🟦🟦🟦🟦🟦🟦🟦

🇺🇿 Roman-german filologiyasi fakulteti tyutori P. Jabborova tashabbusi bilan talabalarning bo‘sh vaqtini mazmunli va samarali tashkil etish maqsadida dam olish kunlari Parkent tumani hududida joylashgan So‘qoq maskaniga maroqli sayohat uyushtirildi.

🧠 Mazkur tashrif davomida talabalar betakror tabiiy manzaralardan bahramand bo‘lib, sof tog‘ havosidan zavq oldilar. Sayohat jarayonida ular turli xil sport o‘yinlari, jamoaviy musobaqalar va qiziqarli mashg‘ulotlarda faol qatnashib, o‘z iqtidor va chaqqonliklarini namoyon etdilar. Shuningdek, talaba-yoshlar davrasida kuy-qo‘shiqlar yangrab, raqslar ijro etildi, bu esa tadbirga yanada ko‘tarinki kayfiyat bag‘ishladi. Yigitlar tomonidan varrak uchirilgani esa sayohatga alohida zavq va unutilmas lahzalar olib kirdi.

👥 Bunday mazmundor va samimiy tashkil etilgan sayohat talabalarning nafaqat dam olishiga, balki ularning jamoaviylik, o‘zaro hurmat, do‘stlik va birdamlik kabi muhim fazilatlarini yanada mustahkamlashga xizmat qildi. Shu bilan birga, bu kabi tashabbuslar yoshlarning ma’naviy hordiq chiqarishi, sog‘lom turmush tarzini shakllantirish va tabiatga mehrini oshirishda muhim ahamiyat kasb etadi.

✅ Biz bilan birga bo’ling!

📱 Telegram 📱 Instagram 📱 You Tube

🇺🇿 Roman-german filologiyasi fakultetida talaba-yoshlar ishtirokida muhim profilaktik suhbat tashkil etildi. Davra suhbati Uchtepa tumani IIO FMB JQB T/V leytenanti Sh.Sh. Nurahmadov tomonidan olib borildi.

🧠 Suhbat davomida giyohvandlikka qarshi kurashish, jinoyatchilikning oldini olish hamda ushbu illatlarning jamiyat va inson hayotiga salbiy ta’siri haqida batafsil ma’lumotlar berildi. Shuningdek, yoshlar o‘rtasida huquqbuzarliklarning oldini olish, huquqiy madaniyatni yuksaltirish va ongli hayot tarzini shakllantirish masalalari keng muhokama qilindi.

✅ Tadbirda profilaktika inspektorlari — Nurmuhammedova Madina Xasanovna hamda Sherbayev Sanjar Tillakabilovich ham faol ishtirok etdilar.

✅ Biz bilan birga bo’ling!

📱 Telegram 📱 Instagram 📱 You Tube

🟦🟦🟦🟦🟦🟦🟦

🇺🇿 Roman-german filologiyasi fakulteti tyutori P. Jabborova o‘ziga biriktirilgan guruh talabalari bilan 9-aprel — Amir Temur tavalludining 690 yilligiga bag‘ishlab mazmunli davra suhbati tashkil etdi.

🧠 Tadbir davomida Sohibqiron Amir Temurning boy va ibratli hayot yo‘li, uning yoshlik davridagi qiyinchiliklari, mashaqqatli kurashlar orqali buyuk sarkarda darajasiga ko‘tarilgani haqida batafsil ma’lumotlar berildi. Shuningdek, uning davlat boshqaruvidagi adolat, tartib-intizom va qat’iyatga asoslangan siyosati alohida ta’kidlandi.

🖋 Suhbat jarayonida Amir Temur tomonidan barpo etilgan qudratli va markazlashgan davlat, uning harbiy yurishlari, strategik fikrlashi hamda diplomatik mahorati haqida ham fikr almashildi. Talabalarga Sohibqironning “Kuch — adolatda” degan tamoyili bugungi kunda ham o‘z ahamiyatini yo‘qotmaganligi tushuntirildi.

👥 Davra suhbati davomida talabalar o‘zlarini qiziqtirgan savollarga javob oldilar, tarixiy shaxsga bo‘lgan qiziqishlari yanada oshdi. Tadbir yoshlarni vatanparvarlik ruhida tarbiyalash, milliy qadriyatlarimizni chuqur anglash va buyuk ajdodlarimiz merosini o‘rganishga undashda muhim ahamiyat kasb etdi.

✅ Biz bilan birga bo’ling!

📱 Telegram 📱 Instagram 📱 You Tube

🟦🟦🟦🟦🟦🟦

🇺🇿 O‘zDJTU Roman-german filologiyasi fakultetida “Kelajak soati” mashg‘uloti tashkil etildi. Mazkur mashg‘ulot fakultet yoshlar ishlari bo‘yicha dekan muovini A. Mallayev tomonidan o‘tkazildi.

🧠 “Kelajak soati” darsi “Sohibqiron Amir Temur” mavzusiga bag‘ishlandi. Mashg‘ulotning asosiy maqsadi talabalarning mavjud bilimlarini mustahkamlash, ularni yangi va qiziqarli ma’lumotlar bilan boyitish hamda tarix faniga bo‘lgan qiziqishni oshirishdan iborat bo‘ldi.

Dars davomida Amir Temurning hayot yo‘li, uning mashaqqatli kurashlar orqali yuksak darajaga erishgani, davlat boshqaruvidagi adolat va qat’iyat tamoyillari haqida batafsil ma’lumot berildi. Shuningdek, Sohibqiron tomonidan barpo etilgan kuchli va markazlashgan davlat, uning harbiy yurishlari va strategik tafakkuri haqida ham fikr yuritildi.

Mashg‘ulot interaktiv tarzda tashkil etilib, savol-javoblar, kichik muhokamalar orqali talabalarning faolligi oshirildi. Talabalar o‘z fikr va mulohazalarini erkin bayon etib, mavzu yuzasidan bilimlarini yanada mustahkamlash imkoniga ega bo‘ldilar.

🖋 Ushbu “Kelajak soati” darsi nafaqat nazariy bilimlarni mustahkamlash, balki talabalarda tarixiy merosimizga hurmat, vatanparvarlik tuyg‘ularini kuchaytirishda ham muhim ahamiyat kasb etdi.

✅ Biz bilan birga bo’ling!

📱 Telegram 📱 Instagram 📱 You Tube