“Millat fidoyilari: xotira va qadrlash” mavzusida ma’rifat darsi

O‘zbekiston davlat jahon tillari universiteti Roman-german filologiyasi fakulteti yoshlar bilan ishlash bo‘yicha dekan muovini A. Mallayev tomonidan talabalar uchun “Millat fidoyilari: xotira va qadrlash” mavzusida ma’rifat darsi tashkil etildi.

Mazkur dars talabalarda Vatanga sadoqat, millat fidoyilariga hurmat va minnatdorlik tuyg‘ularini shakllantirishga qaratildi. Dars davomida talabalar tarixiy va zamonaviy fidoyilar — xalq, Vatan, tinchlik hamda taraqqiyot yo‘lida xizmat qilgan insonlarning hayoti va faoliyati bilan yaqindan tanishdilar.

Mashg‘ulot davomida “fidoyilik”, “xotira” va “qadrlash” tushunchalarining mazmun-mohiyati keng yoritildi. Talabalar Vatan, xalq va insoniyat ravnaqi yo‘lida fidokorona xizmat qilgan shaxslarning hayoti va faoliyatini o‘rganish orqali milliy g‘urur, hurmat va minnatdorlik tuyg‘ularini yanada mustahkamladilar.

Shuningdek, interfaol o‘yinlar va guruhli topshiriqlar orqali talabalar o‘z fikrlarini ravon, mantiqiy va asosli tarzda ifoda etish ko‘nikmalarini rivojlantirdilar. Shiorlar, insho hamda sahna ko‘rinishlari orqali esa ijodiy fikrlash va vatanparvarlik ruhini namoyon etdilar.

Dars yakunida talabalar fidoyilik, hurmat va minnatdorlik qadriyatlarini kundalik hayotda qo‘llash, ularni shaxsiy xulq-atvorida namoyon etish zarurligi haqida xulosaga keldilar.

✅ Biz bilan birga bo’ling!

📱 Telegram 📱 Instagram 📱 You Tube

O‘zbekiston davlat jahon tillari universiteti Roman-german filologiyasi fakulteti tyutori P. Jabborova tomonidan talabalar uchun “Millat fidoyilari: xotira va qadrlash” mavzusida ma’rifat darsi tashkil etildi.

Dars davomida talabalarda Vatanga sadoqat, millat fidoyilariga hurmat va minnatdorlik tuyg‘ularini shakllantirish masalalariga alohida e’tibor qaratildi. Talabalar xalq, Vatan, tinchlik va taraqqiyot yo‘lida xizmat qilgan fidoyi insonlarning hayoti va faoliyati bilan tanishdilar.

Mashg‘ulot yakunida talabalar fidoyilik, xotira va qadrlash kabi qadriyatlarning hayotdagi o‘rni haqida o‘z fikr-mulohazalarini bildirdilar.

✅ Biz bilan birga bo’ling!

📱 Telegram 📱 Instagram 📱 You Tube

🟦🟦🟦🟦🟦🟦🟦

🇺🇿O’zdjtu Roman-german filologiyasi fakultetida “Ijtimoiy-psixologik muhit bilan ishlash” bo‘limi mutaxassisi M. Abdurahmonova hamda tyutorlar L. Rahmatullayeva va Z. Nazarovalar tomonidan 5-sonli talabalar turar joyida xonama-xona suhbatlar tashkil etildi.

🔥Mazkur suhbatlar davomida talabalarning yashash sharoitlari o‘rganilib, quyidagi masalalarga alohida e’tibor qaratildi:
• Xonalarda tartib-intizom va ozodalikka rioya etish;
• Xonadoshlar o‘rtasida ahillik, o‘zaro hurmat va hamjihatlikni mustahkamlash;
• Nizoli vaziyatlarning oldini olish, shaxsiy chegaralarga hurmat bilan yondashish.

🔥🔥 Suhbat yakunida talabalarga jamoaviy yashash madaniyatini yuksaltirish, ichki tartib-qoidalarga amal qilish hamda xonalar tozaligini doimiy saqlash yuzasidan zarur tavsiyalar berildi.

#TalabaTurarJoyi

04.05.2026 sanasida O‘zDJTU hamda Germaniyaning Askania GmbH tashkiloti o‘rtasida imzolangan memorandum doirasida universitetda yana bir muhim amaliy tadbir tashkil etildi. Mazkur hamkorlik doirasida bugun tashkilot vakillari Margarita Rodina va Abdullaev Edem Roman-german filologiyasi fakulteti talabalari bilan uchrashuv o‘tkazib, Askania GmbHning faoliyati, asosiy yo‘nalishlari hamda xalqaro ta’lim loyihalari haqida batafsil taqdimot qilishdi.
Taqdimot davomida talabalarga Germaniya ta’lim tizimi, dual ta’lim imkoniyatlari, xalqaro stajirovkalar, amaliy o‘quv dasturlari va kelajakda ish bilan ta’minlanish istiqbollari haqida muhim ma’lumotlar berildi. Shuningdek, talabalar o‘zlarini qiziqtirgan savollarga javob olish imkoniyatiga ega bo‘lishdi. Mazkur tadbir O‘zbekiston davlat jahon tillari universiteti va Askania GmbH o‘rtasidagi hamkorlikni yanada mustahkamlash, shuningdek, talabalar uchun yangi imkoniyatlar eshigini ochishga xizmat qiladi.

✅ Biz bilan birga bo’ling!

📱 Telegram 📱 Instagram 📱 You Tube

Erasmus+ KA171 dasturi doirasida akademik mobillik tanlovi o‘tkazildi

2026-yil aprel oyida Erasmus+ KA171 dasturi doirasida Poitiers universiteti bilan hamkorlikda 2026–2027 o‘quv yilining birinchi va ikkinchi semestrlari uchun akademik mobillik dasturiga nomzodlarni saralash maqsadida tanlov tashkil etildi.

Mazkur tanlov O‘zbekiston davlat jahon tillari universitetining fransuz tili yo‘nalishi ikkinchi va uchinchi bosqich talabalari hamda magistrlari o‘rtasida o‘tkazildi.

Tanlov jarayoni ikki bosqichda amalga oshirildi va unda kafedra mudiri, dotsent Gulsanam Raximova, katta o‘qituvchi G‘ayrat Masharibov hamda boshqa o‘qituvchilar ishtirok etishdi:
1-bosqichda hujjatlar ekspertlar tomonidan ko‘rib chiqildi;
2-bosqichda esa saralangan nomzodlar bilan fransuz tilida suhbat o‘tkazildi.

Suhbat davomida nomzodlarning til bilish darajasi, akademik salohiyati, motivatsiyasi hamda dasturdan ko‘zlangan maqsadlari baholandi.

Tanlov yakunida eng yuqori natijalarni qayd etgan nomzodlar akademik mobillik dasturida ishtirok etish uchun tavsiya etildi. G‘oliblar Poitiers universitetida ta’lim olish imkoniyatiga ega bo‘lishdi.

Mazkur tanlov talabalarning xalqaro tajriba orttirishi, til ko‘nikmalarini rivojlantirishi hamda akademik salohiyatini oshirishiga xizmat qilishi bilan ahamiyatlidir.

✅ Biz bilan birga bo’ling!

📱 Telegram 📱 Instagram 📱 You Tube