْتَدَى ﴾.

‏تمرد الليل واحتاج الضمير النزيه
‏لـ اللحظة اللي تخفف همه المنتشر

‏كم له وهو يحتريها مير عيّت تجيه
‏الحظ تعبان وظروف الليالي قشر

‏الفرحه تمّره بـ سرعه ولا تحتريه
‏والحزن واقف على بابه يدق فلشر

‏من كثر ما يجرحه ليله ويثر عليه
‏ودي لو ان الليالي ماتعدا عشر

‏قلبي من اللوعه اللي فيه ماله شبيه
‏مطوعٍ دشّروه الضايعين ودشر

‏ينصح بـ زيف الحياة اللي تغر السفيه
‏من عقب ماكان ينصحهم بـ يوم الحشر .

‏ما زلت أفصّل من جلود المصايب حلول
‏وأن وقفّت حيلتي حليتها بـ الصلاه

‏ومنين ماقفّلت في وجهي أفرح وأقول
‏الله ليا حب عبده فـ الحياة آبتلاه .

بكره تزين وينتهي حزن الأيام
‏وإلا تموت وتنتهي كل حاجه .

خذاني الزمن بيدينه اللي مهيب لطّاف
وحذف بي مع أول نشوة العمر في الغربه

ياليته يفرّق بين الأجحاف والأنصاف
عشان اتغانم باقي الجايّ بالطربه

إلى شفتني يامحمد أدور المشراف
لاتبحث خفى صدري وانا مقدر أجهربه

مابين الدموع اللي ماتذكر ولاتنشاف
مايدري بها الا فارج الهم والكربّه

ولواعج جروحٍ تقسم الكبد عشر أنصاف
وشعور بعض الأحيان ماودي أشعر به .

أنا فقدت أشياء واجد بالحياة
‏ماعاد يعنيني وش اللي بـ أخسره

‏يا رب عوّدني على حب الصلاة
‏من بعدها ما أخاف سور المقبره .

إني اواسي البشر هالشي منهاج لي
‏لكن انا من يواسيني وأجلس معه

أصعب من انّي اواسي شخص محتاجلي
‏إنّي اقول الكلام اللي إحتجت اسمعه .

مدام غبت بساعة ام المعارك
مالي ليا زال الخطر حاجةٍ فيك .

وكأن حرارة الأرض في جسدك .

أعيش كل ليله بعمري كنّي
‏بخلي الدنيا وتخليني .