🟦🟦🟦🟦🟦🟦🟦

🇺🇿🇺🇿 29-aprel kuni Fransuz tili amaliy fanlar kafedrasi katta o‘qituvchisi D. Otamurodova tomonidan “Notiqlik mahorati” fanidan ochiq dars tashkil etildi.

💠 Dars jarayoni yuqori saviyada, interaktiv usullar asosida olib borilib, talabalarning nutq madaniyati, fikrni aniq va ta’sirchan ifoda etish ko‘nikmalarini rivojlantirishga qaratildi. Mashg‘ulot davomida amaliy topshiriqlar, jonli muloqot va bahs-munozaralar orqali ishtirokchilarning faolligi ta’minlandi.

💠 Ushbu ochiq darsda Fransuz tili amaliy fanlar hamda Fransuz tili nazariy fanlar kafedralari professor-o‘qituvchilari ishtirok etib, darsni katta qiziqish bilan kuzatdilar va o‘z fikr-mulohazalarini bildirdilar. Mutaxassislar tomonidan dars mazmuni, qo‘llanilgan metodlar va pedagogik yondashuv yuqori baholandi.

💠 Bunday ochiq darslar professor-o‘qituvchilar o‘rtasida tajriba almashish, ta’lim sifatini yanada oshirish hamda zamonaviy pedagogik texnologiyalarni amaliyotga tatbiq etishda muhim ahamiyat kasb etadi.

🟦🟦🟦🟦🟦🟦🟦

🇺🇿🇺🇿 30-aprel kuni 6-sonli Talabalar turar joyida talabalar uchun yana bir mazmunli va qiziqarli tadbir tashkil etildi. Unda Fransuz tili amaliy fanlar kafedrasi o‘qituvchilari hamda talabalar Fransiyalik o‘qituvchi Rashid Bakush ishtirokida Tunis milliy taomi — kus-kus tayyorlash jarayonida qatnashdilar.

💠 Tadbir davomida ishtirokchilar nafaqat taom tayyorlash sir-asrorlari bilan tanishdilar, balki Tunis madaniyati, milliy an’analari va gastronomik o‘ziga xosliklari haqida ham qiziqarli ma’lumotlarga ega bo‘ldilar. Rashid Bakush tomonidan kus-kus tayyorlash bosqichlari amaliy tarzda ko‘rsatib berildi va ishtirokchilar jarayonda faol ishtirok etdilar.

💠 Mazkur uchrashuv talabalar uchun madaniy almashinuv, xorijiy tillarni amalda qo‘llash hamda xalqaro do‘stona muhitni shakllantirishga xizmat qildi. Tadbir yakunida tayyorlangan milliy taom barcha ishtirokchilar tomonidan baholandi va iliq taassurotlar qoldirdi.

💠 Bunday tadbirlar talabalarning dunyoqarashini kengaytirish, ularni turli xalqlar madaniyatiga hurmat ruhida tarbiyalashda muhim ahamiyat kasb etadi.