🟦🟦🟦🟦🟦🟦🟦

🇺🇿 Joriy yilning 8-aprel kuni Fransuz tili nazariy fanlar kafedrasi mudiri, dotsent Raximova Gulsanam Ashirbekovna tomonidan Filologiya va tillarni o‘qitish (fransuz tili) yo‘nalishi talabalari uchun “Badiiy tarjima” to‘garagi doirasida “Traduction d’unités phraséologiques (frazeologik birliklar tarjimasi)” mavzusida dars mashg‘uloti tashkil etildi.

▶ Mashg‘ulot davomida talabalarga frazeologik birliklarni tarjima qilishning nazariy asoslari, xususan, iboralar, maqollar va barqaror birikmalarni tarjima qilishda yuzaga keladigan lingvistik hamda madaniy muammolar haqida batafsil ma’lumot berildi. Shuningdek, fransuz va o‘zbek tillaridagi frazeologik birliklar misolida ularning semantik mazmuni, obrazliligi hamda milliy-madaniy xususiyatlarini saqlagan holda tarjima qilish usullari tahlil qilindi.

Dars jarayonida interaktiv savol-javoblar tashkil etilib, talabalarning amaliy ko‘nikmalarini mustahkamlash maqsadida frazeologik birliklarni tarjima qilish bo‘yicha mashqlar bajarildi. Tarjima jarayonida ekvivalentlikni topish, obrazlilikni saqlash hamda mazmuniy aniqlikni ta’minlash masalalariga alohida e’tibor qaratildi.

💠 Mazkur to‘garak talabalarning tarjima kompetensiyasini rivojlantirish, shuningdek, fransuz va o‘zbek tillarining iboraviy boyligiga bo‘lgan qiziqishini oshirishga xizmat qilmoqda.

🟦🟦🟦🟦🟦🟦🟦

🇺🇿 Joriy yilning 8-aprel kuni Fransuz tili nazariy fanlar kafedrasi katta o‘qituvchisi, PhD Xudoyberdiyeva Nigora Sherali qizi tomonidan Filologiya va tillarni o‘qitish (fransuz tili) yo‘nalishi talabalari uchun “Nomdor stipendiyalarga tayyorlov” to‘garagi doirasida “Tanlov suhbatlariga tayyorgarlik: savollar va javoblar strategiyasi” mavzusida dars mashg‘uloti tashkil etildi.

💠 Mashg‘ulot davomida talabalarga tanlov suhbatlariga samarali tayyorgarlik ko‘rishning nazariy asoslari, suhbat jarayonida uchraydigan savollar turlari hamda ularga to‘g‘ri va mazmunli javob berish strategiyalari haqida batafsil ma’lumot berildi. Shuningdek, o‘z fikrini aniq, lo‘nda va ishonchli ifodalash, kommunikativ kompetensiyani rivojlantirish hamda stressni boshqarish usullari muhokama qilindi.

💠 Amaliy qismda interaktiv savol-javoblar o‘tkazilib, turli tanlov suhbatlari namunasi asosida mashqlar bajarildi. Talabalar rolli o‘yinlar orqali suhbat jarayonini modellashtirib, o‘zini tanishtirish, savollarga javob berish va professional ko‘nikmalarini namoyon etish malakalarini mustahkamlashdi.

🔺 Mazkur mashg‘ulot talabalarning tanlov suhbatlarida muvaffaqiyatli ishtirok etish ko‘nikmalarini rivojlantirish hamda ularning o‘ziga bo‘lgan ishonchini oshirishga xizmat qilmoqda.

🙂🙂🙂🙂🙂🙂🙂🙂🙂🙂

🇺🇿 O‘zDJTU 🇺🇿 Yoshlar ittifoqi boshlang‘ich tashkiloti 🇺🇿 Roman-german filologiyasi fakulteti kengashi tomonidan aprel oyi “Yoshlar festivali” oyligi doirasidagi tadbirlar start oldi ! 🎉

♟ Bugun 8-aprel fakultetimizda shaxmat va shashka musobaqalari bo‘lib o‘tdi!

🔥 Musobaqalar davomida talabalar o‘zlarining mantiqiy fikrlashi, strategik yondashuvi va zukkoligini namoyon etdilar. Har bir ishtirokchi g‘alaba sari intilib, qiziqarli va murosasiz bahslar olib bordi.

🏆 Eng faol va iqtidorli talabalar saralab olinib, yakuniy taqdirlash marosimida munosib rag‘batlantiriladi!

✨ Keling, birga faol bo‘laylik, rivojlanaylik va yangi yutuqlar sari dadil qadam tashlaylik!