ما دام العوض أنتَ
وحان وي الفرح دوري
كلشي من الله بي حكمه
« وما راحن هدر خبزات تنوري »
- رسل فهد🤎

ميهمني من أموت المهم أنتَ وياي
منو ما يدري أنت شكثر تهواني
ومنو ما يدري شمعة شكثر عاشكتك
« من كد ما أحبك متت شابكتك » .
- رسل فهد🤎

يَـ أعز نَـاسي
تتذكرني لو نَـاسي

-رُسـل فَهـد 🤎

تبچي تگلي تنساني !
يول أنتِ الجكارة الشوهت شفتي
العمر ما يكمل بلياج
تفكة و عد رتب و تخيليها انتِ
اروح لغيرچ ؟
انت شبيج !
دحكي بعيني شتشوفين يا نذلة
أهو البيدة ظفيرة
دگول حبل أعدام
یرف كلبة أعلة يا گذلة ؟
- رسل فهد🤎

ترى مليت مو گلتو العُمر سَفرة ؟
سمعت من الحلوگ اشكال
مدري شعاف گلبي و شال
خلگ مطلگة صغيرة
ها يا روح ؟
صرتي الغالية شچم يوم !
من يغلى الدوه يعني المرض موزين
بس متصيرلچ عِبرة ..
گتلچ باچر يبيعوچ
أمشي بدرب كلة أكزازّ
و لا تمشين ع الفطرة
خوفتي من الجاي تشبه
خوفة الكتال اذا دَگ بابة حيل ..
رخص تارس وجوه الناس
مشبوهة بشكل دنياي
( بيت و بي تطب نسوان نص الليل ).
شجابني شوداني يمهم ؟
گلوبهم گلب الــ ( يعذب )
و انا عندي رويحة ترفة تفشل جناح الحَمام
يا رخص ذيچ الوعود الماوفوها
تشبه دموع أمي من تطب أمام
⁃ رُسل فَهد🤎

نريدك لان مَنحصلك و لا نكَدر نكون وياك
وحقك لو سهل جا ما هويناك

- رُسل فَهد🤎

موبَس عيني ، كلبي يريد هَم يبجي
هسة أنا استحي !!
انتَ شبيك ما تحجِي ؟؟؟

- رُسل فَهد🤎

ترى صدكونة ، تعبانين
بصغرنا الحَزن مالينا
مثل الغربة عيشة و موت
من سير علينا الخوف
ما لمنة حضن بي خير
و أحنة بنص أهالينا
- رُسل فَهد🤎

لتفكر أبد ب فلوس !!
هاي الشغلة مو عندي
ما تدري يبعد الروح ؟
الخبزة وياك أطيب من طبق مندي
-رُسـل فَهـد 🤎

من درت الوجه عني
عرفتك ما هويت بيومٍ
و وصل حبل الجذب حَدة
الزلم من تهوة خايب سيفها تحدة
-رُسل فَهد 🤎

خاب شجابك !!! شوداك ؟؟
مدري شلون كلبي ويا
المصيبة شراح يجمعها
ال عَجل والجا
-رُسـل فَهـد 🤎

خايب صدك تحجي؟ جذب !
شيسكت حلوكَ الحجوّ
جا موش نتخارب ولك
واهل المصيبة تصالحوا
- رُسل فهد 🤎