🇺🇿O'zbekiston davlat jahon tillari universiteti

🇺🇿Yoshlar Ittifoqi boshlang‘ich tashkiloti jamoasi siz aziz talabalar uchun doim harakatda !

📑 Mart oyini " Yoshlar oyligi " deb e'lon qilamiz hamda ushbu oy davomida har bir haftada talabalarimiz uchun turli yoʻnalishlarda loyihalarni tashkil etamiz. Birinchi haftalik
🏆 5 TASHABBUS haftaligi deb belgilandi, haftalikka 10-mart kuni start beriladi. Haftalik doirasida :

🟢Sport (futbol, voleybol, shaxmat-shashka)
🟢Kibersport
🟢Kitobxonlik
🟢Milliy namoyishlar
yoʻnalishlarida oʻz iqtidoringizni, isteʼdodingizni namoyish qilishingiz mumkin.

✔️Qatnashish istagidagi talabalar fakultetingiz Yoshlar Ittifoqi koordinatoriga jamoa tuzgan holda murojaat qiling:

✅Ingliz tili birinchi fakulteti;
@Velora_17
✅Ingliz tili ikkinchi fakulteti;
@ceo_m7
✅Ingliz tili uchinchi fakulteti;
@sayliyeva_jasminabonu
✅Tarjimonlik fakulteti;
@Azimjon1013
✅Ingliz filologiyasi fakulteti;
@shahzoda_shavkatovna04
✅Sharq filologiyasi fakulteti;
@znxamrayeva
✅Roman-german filologiyasi fakulteti;
@matlabxonovaa
✅Xalqaro jurnalistika fakulteti;
@dilshoda_murodillayeva
✅Rus filologiyasi fakulteti;
@Murodjon_Tulanboyev
✅Sirtqi va kechki ta’lim fakulteti

➡️Haftaliklar davomida barcha fakultetlarni faollikka chaqiramiz.

#talabalar #uzdjtuyoshlari #yoshlarittifoqi #manaviyat_edu_uz #sport #fakultet

🟦🟦🟦🟦🟦🟦🟦

🇺🇿 O‘zbekiston davlat jahon tillari universiteti 🇺🇿 Roman-german filologiyasi fakulteti Fransuz tili amaliy fanlar kafedrasi dotsenti Z. Davronova tashabbusi bilan 2-bosqich FFRA-2404-guruh talabalari tomonidan 8-Mart – Xalqaro xotin-qizlar bayrami munosabati bilan maxsus videorolik tayyorlandi.

🌷 8-Mart butun dunyoda nishonlanadigan muhim sanalardan biri bo‘lib, u Xalqaro xotin-qizlar kuni sifatida e’tirof etiladi. Ushbu bayram ayollarning jamiyat taraqqiyotidagi o‘rni, ularning huquqlari, erkinliklari hamda ijtimoiy hayotdagi faolligini e’tirof etish maqsadida keng nishonlanadi.

💠 Mazkur videorolikning asosiy maqsadi talabalarning ijodiy salohiyatini namoyon etish, xotin-qizlarning jamiyatdagi o‘rni va ahamiyatini keng yoritish, shuningdek ta’lim jarayonida o‘zlashtirilgan nazariy bilimlarni amaliyotda qo‘llashdan iborat bo‘ldi.

🔺 Ushbu tashabbus talabalarning madaniy va ijtimoiy mas’uliyatini mustahkamlashga, shuningdek xotin-qizlarga bo‘lgan hurmat va e’tiborni yanada oshirishga xizmat qildi.

Bizni kuzatib boring ;

📱 Telegram 📱Instagram 📱Telegram

🟦🟦🟦

Muhtarama professor-o‘qituvchilar, aziz xodimalar va qadrli talaba-qizlar!

Sizlarni 8-mart — Xalqaro xotin-qizlar kuni bilan chin qalbimdan muborakbod etaman!

Universitetimiz hayotida ayollarning o‘rni beqiyos. Sizlarning fidokorona mehnatingiz, ilmiy izlanishlaringiz, yangilikka intilishingiz va tashabbuskorligingiz ta’lim jarayonining sifatini yuksaltirib, dargohimiz nufuzini oshirmoqda. Ilm-fan, ta’lim va tarbiya sohasida erishayotgan yutuqlaringiz biz uchun g‘urur va iftixor manbaidir.

Bugun universitetimiz jamoasida samarali faoliyat yuritayotgan ko‘plab professor-o‘qituvchilarimiz xalqaro ilmiy maydonda munosib o‘rin egallab, xorijiy tajribalarni o‘zlashtirib, ilmiy maktablar yaratmoqda. O‘tgan davr mobaynida qator xodimalarimiz davlat mukofotlari va nufuzli tanlovlar sovrindori bo‘lgani quvonarlidir.

Talaba-qizlarimiz esa o‘z bilim va salohiyati bilan nafaqat universitet, balki mamlakatimiz miqyosida ham yuqori natijalarga erishmoqda. Prezident va rektor stipendiyalari sohibalari, fan olimpiadalari g‘olibalari, sport musobaqalari chempionlari safi yildan-yilga kengayib bormoqda. Xorijiy oliy ta’lim muassasalarida tahsil olayotgan qizlarimiz esa Vatanimiz sha’nini munosib himoya qilmoqda.

Sizlarning intilinganingiz, matonatingiz va mehr-muruvvatingiz jamiyatimiz taraqqiyotining mustahkam tayanchidir. Kelgusida ham yuksak marralarni zabt etishingizga, orzu-intilishlaringiz ro‘yobga chiqishiga tilakdoshman.

Har biringizga sihat-salomatlik, oilaviy totuvlik, ilmiy va ijodiy zafarlar yor bo‘lsin. Bahoriy kayfiyat, e’tibor va ehtirom sizni doimo tark etmasin.

Bayramingiz muborak bo‘lsin!

Hurmat bilan,
Ilxomjon Tuxtasinov
O‘zbekiston davlat jahon tillari universiteti rektori

🌐 Biz ijtimoiy tarmoqlarda:
Telegram | Instagram | Facebook | Sayt