🟦🟦🟦🟦🟦🟦🟦

🇺🇿 2026-yil 2-mart kuni O‘zbekiston davlat jahon tillari universiteti 🇺🇿 Roman-german filologiyasi fakulteti Fransuz tili amaliy fanlar kafedrasi dotsenti Z.Davronova tomonidan 2-kurs, FFRA-2404-guruh talabalari ishtirokida “O‘qish va yozish amaliyoti” fanidan ochiq dars tashkil etildi.

📝 Dars belgilangan reja asosida, zamonaviy pedagogik texnologiyalardan samarali foydalangan holda o‘tkazildi. “Être ou avoir” mavzusi doirasida olib borilgan mashg‘ulot talabalarning kommunikativ kompetensiyalarini rivojlantirishga qaratildi. Grammatik va leksik materiallar amaliy mashqlar orqali mustahkamlandi.

🎯 Mashg‘ulot davomida interaktiv metodlar — savol-javob, juftlikda ishlash, guruhli muhokama hamda rolli o‘yinlardan unumli foydalanildi. Bu esa talabalarning dars jarayonida faol ishtirokini ta’minladi.

💡 Darsning kirish qismida mavzuga oid qiziqarli savollar orqali talabalar faollashtirildi. Asosiy qismda turli mashqlar bajarildi, yakunda esa talabalar bilimi baholanib, umumiy xulosalar chiqarildi.

🎥 Shuningdek, multimedia vositalari, audio va video materiallardan foydalanish talabalarning tinglab tushunish va og‘zaki nutq ko‘nikmalarini rivojlantirishga xizmat qildi. Talabalar fransuz tilida erkin muloqot qilishga intilib, darsda yuqori faollik namoyish etdilar.

🟦🟦🟦🟦🟦🟦🟦

🇺🇿 O‘zbekiston davlat jahon tillari universiteti
🇺🇿 Roman-german filologiyasi fakultetida “Talabalar uchun ilmiy maqola yozish metodologiyasi” mavzusida nomdor stipendiyalarga tayyorlov to‘garagi tashkil etildi.

💠 Mazkur to‘garak 1-kurs FNEM talabalari ishtirokida bo‘lib o‘tdi hamda dars mashg‘ulotlari o‘qituvchi Xusinova Laylo tomonidan olib borildi. To‘garak davomida talabalarga ilmiy maqola yozishning asosiy bosqichlari, ilmiy uslub talablari, mavzu tanlash, tadqiqot metodlarini to‘g‘ri qo‘llash hamda ilmiy manbalar bilan ishlash ko‘nikmalari haqida batafsil tushunchalar berildi.

💠 Shuningdek, nomdor stipendiyalarga hujjat topshirishda muhim ahamiyatga ega bo‘lgan ilmiy maqola tayyorlash, uning tuzilishi, annotatsiya, kalit so‘zlar, kirish, asosiy qism va xulosa kabi bo‘limlarni to‘g‘ri shakllantirish masalalariga alohida e’tibor qaratildi. Talabalar bilan amaliy mashg‘ulotlar olib borilib, ilmiy fikrni aniq va mantiqiy ifodalash, ilmiy til va uslubdan to‘g‘ri foydalanish bo‘yicha tavsiyalar berildi.

Mazkur to‘garak yosh tadqiqotchilarni ilmiy faoliyatga jalb etish, ularning ilmiy salohiyatini oshirish hamda kelgusida turli nomdor stipendiyalar tanlovlarida muvaffaqiyatli ishtirok etishlari uchun muhim ahamiyat kasb etadi.

📚 ILMIY TO‘GARAK: IMRAD MODELI – ILMIY MAQOLA YOZISHNING ZAMONAVIY METODI

2026-yil 4-mart kuni O‘zbekiston davlat jahon tillari universiteti Ispan tili amaliy fanlar kafedrasi tomonidan navbatdagi ilmiy to‘garak mashg‘uloti tashkil etildi. Mazkur tadbir ilmiy izlanishlarga qiziqayotgan talabalar hamda yosh tadqiqotchilar uchun muhim nazariy va amaliy bilimlar manbai bo‘ldi.

Ilmiy to‘garak davomida zamonaviy ilmiy tadqiqotlarda keng qo‘llaniladigan IMRAD modelining har bir bosqichi batafsil tahlil qilindi. Ishtirokchilarga ilmiy maqola yozish jarayonida ushbu modeldan foydalanishning metodologik ahamiyati, ilmiy fikrni tizimli bayon etishdagi roli hamda xalqaro ilmiy jurnallarda maqola tayyorlash jarayonidagi o‘rni haqida atroflicha ma’lumotlar berildi.

Ta’kidlanganidek, IMRAD modeli bugungi kunda dunyo ilmiy hamjamiyatida eng samarali va keng qo‘llaniladigan ilmiy maqola tuzilmasi hisoblanadi. Mazkur model tadqiqotni aniq reja asosida bayon etish, ilmiy natijalarni izchil va mantiqiy tarzda taqdim etish hamda ilmiy ishlarning xalqaro standartlarga mos bo‘lishini ta’minlashga xizmat qiladi.

To‘garak davomida talabalar ilmiy maqola yozish uchun material topish va tadqiqot metodlarini tanlash, natijalarni tahlil qilish hamda ilmiy muhokama yuritish bo‘yicha amaliy tavsiyalar bilan tanishdilar. Shuningdek, ilmiy faoliyat bilan shug‘ullanish, maqolalarni xalqaro ilmiy jurnallarda chop etish va ilmiy yozuv madaniyatini rivojlantirish yuzasidan savol-javoblar ham tashkil etildi.

Mazkur ilmiy to‘garak mashg‘ulotini professor Dilrabo Baxronova hamda o‘qituvchi Fotima Abdullayeva olib bordilar. Ularning ilmiy va metodik tavsiyalari talabalar uchun muhim bilim va tajriba manbai bo‘ldi.

Bunday ilmiy to‘garaklar talabalarning ilmiy tafakkurini rivojlantirish, ularni zamonaviy ilmiy metodologiya bilan tanishtirish hamda ilmiy faoliyatga faol jalb etishda muhim ahamiyat kasb etadi.

✅ Biz bilan birga bo’ling!

📱 Telegram 📱 Instagram 📱 You Tube