🇪🇸🇺🇿Erasmus+ dasturi doirasida xalqaro akademik hamkorlik davom etmoqda

📅 2026-yil 4–8-may kunlari O‘zbekiston davlat jahon tillari universiteti Ispan tili nazariy fanlar kafedrasi mudiri Iroda Turamuratova Erasmus+ KA171 Staff Mobility dasturi doirasida Ispaniyaning Alikante universitetida xizmat safarida bo‘lib turibdi.

✅Tashrif davomida Filologiya fakultetida tashkil etilgan o‘quv mashg‘ulotlari, ilmiy seminarlar hamda akademik uchrashuvlarda faol ishtirok etildi. Shuningdek, mezbon universitet professor-o‘qituvchilarining dars jarayonlari kuzatilib, zamonaviy pedagogik texnologiyalar, interfaol ta’lim metodlari va ilg‘or xorijiy tajribalar bilan yaqindan tanishildi.

✅Iroda Turamuratova tomonidan universitet talabalari uchun madaniyatlararo muloqot yo‘nalishida amaliy dars mashg‘ulotlari o‘tkazildi. Mashg‘ulotlarda turli madaniyat vakillari bilan samarali kommunikatsiyani yo‘lga qo‘yish, milliy va madaniy qadriyatlarni anglash, tolerantlik hamda madaniyatlararo kompetensiyalarni rivojlantirish masalalariga alohida e’tibor qaratildi.

🤝Mazkur akademik almashinuv dasturi doirasida ikki oliy ta’lim muassasasi o‘rtasidagi istiqbolli hamkorlik yo‘nalishlari muhokama qilinib, ta’lim va ilmiy-tadqiqot sohalarida o‘zaro tajriba almashish, qo‘shma loyihalarni rivojlantirish hamda ta’lim jarayoniga innovatsion yondashuvlarni joriy etish yuzasidan fikr almashildi.

✅ Biz bilan birga bo’ling!

📱 Telegram 📱 Instagram 📱 You Tube

🟦🟦🟦🟦🟦🟦🟦

🕊 9-may — Xotira va Qadrlash kuni munosabati bilan Roman-german filologiyasi fakulteti Fransuz tili amaliy fanlar kafedrasi dotsenti Z. Davronova tashabbusi bilan 2026-yil 8-may kuni Jizzax shahri Sharof Rashidov tumanida joylashgan Zulfiyaxonim va Hamid Olimjon nomidagi 3-son ijod maktabining 6-“B” sinf o‘quvchilari bilan Sharof Rashidov tumanidagi “Motamsaro ona” haykali hamda “G‘alaba bog‘i”ga tashrif buyurishdi.

✅Tashrif davomida o‘quvchilar ushbu sana munosabati bilan Vatanga muhabbat, tinchlikning qadr-qimmati, ajdodlar xotirasiga hurmat va ehtiromni ulug‘lovchi she’rlar aytib, o‘z chiqishlari bilan barchada katta taassurot qoldirishdi. Shuningdek, urush va mehnat faxriylari xotirasini yod etish, ularning jasorati va fidoyiligini yosh avlod qalbiga singdirish maqsadida ma’naviy-ma’rifiy suhbatlar tashkil etildi.

✅ Tadbir davomida talaba-yoshlar hamda ijod maktabi o‘quvchilari “Motamsaro ona” haykali poyiga gullar qo‘yib, yurtimiz tinchligi va xalqimiz farovonligi yo‘lida jon fido qilgan insonlar xotirasiga hurmat bajo keltirishdi. “G‘alaba bog‘i”dagi tarixiy obidalar va esdalik maskanlari bilan tanishish esa o‘quvchilarning tarixga bo‘lgan qiziqishini yanada oshirdi.

✅ Mazkur tashrif yoshlarni vatanparvarlik ruhida tarbiyalash, milliy qadriyatlarimizni ulug‘lash hamda ajdodlar xotirasiga bo‘lgan hurmat tuyg‘ularini mustahkamlashga xizmat qildi.