Joriy yil 1 - may kuni Qarshi mintaqaviy temir yo’l uzeli filiali rahbari M.X.Mirzayev hamda tegishli xodimlar tomonidan harakat xavfsizligini taʼminlash hamda berilgan topshiriqlar ijrosini ko'zdan kechirish maqsadida Qashqadaryo stansiyasiga nazorat tekshiruvii uyushtirildi.
Tekshiruv davomida stansiya hududi, bino va inshoot, o'quv xonalari, dam olish hamda yuvinish xonalari, ishchi-xodimlarga yaratilgan shart-sharoitlar ko'zdan kechirib chiqildi.
Shu bilan birga, Qashqadaryo stansiyasida harakat xavfsizligini ta’minlash maqsadida olib borilayotgan ishlar tekshirildi va stansiya ma'muriy binosi hamda stansiya hududida olib borilayotgan obodonlashtirish ishlari ko'zdan kechirilib, Uzel rahbari tomonidan kerakli ko’rsatmalar berib o’tildi.

🌐WebSite 📱Telegram 📱Instagram 📱Facebook 📱YouTube✉️ Rahbarga_murojaat

PROFILAKTIK TARG‘IBOT TADBIRI: JINOYATCHILIK VA TERRORIZMGA QARSHI JAMOATCHILIK BILAN BIRGALIKDA KURASH

“TEMIRYO‘LINFRATUZILMA” AJ “Qarshi mintaqaviy temir yo‘l uzeli” filiali Temiryo‘lchi yoshlar markazida yirik profilaktik targ‘ibot tadbiri bo‘lib o‘tdi. Unda MTU tasarrufidagi barcha korxona, tashkilot va stansiyalar ishchi-xodimlari faol ishtirok etdi.

Tadbirda Qarshi MTU filiali boshlig‘i M.X. Mirzayev, Kasaba uyushmalari hududiy qo‘mitasi raisi I.G‘. Arslonov, Qashqadaryo viloyati Davlat xavfsizlik xizmati vakillari, Qarshi transport prokuraturasi, Transportda xavfsizlikni ta’minlash boshqarmasi xodimlari, Din ishlari bo‘yicha qo‘mita mutasaddilari, MTUga qarashli tashkilot rahbarlari, kasaba uyushma qo‘mitasi raislari, xotin-qizlar qo‘mitasi raislari, ma’naviyat targ‘ibotchilari va yoshlar yetakchilari ishtirok etdilar.

Kun tartibidan o‘rin olgan “Jamoatchilik bilan birgalikda jinoyatchilikni oldini olish” hamda “Terrorizmga qarshi jamoatchilik bilan birga kurashish” mavzulari yuzasidan ishtirokchilar o‘z fikr-mulohazalarini bildirdilar.

Kasaba uyushmalari hududiy qo‘mitasi raisi I.G‘. Arslonov o‘z nutqida global miqyosda sodir bo‘layotgan voqealar, diniy ekstremizm, radikal oqimlarga ko‘r-ko‘rona ergashish holatlari va mamlakatimizda diniy bag‘rikenglikning muhim ahamiyati haqida so‘z yuritdi.

Tadbir davomida mavzuga oid maxsus videoroliklar namoyish etilib, ishtirokchilarda chuqur taassurot qoldirdi.

Bunday profilaktik tadbirlar jinoyatchilikning oldini olish, yoshlar ongini uyg‘otish va jamiyatda barqarorlikni mustahkamlashga xizmat qiladi.

🌐WebSite 📱Telegram 📱Instagram 📱Facebook 📱YouTube✉️ Rahbarga_murojaat