Адахан Мадумаровду кылмыш жообуна тартууга макулдук берүү маселесин кароо үчүн атайын депутаттык комиссия түзүлдү

Комиссиянын курамына депутаттар Карим Ханджеза, Кундузбек Сулайманов, Миргүл Темирбаева, Гуля Кожокулова, Мурадил Сыдыков, Фарходбек Алимжанов, Мирлан Самыйкожо, Динара Ашимова кирди.

Reporter.kg

Камчы Көлбаевдин уюшкан кылмыштуу тобунун 4 мүчөсү камакка алынды

Маалым болгондой, алардын бөгөт чарасы 25-майда Биринчи май райондук сотунда каралып, шектүүлөр тергөө аяктаганга чейин камакка алынган. Алар УКМКнын тергөө абагында камакта болот. 

Эскерте кетсек, 23-майда Камчы Көлбаевдин кылмыштуу тобунун «Алтуха» (А.И.), «Протез» (А.Ш.), «Кеня» (К.Т.) жана А.К. аттуу мүчөлөрү Кытайдан жүк ташыган ишкерлер менен жарандардын товарларын тартып алып жүргөн деп шектелип кармалган. Учурда бул ишке абакта отурган адамдардын катыштыгы текшерилүүдө.

Reporter.kg

2010-жылдагы июнь окуясында ИИМ кызматкерин өлтүрүүгө шектүүлөр кармалды

Шектүү катары 39 жаштагы И.Ш. жана 46 жаштагы Ж.А. аттуу Сузак районунун тургундары кармалган.

Алар 2010-жылы Сузак айылында милициянын подполковнигин өлтүргөн деп шектелүүдө.

Учурда алар камакка алынган.

Толугу менен 👉 Reporter.kg

ЖК депутатын шайлоо. Дагы бир талапкер - Улан Сариев добуш сатып алууга шектелүүдө

Эскерте кетсек, 28-майда Бишкектин Ленин району боюнча Жогорку Кеңештин депутаттыгына шайлоо болуп өткөн.

Reporter.kg

Быйыл «балага сүйүнчү» төлөөгө 740,9 млн сом каралган. Бул тууралуу Финансы министрлиги билдирди.

Учурда Кыргызстанда «балага сүйүнчү» жөлөкпулу жаңы төрөлгөн ымыркайга 4 миң сом өлчөмүндө берилет. Эгер үч эм (же андан ашык) төрөлгөн учурда ар бир наристеге 50 миң сомдон «сүйүнчү» тапшырылат.

Былтыр Кыргызстанда 130,2 миң наристеге 522,8 млн сомго «балага сүйүнчү» берилген.

Reporter.kg

«Айылдыктарга көмөк» жөлөкпулун киргизүү сунушталууда

Мыйзам долбоорун депутат Адахан Мадумаров даярдаган.

Толугу менен 👉 Reporter.kg

Эки жыл мурда соттолгон «Казак» эмнеге абакта эмес? Соттун жообу

Коомчулукка белгилүү болгондой, «Казак» каймана аты бар Умар Маратов 2020-жылы 26-майда Ош шаардык соттун өкүмү менен 16 жашар кызды зордуктаган деп айыпталып 10 жылга эркинен ажыратылган.

Жакында эле ал опузалоого шектелип кармалып, бирок эч жакка кетпөө тилкаты менен камактан чыкты. Анын тергөө жүргөн учурда камакка алынбаганы, аны менен бирге боштондукта жүргөнү коомчулукта «эмне себептен ал абакта эмес?» деген суроо жараткан.

Маалым болгондой, Ош шаардык сот Умар Маратовго өкүм чыгаргандан кийин анын иши 2021-жылдын 27-октябрында облустук сотто каралып, сот Маратовду актаган. Ага байланыштуу ал абактан чыккан.

Андан кийин иш 2022-жылдын 2-июнунда кассациялык сотто каралып, Жогорку сот облустук соттун Маратовду актоо тууралуу өкүмүн күчүндө калтырган.

Reporter.kg

Бишкекте күрөш боюнча дүйнөлүк рейтингдик мелдеш өтүүдө

Мелдеш 1-июнда башталып, таймаш грек-рим күрөшү боюнча балбандар арасында болду. Турнирдин биринчи күнүндө 97 кг салмакта Бексултан Махмудов жана 63 кг салмакта Дастан Кадыров коло байге тагынды.

Эскерте кетсек, мелдеш 1-4-июнь күндөрү «Бишкек-Арена» муз аянтчасында болуп өтөт. Ага дүйнөнүн булуң-бурчунан келген 500дөн ашык спортчу катышууда.

Reporter.kg

Касым-Жомарт Токаев Кыргызстанга келди

Токаев Кыргызстанга бүгүн, 2-июнда Чолпон-Атада өтө турган «Европа Биримдиги — Борбор Азия» саммитине катышуу үчүн келген.

Аны «Ысык-Көл» аэропортунан Министрлер кабинетинин төрагасы Акылбек Жапаров тосуп алган.

Reporter.kg

Өзгөн шаарынын четинен ок-дары жана гранаталар сакталган жашыруун жай табылды

"8 даана граната, 6 даана модернизацияланган бирдиктүү кол гранатасынын сактагычы (запал УЗРГМ), 5,45 мм калибрдеги 114 патрон, 7,62 мм калибрдеги 46 патрон, 9 мм калибрдеги 1 патрон (Глок тапанчасынын), 7,62 мм калибрдеги 1 гильза табылып алынды", - деп айтылат маалыматта.

Табылып алынган ок-дарылар боюнча тиешелүү экспертизалар дайындалды.

Reporter.kg

Мээрим Жуманазарова казакстандык балбан кыздан реванш алды

Бишкекте өтүп жаткан күрөш боюнча рейтингдик мелдештин чейрек финалында Жуманазарова казакстандык Елена Шалыгинаны жеңип алды.

Белгилүү болгондой, Жуманазарова менен Шалыгина быйыл Алматыда өткөн Азия биринчилигинде коло байге үчүн күрөшкөн. Беттеш учурунда Шалыгина Жуманазарованы мурунга сүзгөн. Жуманазарованын мурдунан кан агып, токтобогондуктан, беттеш токтотулуп, жеңиш Шалыгинага берилген.

Белгилей кетсек, Жуманазарова жарым финалда монголиялык балбан кызга жеңилип калып, коло үчүн күрөшө турган болду. Үчүнчү орун үчүн ал өзбекстандык балбан менен күч сынашат.

Чолпон-Атада Садыр Жапаров Эмомали Рахмон менен жолугушту

Президент Садыр Жапаров бүгүн, 2-июнда, Чолпон-Ата шаарында Тажикстандын президенти Эмомали Рахмон менен жолугушту.

Өлкө лидерлери кыргыз-тажик эки тараптуу кызматташтыгынын актуалдуу маселелерин жана келечегин, аймактык жана эл аралык күн тартибинин артыкчылыктарын талкуулашты.

Сүйлөшүүлөрдүн жүрүшүндө кыргыз-тажик мамлекеттик чек арасын делимитациялоо жана демаркациялоо маселесине өзгөчө көңүл бурулду.
Мамлекет башчылары акыркы жылдарда эки өлкөнүн ортосундагы мамлекеттик чек аранын долбоордук линиясын макулдашуу боюнча азыркы учурга жетишилген натыйжага канааттануусун билдиришти.

Reporter.kg