الصبر زين وعزت النفس تغنيك
عن منت العربان قاصي وداني

إن ما عطاك الله فلاحد بمعطيك
أقنع بمقسومك ترى العمر فاني

أسهر مع النجمه اللي مابعد غابت
واراقب نجوم الليل لا طال مسراها

كم ليلة من هواجيس السهر شابت
يغشى سحرها جدايل ليل ضلماها

يارفيقي والله إني على قد الطموح
حتزم بي حزه الضيق وأطلب ماتبي

والله إني للرفاقه مثل طب الجروح
والثقايل عنك ينقل ثقلها منكبي

مستوحش الديره و مستغرب الدار
وماني على الغيباتت راععي طويله

تماسكي ياعيوني وارضي ب الاقدار
درب الصعايب ماكل نفس تجيله

اتعب ورى حلم عقدت الأمل فيه
لو مابقى من عمرك الا شرايد

وان صلفقتك اللي لها عدة وجيه
اضحك لها ضحكة وسيع البنايد

يا كبر قدرك يا رفيقي عن الناس
ما يشبهك في طبعك الا المرايا

هي تعكس الأشياء بدقه ومقياس
و أنت تعكس طيبك وبيض النوايا

تكسرت جنحان عمري وأنا أشوف
لا الوقت راحمني ولا الريح هدت

جدت على أحزان وأرهقني الخوف
وطارت طمأنينة حياتي .. وصدت

لا تنشدوني ياعرب وين ما روح
بسري مع الهاجوس واتبع ضنوني

الضيقه اللي تااتي شوي وتروح
واحيان تقعد .. ليين تبكي عيوني

عند المواقف تكشف الكفو واسواه
تكتشف لك الرجال واللي لقيته

عليك باللي بذل المال والجاه
يبهج ضميرك لا وصلته وجيته

كم ضاع من وقتي وجهدي ومالي
واقدارنا هبّت بنا عکس مرساه

جعل العوض عن ماضيات الليالي
مستقبل ما ننحرم من عطاياه

اضرب العالم انا يمناك منت لحالك
ابتسم جعل الوجيه المبغضه يفدونك

و أن تكدر خاطرك و لا تعكر بالك
والله اني لا اقلب الدنيا واوقف دونك

لا مات صبر الحليم وضاعت الذمه
سافر بليا موادع و الطريق اطوه

عزز طموحك و شد الحيل والهمه
ما يرضخ المجد غير لواثق الخطوه

والله لولا الخوف من خالق الناس
وسلوم ناسس ذكرها تالي اسمي

لا اورد الغايه مواريد جساس
واخذ من اصناف الملذات قسمي

تعبت ارد العوج وادرج الهرج .
مدري سعه من صدر ولا غشامه

أحب راعي الفعل ماداني الهرج
الكفو يفعل والهلامه هلامه

ودي اسخر لك الدنيا وما فيها
وتعيش عمرك عن الآلام ما تدري

واشيل حمل الليالي عنك واخفيها
من عيني لكتفي ومن كتفي لصدري

يا مرحبا ياعذاب القلب وعلاجه
ترحيبة المبطي اللي جاه محبوبه

لا تحسب ان المحبه شوف ومواجه
الحب عذري وعذر الحب عذروبه

ما أقول لك ما ابطيت بالوصل واخطيت
لكن عزاي انك تعرف إني ايااي

وش حال قلبك عقب ما غبت وابطيت
عساك ما أعطيته لاحد عقب فرقاي

صحيح ما ندري عن اللي يكنون
ولحد عن قلوب الاوادم تنبا

مهما الليالي تستر اللي يخبون
تبــدي لــک الايـام ما تخـبااً

خلاص لا ترجع ترانا سلينا
ما كنت أصدق يوم أني بنساك

في بعدكم ياما عليكم بكينا
و اليوم ما تطري على البال ذكراك

خل الي غير حنانك علينا
يعطيك من قلبه ربع ما عطيناك

_