🟦🟦🟦🟦🟦🟦🟦

🇺🇿🇺🇿 9-aprel kuni O‘zbekiston davlat jahon tillari universiteti hududida bitiruvchi talabalar bandligini ta’minlash maqsadida mehnat yarmarkasi tashkil etildi.

🎯 Tadbirning asosiy maqsadi — talabalarga o‘z mutaxassisligi bo‘yicha ish beruvchilar bilan bevosita muloqot qilish, kelgusidagi kasbiy faoliyatini rejalashtirish uchun keng imkoniyatlar yaratishdan iborat bo‘ldi.

👩‍🏫 Mazkur yarmarkada Fransuz tili nazariy fanlar kafedrasi mudiri G. Raximova boshchiligida professor-o‘qituvchilar hamda 3- va 4-kurs talabalari faol ishtirok etdilar.

📚 Tadbir davomida talabalar turli tashkilot va muassasalar tomonidan taqdim etilgan bo‘sh ish o‘rinlari, amaliyot dasturlari hamda kasbiy rivojlanish imkoniyatlari bilan yaqindan tanishdilar.

🇫🇷Xususan, mehnat yarmarkasida Toshkent Fransuz Alyansi ham o‘zining bo‘sh ish o‘rinlari va hamkorlik takliflari bilan ishtirok etib, fransuz tilini mukammal biladigan yosh mutaxassislar uchun yaratilgan imkoniyatlarni taqdim etdi.

✨ Ushbu tadbir talabalarda katta qiziqish uyg‘otib, ularning kelajakdagi kasbiy yo‘lini belgilashda muhim ahamiyat kasb etdi.

🟦🟦🟦🟦🟦🟦🟦

🇺🇿 Roman-german filologiyasi fakultetida 7-aprel Jahon salomatlik kuni munosabati bilan davra suhbati tashkil etildi.

🧠 Tadbirda universitet tibbiyot bo`limi hamshirasi Kaxxarova Maftuna Xoshim kizi ishtirok etdi.

✅Universitet tibbiyot bo`limi hamshirasi Kaxxarova Maftuna Xoshim kizi – “Olimlarning fikricha, inson sog‘lom turmush tarziga amal qilishi orqali 100-120 yoshgacha umr ko‘rishi mumkin ekan. Bu yoshga yetib yurish uchun, albatta, oziq-ovqat ta’minoti, dam olish, sifatli tibbiy xizmat ko‘rsatish, yashash va ishlash uchun yetarli shart-sharoit bilan ta’minlanishi kabi bir qator omillar muhim o‘rin tutadi. Bunda, albatta, har birimizning o‘z salomatligimizga mas’ulligimiz birinchi darajali omil sanaladi.
Ming xil kasallik bor, ammo salomatlik bittadir, deydilar. Haqiqatan ham, inson salomatligi unda nafaqat kasallik yoki jismoniy nuqsonlarning yo‘qligi, balki uning jismoniy va ruhiy xotirjamligi, salomatligini yaxshilash va muhofaza qilishga qaratilgan chora-tadbirlar bilan ham o‘lchanadi. Jahon sog‘liqni saqlash tashkiloti salomatlikni belgilovchi omillarni quyidagicha tasniflaydi: inson salomatligining 10-15 foizi –ekologiya, 10-15 foizi – genetika, 10-12 foizi – tibbiyot tizimi darajasi, qolgan 55-60 foizi esa turmush tarziga bog‘liq. Bundan ko‘rinib turibdiki, agar biz oqilona turmush tarzini yuritsak — to‘g‘ri ovqatlansak, jismoniy faol, zararli odatlardan xoli bo‘lsak, ya’ni kun tartibimizni qanchalik to‘g‘ri tashkil qilsak, shunchalik sog‘lom bo‘lamiz.Shu ma’noda, 1950 yildan beri har yili 7 aprelni dunyo hamjamiyati Butunjahon salomatlik kuni sifatida nishonlab kelayotgani bejiz emas. Ma’lumki, 1948 yil xuddi shu kuni Sog‘liqni saqlash masalalari bo‘yicha assambleyaning Birinchi yig‘ilishida Jahon sog‘liqni saqlash tashkilotiga asos solingan.“

✅ Biz bilan birga bo’ling!

📱 Telegram 📱 Instagram
📱 You Tube