🟦🟦🟦

Fransuz tili tanlovi – Frankofoniya 2026 Toshkentda o‘tkazildi

Joriy yilning 12-mart kuni Toshkent shahridagi Fransuz Alyansi, O‘zbekiston davlat jahon tillari universiteti, O‘zbek-Fransuz universiteti hamda Lions Club International tashkiloti hamkorligida Fransuz tili tanlovi – Frankofoniya 2026 tadbiri tashkil etildi. Mazkur tanlov fransuz tilini o‘rganayotgan talabalarning bilim va ko‘nikmalarini namoyish etish, shuningdek yoshlar o‘rtasida frankofoniya madaniyatini targ‘ib qilish maqsadida o‘tkazildi.

Tanlovda O‘zbekiston davlat jahon tillari universiteti talabalari bilan bir qatorda Toshkent shahridagi turli oliy ta’lim muassasalaridan jami 44 nafar talaba ishtirok etdi. Ishtirokchilar dastlab fransuz tili bo‘yicha 50 ta savoldan iborat yozma test sinovini topshirdilar. Test natijalariga ko‘ra eng yuqori natijalarni qayd etgan 6 nafar ishtirokchi tanlovning keyingi bosqichiga yo‘l oldi va yakuniy bahsda o‘z bilim hamda nutqiy ko‘nikmalarini namoyish etdilar.

Tadbir davomida ishtirokchilar fransuz tilidagi bilimlari, muloqot madaniyati va tilga bo‘lgan qiziqishlarini namoyon etdilar. Tanlov do‘stona va ijodiy muhitda o‘tdi hamda talabalarga o‘z bilimlarini sinovdan o‘tkazish, yangi tajriba orttirish va fransuz tiliga bo‘lgan qiziqishni yanada mustahkamlash imkonini berdi.

Tadbir so‘ngida eng yaxshi natija ko‘rsatgan talaba munosib taqdirlandi va u Fransiyaning frankofon markazida bir oy davomida stajirovka o‘tash uchun yo‘llanmani qo‘lga kiritdi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦🟦🟦🟦🟦

#Payshanba
#Yoshlar_kuni

🇺🇿 O‘zbekiston davlat jahon tillari universiteti 🇺🇿Roman-german filologiyasi fakulteti yoshlar bilan ishlash bo‘yicha dekan muovini A. Mallayev 5-TTJ ga tashrif buyurib, talabalar uchun yaratilgan yashash sharoitlari bilan yaqindan tanishdi.

➡️ Tashrif davomida talabalar turar joyidagi xonalar, oshxona, maishiy sharoitlar hamda sanitariya-gigiyena holati ko‘zdan kechirildi. Talabalar bilan samimiy suhbat o‘tkazilib, ularning yashash jarayonida yuzaga kelayotgan masalalari, taklif va fikrlari tinglandi.

⭐️ Shuningdek, talabalarga turar joyda ichki tartib-qoidalarga rioya qilish, xonalarni ozoda saqlash, o‘zaro hurmat va hamjihatlik muhitini mustahkamlash yuzasidan tavsiyalar berildi. Bunday tashriflar talabalarning yashash sharoitlarini yanada yaxshilash hamda ularning bo‘sh vaqtini mazmunli tashkil etishda muhim ahamiyat kasb etadi.

✅ Biz bilan birga bo’ling!

📱 Telegram 📱 Instagram 📱 You Tube

🟦🟦🟦🟦🟦🟦🟦

#Payshanba
#Yoshlar_kuni

🇺🇿 Roman-german filologiyasi fakulteti tyutori A. Bekmurzaeva boshchiligida payshanba kuni – Yoshlar kuni munosabati bilan talabalarining bo‘sh vaqtlarini mazmunli va samarali tashkil etish maqsadida Adiblar xiyoboniga tashrif buyurildi.

⭐️ Tashrif davomida talabalar buyuk adiblarimiz hayoti va ijodi bilan yana bir bor yaqindan tanishib, ularning boy adabiy merosi haqida esga oldilar. Shuningdek, xiyobonda o‘rnatilgan adiblar haykallari yonida ularning ijodiy faoliyati, milliy adabiyotimiz rivojiga qo‘shgan ulkan hissasi haqida suhbatlar o‘tkazildi.

➡️ Mazkur madaniy tadbir talabalarning bo‘sh vaqtini mazmunli o‘tkazish, jamoada muloqot va hamjihatlikni mustahkamlash hamda milliy adabiyotimizga bo‘lgan qiziqish va hurmatni yanada oshirishga xizmat qildi. Tashrif yakunida talabalar madaniy hordiq chiqarib, ko‘tarinki kayfiyat bilan qaytdilar.

✅ Biz bilan birga bo’ling!

📱 Telegram 📱 Instagram 📱 You Tube