#កម្រងរូបភាព៖ យុវជនស្រឡាញ់បរិស្ថានហែក្បួនដាក់ញត្តិឱ្យក្រសួងពាក់ព័ន្ធដាក់កោះកុងក្រៅជាឧទ្យានជាតិ
---
​ក្រុមយុវជនស្រឡាញ់បរិស្ថាន និងធនធានធម្មជាតិ ជិត ២០ នាក់ នៅព្រឹកថ្ងៃទី១៧ ខែកក្កដា នាំគ្នាហែក្បួនដាក់ញត្តិ ទៅដាក់ក្រសួងពាក់ព័ន្ធ ដើម្បីស្នើឲ្យពន្លឿនដំណើរការដាក់កោះកុងក្រៅទាំងមូល ជាឧទ្យានជាតិសមុទ្រ និងដកអាជ្ញាប័ណ្ណអភិវឌ្ឍន៍កោះកុងក្រៅពីក្រុមហ៊ុនកោះកុងអេស.អ៊ី.ហ្សិត ( Koh Kong SEZ) របស់លោកឧកញ៉ាលី យ៉ុងផាត់ ព្រមទាំងស្នើឲ្យទម្លាក់ចោលបទចោទលើសកម្មជនមាតាធម្មជាតិ រួមមាន លោក ថុន រដ្ឋា កញ្ញា ឡុង គន្ធា កញ្ញា ភួន កែវរស្មី លោក លី ច័ន្ទដារ៉ាវុធ លោក យឹម លាងហ៊ី និងកញ្ញា ស៊ុន រដ្ឋា ផងដែរ។ ញត្តិអេឡិចត្រូនិចនេះ បានដាក់ផ្សាយជាសាធារណៈនៅលើវែបសាយ របស់អង្គការ Rain Forest Rescue និងមានមនុស្សជាង ១៣ម៉ឺននាក់ (133.357) បានចុះហត្ថលេខាគាំទ្រនោះ គឺដាក់ទៅកាន់នាយករដ្ឋមន្ត្រីហ៊ុន សែន រដ្ឋមន្ត្រីក្រសួងបរិស្ថាន លោក សាយ សំអាល់ និងរដ្ឋមន្ត្រីក្រសួងទេសចរណ៍ លោក ថោង ខុន។
---
#RFAKhmer #Cambodia #Environment #KohKongIsland #SaveKohKongIsland #LyYongPhat