Fransuz tili amaliy fanlar kafedrasida ma’naviy tadbir tashkil etildi

Fransuz tili amaliy fanlar kafedrasining 2025–2026-o‘quv yiliga mo‘ljallangan yoshlar bilan ishlash, ma’naviy-ma’rifiy va tarbiyaviy yo‘nalishdagi ishlar rejasi ijrosini ta’minlash maqsadida joriy yilning 4-may kuni talabalar ishtirokida ma’naviy tadbir tashkil etildi.

Tadbir doirasida katta o‘qituvchi F. Badalov boshchiligida FFRA-2403 guruh talabalari poytaxtimizdagi “G‘alaba bog‘i” yodgorlik majmuasiga tashrif buyurdilar. Tashrifning asosiy maqsadi yoshlar qalbida vatanparvarlik tuyg‘usini mustahkamlash, ajdodlar jasoratini yod etish hamda tinchlikning qadriga yetish tuyg‘usini shakllantirishdan iborat bo‘ldi.

Tashrif davomida talabalar “Shon-sharaf” muzeyida bo‘lib, muzey eksponatlari bilan yaqindan tanishdilar. Ular Ikkinchi jahon urushi yillarida O‘zbekiston xalqining front ortida ko‘rsatgan qahramonligi, fidoyiligi va insonparvarligi haqida keng ma’lumotga ega bo‘ldilar.

Shuningdek, talabalar “Matonat madhiyasi” yodgorligini ham ziyorat qildilar. Urush yillaridagi o‘zbek ayolining sabr-bardoshi, matonati va sadoqatini aks ettiruvchi ushbu yodgorlik talabalarda chuqur taassurot qoldirdi.

Tashrif davomida F. Badalov talabalarga urush yillarida yurtimizga evakuatsiya qilingan turli millat vakillariga o‘zbek xalqining ko‘rsatgan mehr-oqibati, shuningdek, fransuz qarshilik harakati hamda jahon miqyosidagi g‘alabaga xalqimizning qo‘shgan hissasi haqida qisqacha ma’ruza qildi.

Mazkur amaliy tashrif talabalar uchun nafaqat tarixiy bilim manbai, balki yuksak ma’naviy saboq bo‘lib xizmat qildi. Tadbir yakunida talabalar bugungi tinch va osuda hayotning qadriga yetish, yurt taraqqiyoti uchun bilimli va mas’uliyatli mutaxassis bo‘lib yetishish zarurligini yanada chuqur his etdilar.

✅ Biz bilan birga bo’ling!

📱 Telegram 📱 Instagram 📱 You Tube

🇪🇸🇺🇿 Erasmus+ dasturi doirasida xalqaro akademik hamkorlik yangi bosqichga chiqmoqda

📅 2026-yil, 4–8-may kunlari O‘zbekiston davlat jahon tillari universiteti Ispan tili nazariy fanlar kafedrasi mudiri Iroda Turamuratova Erasmus+ KA171 Staff Mobility dasturi doirasida Ispaniyaning Alikante universitetida xizmat safarida bo’lmoqda.

📍 Tashrifning dastlabki kunlarida (4–5-may) ikki oliy ta’lim muassasasi o‘rtasidagi hamkorlikni yanada rivojlantirish, akademik aloqalarni mustahkamlash va istiqbolli qo‘shma loyihalarni amalga oshirish masalalari atroflicha muhokama qilindi. Jumladan:

✅ qo‘shma ta’lim dasturlarini joriy etish;
✅ talabalar va professor-o‘qituvchilar almashinuvini kengaytirish;
✅ ilmiy-tadqiqot yo‘nalishlarida hamkorlikni chuqurlashtirish;
✅ Erasmus+ va boshqa xalqaro grant loyihalarida faol ishtirokni davom ettirish;
✅ pedagoglar uchun malaka oshirish dasturlarini tashkil etish.

🤝 Ushbu tashrif ikki universitet o‘rtasidagi hamkorlikni yangi darajaga olib chiqish, ilg‘or pedagogik tajriba almashish hamda ta’lim sifatini xalqaro standartlar asosida oshirish yo‘lida muhim qadam bo‘ldi.

Universidad de Alicante — nufuzli universitetlardan biri, yuqori darajadagi universitetlar qatoriga kiradi, ayniqsa tilshunoslik, tarjima, turizm va huquq yo‘nalishlarida kuchli. Dunyo TOP-1000 universitetlari qatoriga kiradi.

✅ Biz bilan birga bo’ling!

📱 Telegram 📱 Instagram 📱 You Tube