🙂🙂🙂🙂🙂🙂🙂🙂🙂🙂

🇺🇿 O‘zDJTU 🇺🇿 Yoshlar ittifoqi 🇺🇿 Roman-german filologiyasi fakulteti hamda 🇺🇿 Sharq filologiyasi fakulteti Kengashlari, shuningdek, 5-TTJ hamkorligida 8-mart munosabati bilan bayram tadbiri tashkil etildi.

Ushbu ma’naviy-ma’rifiy kechani 5-TTJ tarbiyachi pedagogi O.Raximov ochib berdi va samimiy tilaklarini bildirdi.

🌷“Ayol — mehr va nafosat timsoli” shiori ostida o‘tgan kechada iqtidorli talabalar tomonidan ona va ayol obrazini ulug‘lovchi she’riy guldastalar, kuy-qo‘shiqlar hamda qiziqarli sahna ko‘rinishlari namoyish etildi.

Tadbir barcha xotin-qizlarga ko‘tarinki kayfiyat va bayramona ruh bag‘ishladi. Tadbirda faol ishtirok etgan talaba-qizlar hamda tashkilotchilar munosib taqdirlandi.

🎉 Bayramingiz muborak bo‘lsin aziz ayollar!

🔹 Biz ijtimoiy tarmoqlarda:
🇺🇿 @rgf_ittifoq_tv
🇺🇿 @sharq_yoshlar_ittifoqi

🟦🟦🟦🟦🟦🟦🟦

🇺🇿 O‘zbekiston davlat jahon tillari universiteti
🇺🇿 Roman-german filologiyasi fakultetida “Bo‘lajak olim” nomli to‘garak doirasida “Xorijiy jurnallar bilan ishlash” mavzusida navbatdagi mashg‘ulot tashkil etildi.

💠 Mazkur to‘garak talabalarning ilmiy faoliyatga qiziqishini oshirish, ularni ilmiy tadqiqot ishlari bilan shug‘ullanishga yo‘naltirish hamda xalqaro ilmiy manbalar bilan ishlash ko‘nikmalarini shakllantirish maqsadida o‘tkazildi. Mashg‘ulot to‘garak rahbari Yusuf Ismoilov tomonidan olib borildi.

💠 Mashg‘ulot davomida talabalarga xorijiy ilmiy jurnallarni izlash, ularni tanlash mezonlari, maqolalarni tahlil qilish, ilmiy manbalardan to‘g‘ri foydalanish hamda xalqaro ilmiy bazalar bilan ishlash usullari haqida batafsil ma’lumotlar berildi. Shuningdek, ilmiy maqola yozishda xorijiy manbalardan foydalanishning ahamiyati va ularni to‘g‘ri keltirish qoidalari ham tushuntirib o‘tildi.

💠 Amaliy mashg‘ulotlar jarayonida talabalar bilan ilmiy maqolalarni tahlil qilish, xorijiy jurnallardan foydalanish va ilmiy ma’lumotlarni saralash bo‘yicha mashqlar bajarildi. Talabalarga ilmiy faoliyatni rivojlantirish hamda xalqaro ilmiy jurnallar bilan ishlash bo‘yicha muhim tavsiyalar berildi.

Mazkur to‘garak yosh tadqiqotchilarni ilmiy izlanishlarga jalb etish va ularning ilmiy salohiyatini oshirishda muhim ahamiyat kasb etadi.

🟦🟦🟦🟦🟦🟦🟦

🇺🇿 Joriy yilning 6-mart kuni O‘zbekiston davlat jahon tillari universiteti 🇺🇿 Roman-german filologiyasi fakulteti Fransuz tili amaliy fanlar kafedrasi dotsenti Z. Davronova tashabbusi bilan fransuz tili yo‘nalishi 2-bosqich talabalari o‘rtasida 8-Mart – Xalqaro xotin-qizlar bayrami munosabati bilan devoriy gazetalar tanlovi tashkil etildi.

✅ Tanlov jarayonida har bir guruh talabalari 8-Mart bayramining mazmun-mohiyati, ayollarning jamiyatdagi o‘rni va ahamiyati hamda mashhur ayol shaxslar haqidagi ma’lumotlarni o‘z ichiga olgan devoriy gazetalarni tayyorladilar. Gazetalarda bayramga bag‘ishlangan tabrik so‘zlari, she’rlar, qiziqarli ma’lumotlar, illyustratsiyalar va badiiy bezaklar keng o‘rin oldi. Bu esa talabalarning nafaqat ijodiy salohiyati, balki estetik didi va jamoada ishlash ko‘nikmalarini ham namoyon etdi.

✅ Tanlov davomida ishtirokchilar tomonidan tayyorlangan devoriy gazetalar mazmundorligi, badiiy bezatilishi, mavzuning to‘liq yoritilishi hamda ijodiy yondashuv kabi mezonlar asosida baholandi.

Hakamlar hay’ati qaroriga ko‘ra quyidagi guruhlar g‘olib deb topildi:
🥇 1-o‘rin — 2401-guruh talabalari
🥈 2-o‘rin — 2404-guruh talabalari
🥉 3-o‘rin — 2402-guruh talabalari

G‘olib guruhlar maxsus sertifikat va sovg‘alar bilan taqdirlandi.

🔺 Mazkur tadbir talabalar o‘rtasida bayramona muhit yaratish, xotin-qizlarga bo‘lgan hurmat va ehtirom tuyg‘ularini mustahkamlash hamda talabalarning ijodiy faolligini oshirishga xizmat qildi. Shuningdek, bunday ma’naviy-ma’rifiy tadbirlar yoshlarning madaniy dunyoqarashini kengaytirish va jamoada ishlash ko‘nikmalarini rivojlantirishda muhim ahamiyat kasb etadi. 🌷