📌 MALAKAVIY AMALIYOT JARAYONLARI BOSHLANDI

🇺🇿 Ma’lumki, O‘zbekiston davlat jahon tillari universitetida filologiya yo‘nalishida tahsil olayotgan 3-kurs talabalari uchun 2026-yil 2-fevraldan 28-fevralga qadar malakaviy amaliyot davri boshlandi.

✅ Shu munosabat bilan joriy yilning 2-fevral kuni Roman-german filologiyasi fakulteti Fransuz tili nazariy fanlar kafedrasi o‘qituvchilari N. Usmonova va J. Karimov Toshkent shahar Chilonzor tumanida joylashgan 162-umumta’lim maktabiga tashrif buyurishdi.

✅ Mazkur maktabda kafedraning 3-kurs kunduzgi va kechki guruh talabalari amaliyot o‘tamoqda. Tashrifdan ko‘zlangan asosiy maqsad — talabalar davomatini nazorat qilish, amaliyot davomida yuritiladigan hujjatlar hamda ularning mazmuni bilan yaqindan tanishtirishdan iborat bo‘ldi.

✅ Talabalar amaliyot obyektiga o‘z vaqtida yetib kelib, maktabdagi amaliyot o‘qituvchilari tomonidan qabul qilindi hamda dars mashg‘ulotlarini kuzatish jarayonlari boshlandi.

Shuningdek, universitet amaliyot rahbarlari tomonidan talabalarni qiziqtirgan barcha savollarga atroflicha va batafsil javoblar berildi.

✨ Malakaviy amaliyot jarayonlari talabalarning kasbiy kompetensiyalarini shakllantirishda muhim bosqich bo‘lib xizmat qiladi.

✏️ NAVOIY — BUYUK OʻZBEK ADIBI

🇺🇿 Oʻzbekiston davlat jahon tillari universiteti Roman-german filologiyasi fakulteti tyutori P. Jabborova hamda adabiyot fani ustozi A. Madiyeva hamkorligida buyuk mutafakkir va shoir Alisher Navoiy tavalludi munosabati bilan “Navoiy — buyuk oʻzbek adibi” mavzusida insholar tanlovi tashkil etildi.

✔️ Mazkur tanlov talaba-yoshlar oʻrtasida Alisher Navoiy ijodiga boʻlgan qiziqishni oshirish, ularning adabiy bilimlarini mustahkamlash hamda milliy adabiyotimizga boʻlgan hurmat va e’tiborni kuchaytirish maqsadida oʻtkazildi.

✅ Biz bilan birga bo’ling!

📱 Telegram 📱 Instagram 📱 You Tube

🟦🟦🟦🟦🟦🟦🟦

🇺🇿 Oʻzbekiston davlat jahon tillari universiteti 🇺🇿Roman-german filologiyasi fakultetida “Aqlan mas’uliyatli qaror va talabalik baxti” mavzusida davra suhbati tashkil etildi. Mazkur davra suhbati universitet psixologi Sh. Boʻstonova hamda fakultet tyutorlari Z. Nazarova va P. Jabborova hamkorligida oʻtkazildi.

🧠 Tadbir davomida talabalarga shaxsiy va akademik hayotda toʻgʻri qaror qabul qilishning ahamiyati, mas’uliyatli yondashuvning kelajakdagi muvaffaqiyatga ta’siri haqida batafsil ma’lumotlar berildi. Shuningdek, talabalik davrini mazmunli o‘tkazish, stressni boshqarish, psixologik barqarorlikni saqlash hamda sogʻlom munosabatlarni shakllantirish masalalari muhokama qilindi.

Davra suhbati savol-javob tarzida olib borilib, talabalar oʻzlarini qiziqtirgan savollar bilan faol ishtirok etdilar. Tadbir yakunida ishtirokchilarga foydali psixologik tavsiyalar berilib, bunday uchrashuvlar talaba-yoshlar uchun muhim ekani ta’kidlandi.

✅ Biz bilan birga bo’ling!

📱 Telegram 📱 Instagram 📱 You Tube