📌 HAMKORLIK VA TAJRIBA ALMASHISH — TA’LIM SIFATI GAROVI

✅ Bugun hamkor ta’lim tashkilotlari o‘rtasidagi aloqalarni mustahkamlash, tajriba almashish hamda ta’lim sifatini yanada oshirish maqsadida Toshkent shahridagi oliy harbiy ta’lim muassasasi kursantlarining Fransuz tili amaliy fanlar kafedrasiga tashrifi tashkil etildi.

Tashrif doirasida o‘quv-amaliy tadbirlar o‘tkazilib, ular talabalarning bilim va ko‘nikmalarini boyitish, dunyoqarashini kengaytirishga xizmat qildi.

🇺🇿🇺🇿 Kafedra mudiri P. Nishonov tomonidan “Mamlakatshunoslik” fanidan yuqori saviyada mahorat darsi tashkil etildi. Mashg‘ulot interaktiv usullar va zamonaviy pedagogik texnologiyalar asosida olib borilib, unda ikki ta’lim muassasasi talabalari faol ishtirok etdilar.

Dars davomida Fransiya va O‘zbekistonning davlat boshqaruvi tizimi mavzusida mazmunli taqdimotlar o‘tkazildi. Talabalar o‘z chiqishlarida tahliliy fikrlash, mustaqil xulosa chiqarish hamda jamoa bilan ishlash ko‘nikmalarini namoyon etdilar.

Shuningdek, test topshiriqlari, blits-savollar va munozaralar orqali talabalarning bilim darajasi sinovdan o‘tkazilib, ularning faolligi yanada oshirildi. Bu esa talabalarda tanqidiy fikrlash, tezkor qaror qabul qilish va o‘z fikrini erkin ifoda etish ko‘nikmalarini shakllantirishga xizmat qildi.

Tashrif yakunida kursantlar universitet Axborot-resurs markaziga tashrif buyurib, u yerda yaratilgan zamonaviy shart-sharoitlar, boy kitob fondi, elektron ta’lim resurslari hamda raqamli xizmatlar bilan yaqindan tanishdilar.

🟦🟦🟦🟦🟦🟦🟦

🇺🇿🇺🇿 Nemis tili amaliy fanlar kafedrasi o‘qituvchisi Xusinova Laylo tomonidan tashkil etilgan “Nomdor stipendiyalarga tayyor” to‘garagi talabalarning xalqaro va mahalliy stipendiya dasturlariga muvaffaqiyatli tayyorlanishiga qaratilgan muhim tashabbuslardan biridir. Ushbu to‘garak doirasida ishtirokchilar nafaqat nazariy bilimlarga ega bo‘ladilar, balki amaliy ko‘nikmalarini ham rivojlantiradilar.

💠 Navbatdagi mashg‘ulot mavzusi “Onlayn ariza topshirish va platformalardan foydalanish” bo‘lib, unda talabalar turli stipendiya va grant dasturlariga ariza topshirish jarayonini bosqichma-bosqich o‘rganadilar. Xususan, mashg‘ulot davomida xalqaro platformalar, rasmiy saytlar orqali ro‘yxatdan o‘tish, hujjatlarni to‘g‘ri yuklash, motivatsion xat va CV ni tizimga joylash kabi muhim jihatlar batafsil tushuntiriladi.

💠 Shuningdek, ishtirokchilarga eng ko‘p uchraydigan xatoliklar, ularni oldini olish yo‘llari hamda muvaffaqiyatli ariza topshirish bo‘yicha foydali tavsiyalar beriladi. Amaliy mashg‘ulotlar orqali talabalar real platformalarda ishlash tajribasiga ega bo‘lib, o‘z mustaqil arizalarini tayyorlashni o‘rganadilar.

💠 Mazkur to‘garak talabalarning raqobatbardoshligini oshirish, ularni xalqaro imkoniyatlardan samarali foydalanishga yo‘naltirish va kelajakda yirik stipendiya dasturlarini qo‘lga kiritishlariga mustahkam zamin yaratadi.