🧠 “Kitobxonlik” mavzusida “Kelajak soati” mashg‘uloti o‘tkazildi

🇺🇿 O‘zbekiston davlat jahon tillari universiteti 🇺🇿 Roman-german filologiyasi fakultetida talaba-yoshlar uchun “Kelajak soati” doirasida “Kitobxonlik” mavzusida mashg‘ulot tashkil etildi.

✅ Mazkur mashg‘ulot fakultet yoshlar bilan ishlash bo‘yicha dekan muovini A. Mallayev tomonidan olib borildi. Mashg‘ulot davomida talabalarga kitobxonlik madaniyatining jamiyat va shaxs taraqqiyotidagi o‘rni, mutolaaning ma’naviy hamda intellektual ahamiyati haqida atroflicha ma’lumotlar berildi.

🖋 Shuningdek, yoshlarning kitob o‘qishga bo‘lgan qiziqishini oshirish, ma’naviy dunyoqarashini kengaytirish, o‘z ustida ishlash va bo‘sh vaqtni mazmunli tashkil etish bo‘yicha tavsiyalar berildi. Mashg‘ulot davomida talabalar bilan fikr almashilib, ularning savollariga javoblar berildi.

🤝 Mazkur “Kelajak soati” mashg‘uloti talaba-yoshlarning kitobxonlik madaniyatini rivojlantirish, ma’naviy yetukligini oshirish hamda ularning shaxsiy kamolotiga xizmat qilishi ta’kidlandi.

✅ Biz bilan birga bo’ling!

📱 Telegram 📱 Instagram 📱 You Tube

🧠 Talabalar yashash sharoitlari o‘rganilmoqda

🇺🇿 O‘zbekiston davlat jahon tillari universiteti 🇺🇿Roman-german filologiyasi fakulteti dekani X. Xakimov talabalarining ijtimoiy-maishiy sharoitlarini o‘rganish maqsadida ijara xonadonlariga tashrif buyurdi. Mazkur tashrif davomida talabalarning yashash muhiti, xavfsizlik holati hamda kundalik turmush sharoitlari batafsil ko‘zdan kechirildi. Dekan tomonidan talabalarning o‘qishga bo‘lgan munosabati va yashash sharoitlarining ta’lim jarayoniga ta’siri ham alohida e’tiborga olindi.

🤝 Tashrif davomida ijara xonadon egalariga talabalar uchun yaratilgan shart-sharoitlarni yaxshilash, sanitariya-gigiyena qoidalariga rioya qilish hamda xavfsizlik choralarini kuchaytirish yuzasidan tavsiyalar berildi. Shuningdek, talabalar bilan suhbat o‘tkazilib, ularning muammolari, ehtiyojlari va takliflari tinglandi. Aniqlangan ayrim kamchiliklarni bartaraf etish bo‘yicha mas’ullarga tegishli ko‘rsatmalar berildi.

🖋 Ushbu tashrif talabalarning ijtimoiy himoyasini kuchaytirish, ularning sifatli ta’lim olishi uchun qulay sharoit yaratish hamda yashash va o‘qish muhitini yanada yaxshilashga xizmat qiladi. Fakultet rahbariyati tomonidan bunday o‘rganish ishlari muntazam davom ettirilishi rejalashtirilgan bo‘lib, bu talabalar farovonligini ta’minlashda muhim ahamiyat kasb etadi.

✅ Biz bilan birga bo’ling!

📱 Telegram 📱 Instagram 📱 You Tube