អ្នក​ជំនាញ​ផ្នែក​ច្បាប់​មិន​រំពឹង​ថា ស្ថានភាព​នៃ​ឧក្រិដ្ឋកម្ម​ជួញដូរ​មនុស្ស​នៅ​កម្ពុជា​ធូរស្រាល​នោះ​ទេ ខណៈ​កម្ពុជា​នៅតែ​បន្ត​ជាប់​ឈ្មោះ​ជា​ប្រទេស​មាន​អំពើពុករលួយ​ធ្ងន់ធ្ងរ ហើយ​រដ្ឋាភិបាល​គ្មាន​ការស៊ើបអង្កេត​រក​មេ​ខ្លោង​ធំៗ​នៅ​ពី​ក្រោយ​ខ្នង​នៃ​ឧក្រិដ្ឋកម្ម​នេះ។
អ្នកច្បាប់​នៅតែ​ព្រួយបារម្ភ​ចំពោះ​កម្ពុជា​ថា នឹង​អាច​ងាយ​ប្រឈម​ក្លាយ​ជា​ទីតាំង​នៃ​សម្បុក​របស់​ក្រុម​ឧក្រិដ្ឋជន​លួច​សម្ងំ​ប្រព្រឹត្ត​នូវ​បទល្មើស​ឧក្រិដ្ឋកម្ម​ជួញដូរ​មនុស្ស ដោយសារ​តែ​ប្រព័ន្ធ​គ្រប់គ្រង​រដ្ឋ​របស់​រដ្ឋាភិបាល​នៅ​ទន់ខ្សោយ និង​គ្មាន​តម្លាភាព ព្រមទាំង​មាន​អំពើពុករលួយ​ជា​ប្រព័ន្ធ។
អាន​ពិស្ដារ៖ https://kh.rfa.org/RUvsvq #RFAKhmer #Cambodia #Chinareach #HumanTrafficking

ក្បួន​ធម្មយាត្រា​ដឹកនាំ​ដោយ​សមាគម​គ្រូ​បង្រៀន​កម្ពុជា​ឯករាជ្យ ដើម្បី​លើក​កម្ពស់​សីលធម៌​សង្គម​ នៅ​ថ្ងៃ​ទី៣​នេះ បាន​ធ្វើ​ដំណើរ​ជិត​ដល់​ក្រុង​កំពង់ឆ្នាំង​ហើយ គិត​ត្រឹម​រសៀល​ថ្ងៃទី៣ កុម្ភៈ។ បើ​ទោះ​បី​ជា ​អាជ្ញាធរ​នៅ​តាម​មូលដ្ឋាន​នៅ​តែ​បន្ត​តាម​ឃ្លាំ​មើល និង​លួច​ថត​រូប​អ្នក​ចូល​រួម​ធម្មយាត្រា​យ៉ាង​ណា​ក្ដី​ ប្រជា​ពលរដ្ឋ​នៅ​តាម​ដង​ផ្លូវ នៅ​តែ​គាំទ្រ​ដល់​ក្រុម​ធម្មយាត្រា តាមរយៈ​ការ​ឧបត្ថម្ភ​ជា​ទឹក គ្រឿង​ឧបភោគ​បរិភោគ​ និង​ចូល​រួម​ដំណើរ​ធម្មយាត្រា​នេះ​ផង​ដែរ។
អាន​ពិស្ដារ៖ https://kh.rfa.org/sNYqMl
#RFAKhmer #Cambodia #PhnomPenh #Pursat #RongChhun #OukChhayavy #SophornMey #PichSovann