O‘zDJTU Roman-german filologiyasi fakultetida davra suhbati tashkil etildi

O‘zbekiston davlat jahon tillari universiteti Roman-german filologiyasi fakultetida “Mustahkam oila” metodik dasturi doirasida davra suhbati tashkil etildi. Tadbirda oila institutini mustahkamlash, sog‘lom ma’naviy muhitni shakllantirish hamda yoshlar orasida oilaviy qadriyatlarni keng targ‘ib etish masalalari muhokama qilindi.

Davra suhbati davomida mutaxassislar va ishtirokchilar tomonidan oila barqarorligini ta’minlash, farzand tarbiyasida ota-onaning mas’uliyati, shuningdek, yoshlarni hayotga tayyorlash borasida muhim fikr va takliflar ilgari surildi. Tadbir jarayonida mavzuga oid tushuntirishlar berilib, ishtirokchilar bilan faol muloqot olib borildi.

Shuningdek, uchrashuvda xavf ostidagi o‘smirlarni qo‘llab-quvvatlash, ularni turli salbiy ta’sirlardan asrash hamda ijtimoiy muhitga moslashuvini ta’minlash masalalariga alohida e’tibor qaratildi. Yakunda tadbir mazmunli muhokamalar va savol-javoblar asosida yakunlandi.

✅ Biz bilan birga bo’ling!

📱 Telegram 📱 Instagram 📱 You Tube

🟦🟦🟦🟦🟦🟦🟦

⭐️5-TTJda 🇺🇿 Roman-german filologiyasi fakulteti FNEM 2414-guruh talabasi Hasanboyeva Marjona Xalimjon qizi tashabbusi bilan kashtachilik to‘garagi tashkil etilib, hozirgi kunda ham faoliyatini davom ettirmoqda. To‘garakning asosiy maqsadi talabalarga milliy va zamonaviy kashtachilik san’atini o‘rgatish, ularning ijodiy qobiliyatlarini rivojlantirish hamda bo‘sh vaqtlarini mazmunli tashkil etishdan iborat.

✅Mashg‘ulotlar davomida ishtirokchilar turli kashtachilik texnikalarini o‘rganib, amaliy ishlarda faol qatnashmoqdalar. Talabalar o‘zlarining dastlabki ishlarini yaratib, rang-barang naqshlar va betakror dizaynlar orqali ijodiy yondashuvlarini namoyon etishmoqda.

🤝 Mazkur to‘garak talabalarning ijodiy fikrlashini rivojlantirish bilan birga, ular o‘rtasida sog‘lom raqobat muhitini shakllantirishga ham xizmat qilmoqda. Kashtachilik san’ati orqali ishtirokchilar o‘ziga xos uslub yaratish va uni takomillashtirish imkoniyatiga ega bo‘lib, to‘garak faoliyati izchil davom etmoqda.

✅ Biz bilan birga bo’ling!

📱 Telegram 📱 Instagram 📱 You Tube

🟦🟦🟦🟦🟦🟦🟦

🇺🇿 O’zbekiston davlat jahon tillari universitetida “Universitet malikasi” ko‘rik-tanlovi yuqori saviyada tashkil etilmoqda. Ushbu nufuzli tanlovda 🇺🇿Roman-german filologiyasi fakulteti talabalari ham faol ishtirok etib, o‘z iqtidor, bilim va salohiyatlarini namoyon etmoqdalar. Ishtirokchilar nafaqat tashqi ko‘rinish, balki nutq madaniyati, ijodkorligi va faolligi bilan ham ajralib turishmoqda.

🇺🇿 Eslatib o‘tamiz, mazkur tanlovga tayyorgarlik jarayonlari avvaldan boshlangan bo‘lib, fakultetda “Universitet malikasi” ko‘rik-tanlovining saralash bosqichi ham o‘tkazilgan edi. Ushbu bosqichda eng munosib nomzodlar tanlab olinib, ular universitet miqyosidagi tanlovda ishtirok etish uchun yo‘llanma olgan edilar. Shuningdek, tanlov doirasida turli sport musobaqalari ham tashkil etilib, talabalarning jismoniy faolligi va jamoaviy ruhini mustahkamlashga alohida e’tibor qaratildi.

➡️

Bugungi kunda tanlovning eng muhim bosqichlaridan biri — milliy qadriyatlarimizni aks ettiruvchi osh pishirish bellashuvi ham bo‘lib o‘tdi. Unda talaba qizlar o‘zlarining pazandalik mahoratlarini namoyon etib, milliy taomimizni tayyorlash borasida o‘zaro bellashdilar. Tayyorlangan oshlar hakamlar tomonidan ta’mi, ko‘rinishi va tayyorlash jarayoniga ko‘ra baholandi.

⭐️ Ayni paytda tanlov qizg‘in ruhda davom etmoqda va yaqin kunlarda uning yakuniy natijalari e’lon qilinishi kutilmoqda.

✅ Biz bilan birga bo’ling!

📱 Telegram 📱 Instagram 📱 You Tube