🟦🟦🟦🟦🟦🟦🟦🗓 2026-yil 30-yanvar kuni
🇺🇿 O‘zbekiston davlat jahon tillari universiteti
🇺🇿 Roman-german filologiyasi fakultetida yoshlar bilan ishlash bo‘yicha dekan muovini
A.Mallayev, fakultet xotin-qizlar masalalari bo‘yicha dekan maslahatchisi
N. Sabirova hamda fakultet tyutori
M. Abdurahmonova hamkorligida 5-sonli Talabalar turar joyida istiqomat qilayotgan talabalar bilan navbatdagi uchrashuv tashkil etildi.
✅ Mazkur uchrashuvning asosiy maqsadi talabalarning yashash sharoitlari bilan yaqindan tanishish, ularning o‘quv jarayonidagi faolligini oshirish, bo‘sh vaqtlarini mazmunli va samarali tashkil etishga ko‘maklashishdan iborat bo‘ldi. Uchrashuv davomida talabalar turar joyidagi ijtimoiy-maishiy muhit, tartib-intizom, tozalik va xavfsizlik masalalari ham atroflicha muhokama qilindi.
❗️ Shuningdek, talabalar bilan olib borilgan suhbatda odob-axloq qoidalariga rioya etish, o‘zaro hurmat va mas’uliyatni kuchaytirish, jamoada sog‘lom ma’naviy muhitni shakllantirish masalalariga alohida e’tibor qaratildi. Ijtimoiy tarmoqlardan to‘g‘ri foydalanish, bo‘sh vaqtni sport, kitobxonlik va turli ma’naviy-ma’rifiy tadbirlar orqali mazmunli o‘tkazish yuzasidan tavsiyalar berildi.
🫶 Uchrashuv ochiq muloqot tarzida o‘tkazilib, talabalar o‘zlarini qiziqtirgan savollar bilan murojaat qildilar hamda mutasaddilardan batafsil va asosli javoblar oldilar. Bunday uchrashuvlar talabalarning ijtimoiy faolligini oshirish, ularning shaxsiy mas’uliyatini mustahkamlash hamda ma’naviy kamolotini yuksaltirishda muhim ahamiyat kasb etadi.
✅ Biz bilan birga bo’ling!
📱 Telegram 📱 Instagram 📱 You Tube