مجرد أنسان خاف من الصخب وأنعزل
أختار يحضر على قد الشعر والشعور

أصعب من أنّه يكون بهالزمان السهل
وأسهل من أنّه يكون الممتلي بالغرور

مورق كثر مايحس أن الأماكن محل
ممحل كثر وحشة المنفى وضيق القبور

عميق حدّ أنّه أحياناً يحس بجهل
بسيط حدّ أنه يشوف المدى للعبور

أحس به طفل لامرّ الفرح وأحتفل
وأحس به كهل لاكبرت عليه الأمور

أحيان أحسّه يحبّ من الحديث الغزل
وأحيان ماهو على درب المحبة جسور .

على أكتافه خذاني لأكبر احلامي ويوم إجزاه
خذيته للمكان الممتلي وحشة على أكتافي .

ودّي أترك كل حاجة وأهجر دروب المدينة
وأنهج دروب الرحيل الموحشة وألقى سلامي .

مازلت أحبه لو الناس تضحك عليه
أنا اعرفه قبل يثّر عليه المرض

كان أطيب الناس قلب وكان قرّم و وجيّه
تجيه عندك غرض وتروح مالك غرض

يحزنّي انه معاد يداني اللي يجيه
متقوقعًا بعزلته في عالمًا مفترض

هو أخر انسان فالدنيّا الدنيه نزيّه
أخاف عقبه نقول أن النزيّه انقرض .

ولا تغربني عن روحي، ولا تجعلني أنظر
‏إلى نفسي ولا أعرفها
-آمين .

‏أبحث عن مكان أستطيع أن أتنهد فيه بحرية .

هان الممات عليّ بعد فراقكم
‏والصعب يسهل عند حمل الأصعّب .

الوكاد إني سريت العمر وأعلنت إرتحالي
وأسترحت بغربتي عن كل دربٍ كنت أهيمه .

التبلّد صار عندي له مكان وله ضيافه
‏لو طلبني فرحتي بقول له تامر عليها .

أعوذ بالله من يومٍ اغادر به الحياة
وعلى عاتقي ذنوب لمّ تغفر .

الله يجمّل بقاي ويغفر غيابي
‏أن صار لي فالقلوب الطيّبة مثوى

‏تعمّد الوقت يطوي سيرة أحبابي
أكّد لي أنّ فيه يوم لـ سيرتي تطوى .

أنا اللي من دهاءه يستحي نبله
وأنا الساعة وأنا دقة ثوانيها

وأنا اللي ملتوي عنقه على حبله
تموت المشنقة مامات راعيها

كبرت أكثر من اللي كنت أحسب له
وأخذت من الحياة اللي ماهو فيها

وأحب اللي طرى لي جعلني قبله
خفيف النفس أخذ روحي بأمانيها

لو إن كبدي من الأيام مندبله
يضحّك لي الليالي قبل لا أشكيها .

وين أصد من الحزن واروح مدري
‏ضاقت فجوج الثرا من كل يّمه

‏لـ اقبل الليل العتيم وضاق صدري
‏من يواسي خاطري ويشيل همّه .

البعض مافيهم حيا فيهم فضول
وأنا ما عندي كبر عندي كبرياء

أقول لظروف الحياة اللي تحول
بيني وبين ملامس عنان السماء

اللي علي الاجتهاد أما القبول
سبحان من يعطي القبول لمن يشاء

لقيت في صمتي مفاتيح القفول
يوم أبتسم فالجهر وأحزن فالخفاء

مع إحترامي للمشاعر عرضٍ وطول
لا يوجد أجمل من شعور الاكتفاء .

يبتسم وجهي للأيام بسمات الصبور
‏بالصباح اليا تنفس وليله لا سجا

‏الحياة الفانية كلها نقطة عبور
‏ليه اعلق حبل الآمال في حبل الرجا

‏لا طغوا عبّادة الوقت والدنيا تدور
‏ما حسبت حساب منهو غرق ولا نجا

‏اترك العالم تنافس على حب الظهور
‏واظهر بوجهٍ يبيّن لو انه في دجا .

مدري وش اسم الشعور اللي يبكيني
بس ادري انه يجي من فتره لفتره

ما أشعر ان الدموع اجراء روتيني
الا ليا عشت بالدنيا على الفطره

على كثر حاجتي للدمع ياعيني
ماشفت من يستحق ابكي على صدره .

يختلف طعم الزمان ولا اختلف حلوي ومري
‏وخاطري ماغير اخلاقي بضيقه واتساعه
‏
‏وسّم بوجه السنين الماضيه كري وفري
‏كل ما مالت بي الايام وقّفت بشجاعه .

دمعةٍ صافحت كفي حزن بـ الخفا
‏خبر كفي بها من قبل خمسة سنين

‏بري حالي وانا لحالي واضد حلفا
‏من جموع الطيوف ومن جموع الحنين

ليت رمشي على الذكرى الجميله غفا
‏اهون الموت قبل مشاهد الزين شين .

أحتاج غيم وخلوة شعور و وجيه
‏مع قلب تبهرني براءة وضوحه

‏مليت اتوّه قلبي العذب واتيه
‏وأكسر بخوفي وانكساري طموحه

‏كل ما احس الوقت جرحي يباريه
‏رش الوله بالدمع فوقه ملوحه

‏أنا بقايا خاطرٍ مات باقيه
‏من كثر ماجامل على حساب روحه
‏
‏كريم قلبي كن حاتم بناخيه
‏شريان نبضه لجل ضيفه يفوحه
‏
‏دايم ترى اللي ثقل حزنه يبكيه
‏تضحّك السالين خفة مزوحه

‏ضحكي مابين الناس واجد مواريه
‏وفوق المخده يرسم الدمع لوحه

‏لو ماتت الهقوة بموت المشاريه
‏ما ظنتي يشكي بنادم جروحه

‏ولو ما تبين ضعف صدري حكاويه
‏لابوح كل اللي تمنيت ابوحه .

الا ياوجد من ودع اخيّه وداعٍ دون رجوع
تحده قدرة اللي فالسما يكشف عن اعماقه .

أتوب لك واخطي على هالحال وارجع في خطاي
‏خايف ونفسي ما لها الّا أنت وانت ادرى بها

‏مانيب ساخط وانت ربّي لا سبق خوفي رجاي
‏لولا يقيني ما غفت لي عين تحت اهدابها

‏وسّع عليّ واجعل مدى رحمتك منجاي وغطاي
‏ما أضمن أعمالي ولا لي وجه يوم ارقى بها .