“Sogʻlom munosabat — mustahkam oila poydevori”

“Ijtimoiy-psixologik muhit bilan ishlash” boʻlimi psixologi Sh.Boʻstonova hamda Fransuz tili amaliy fanlar kafedrasi o'qituvchisi - S. G'afurova bilan hamkorlikda talaba-yoshlar ishtirokida “Sogʻlom munosabat — mustahkam oila” mavzusida davra suhbati tashkil etildi.

Suhbat davomida quyidagi muhim masalalar muhokama qilindi:
— Sogʻlom munosabatlarning asosiy tamoyillari
— Oʻzaro hurmat va ishonchning oila barqarorligidagi oʻrni
— Konfliktlarni konstruktiv hal etish usullari
— Zamonaviy yoshlar orasida uchrayotgan munosabat muammolari

Ishtirokchilar o‘z fikr-mulohazalari bilan faol qatnashib, hayotiy misollar orqali mavzuni yanada chuqur anglab oldilar.

Davra suhbati yakunida sogʻlom psixologik muhitni shakllantirish har bir insondan ongli yondashuv, sabr va masʼuliyat talab qilishi taʼkidlandi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦🟦🟦🟦🟦

🧠 2026 yil 31 mart kuni Fransuz tili amaliy fanlar kafedrasi katta o‘qituvchisi F. Badalov boshchiligida 2-tashabbus doirasida talaba-yoshlar o‘rtasida sport musobaqalari tashkil etildi. Mazkur tadbir “Sport bizni birlashtiradi”, “Sport – salomatlik garovi” hamda “Jismoniy tarbiya va madaniyat zamonaviy talaba uchun asosiy mezon” shiorlari ostida Roman-german filologiyasi fakulteti dekanati hamkorligida o‘tkazildi.

Tadbirda FFRA-2401, FFRA-2402 va FFRA-2403-guruh talabalari faol ishtirok etdilar. Ishtirokchilar o‘zaro hamjihatlikda bellashib, sportga bo‘lgan qiziqishlarini yana bir bor namoyon etdilar.

Tadbirning asosiy maqsadi talabalarning bo‘sh vaqtlarini mazmunli tashkil etish, ularni sog‘lom turmush tarziga jalb etish, jamoaviylik ruhini shakllantirish hamda sportga bo‘lgan qiziqishini yanada oshirishdan iborat bo‘ldi.

Musobaqalar davomida talabalar bir nechta sport turlari, jumladan, shaxmat, shashka, voleybol va badminton bahslarida o‘zaro bellashdilar. Har bir yo‘nalish bo‘yicha qizg‘in va murosasiz kurashlar bo‘lib o‘tdi. Ishtirokchilar o‘zlarining jismoniy tayyorgarligi, chaqqonligi va jamoaviy hamkorlik ko‘nikmalarini namoyish etdilar.

Tadbir yuqori saviyada tashkil etilib, talabalar tomonidan katta qiziqish va faollik bilan kutib olindi. Musobaqa yakunida g‘olib va sovrindorlar aniqlanib, esdalik sovg‘alari bilan taqdirlandilar.

Ushbu sport musobaqalari talabalarning nafaqat jismoniy, balki ma’naviy rivojlanishida ham muhim ahamiyat kasb etdi. Tadbir davomida do‘stona muhit hukm surib, “sport – tinchlik va birdamlik elchisi” ekanligi yana bir bor o‘z isbotini topdi.

Xulosa qilib aytganda, tashkil etilgan sport musobaqalari yoshlarning sog‘lom turmush tarzini shakllantirish, ularni sportga keng jalb etish va ijtimoiy faolligini oshirishda muhim omil bo‘lib xizmat qildi.

✅ Biz bilan birga bo’ling!

📱 Telegram 📱 Instagram 📱 You Tube

#YoshlarKuni

🟦🟦🟦🟦

Rahbar va yoshlar uchrashuvi bo‘lib o‘tdi

2026-yil 2-aprel kuni O‘zbekiston davlat jahon tillari universitetida Toshkent shahar IIBB Axborot multimedia boshlig‘i o‘rinbosari Qahramon Xudoyberganov hamda Uchtepa tumani IIO FMB 1-IIB boshlig‘i, mayor A.A. Turayev ishtirokida talaba-yoshlar bilan uchrashuv tashkil etildi.

Uchrashuvni Yoshlar masalalari va ma’naviy-ma’rifiy ishlar bo‘yicha birinchi prorektor Valijon Sadiyev ochib berdi.

Mazkur uchrashuv yoshlar o‘rtasida jinoyatchilik va huquqbuzarliklarning oldini olish, ularning huquqiy savodxonligini oshirish, xavfsiz hayot tarzini shakllantirish hamda yoshlarni turli salbiy ta’sirlardan himoya qilish maqsadida tashkil etildi.

Tadbir davomida talabalarga huquqiy bilimlarni mustahkamlash, kundalik hayotda uchrashi mumkin bo‘lgan xavf-xatarlar va ularning oldini olish yo‘llari haqida batafsil ma’lumotlar berildi. Shuningdek, real hayotiy misollar asosida tushuntirishlar olib borildi.

Uchrashuv ochiq muloqot tarzida o‘tib, talabalar o‘z savollari bilan faol ishtirok etdilar hamda mutasaddilardan atroflicha javoblar oldilar.

Mazkur uchrashuv yoshlar orasida huquqiy madaniyatni yuksaltirish va xavfsiz muhitni mustahkamlashga qaratilgani bilan ahamiyatli bo‘ldi.

🌐 Biz ijtimoiy tarmoqlarda:
Telegram | Instagram | Facebook | Sayt