Тууну өзгөртүүгө каршы чыккан активистке 70 миң сом айыппул салынды

Бишкектин Ленин райондук соту активист Афтандил Жоробековго өкүм чыгарды. Жактоочу Нурбек Сыдыков Reporter.kg’ге билдиргендей, сот активистти 327-берене (бийликти күч менен басып алууга чакырыктар) боюнча күнөөлүү деп таап, 70 миң сом айып салган.

Эскерте кетсек, былтыр Кыргызстандын туусун өзгөртүү демилгеси көтөрүлгөндө, коомчулук, анын ичинде бир катар активисттер ага каршы чыккан. Алардын арасында автивист Афтандил Жоробеков да бар болгон. Жоробеков тууну өзгөртүүгө каршылыгын билдирүү үчүн тынчтык акцияларды уюштурарын жарыялаган.

Жоробеков 9-декабрда Бишкектин Горький сейил багында тынчтык митингин уюштурууну пландаган. Бирок ага жетпей эле 7-декабрда активист милиция тарабынан кармалган. Жоробековго «массалык башаламандыктарга чакырык жасоо» беренеси боюнча айып тагылган. Ал жарым жылдан ашык убакыт тергөө абагында отуруп, үй камагына чыккан.

Бишкекте автобус менен жеңил унаа сүзүштү

Мэриянын маалыматы боюнча, жол кырсык бүгүн эртең менен саат 09:15тер чамасында болгон. Автобус Айни көчөсү менен (башкы жолдо) чыгышты көздөй бараткан. Ал Шота Руставели көчөсүнө жеткенде, Nissan унаасы аны өткөрбөй сол капталын сүзгөн. Анын айынан автобус жол жээгинде турган унааны сүзүп токтогон.

Жол кырсыктан жабыркагандар бар. Бул факт боюнча Милициянын кайгуул кызматы териштирүү иштерин баштады.

Рысбек Сагынбеков «Бишкекшаарлифт» муниципалдык ишканасынын директору болуп дайындалды

https://reporter.kg/bishkekshaarlift-ishkanasyna-zhany-direktor-dajyndaldy/

Бишкектеги студенттер 5-6-ноябрда онлайн окушат

Билим берүү министрлиги билдиргендей, 6-ноябрда борбор калаада Түрк мамлекеттер уюмунун саммити өтө тургандыгына байланыштуу жогорку окуу жайдын, колледж жана лицейлердин студенттери 5-6-ноябрда онлайн окуйт.

Кышкы дөңгөлөгү жок унаалар алыскы жолго чыгарылбайт

Жол милициясы өлкөдө аба ырайы кескин өзгөрө турганын, мындан улам алыскы жолго чыккан айдоочулар дөңгөлөктөрүн кышкыга алмаштырышы керектигин эскертет. Эгер бул талап аткарылбаса, айдоочулар «Сосновка», «Чычкан», «Арал» постторунан өткөрүлбөйт.

Ошондой эле башкармалык айдоочуларды жанына кошумча дөңгөлөк, дөңгөлөккө ороо үчүн чынжыр алып алууга, карама-каршы тилкеге чыкпоого, унаалар ортосундагы аралыкты сактоого чакырат.

Нурлан Мотуев үй камагына чыгарылды

Тергөөчү келтирген өтүнүч боюнча сот Нурлан Мотуевди 29-декабрга чейин камакка чыгарган.

Эскерте кетсек, буга чейин Мотуев улуттар аралык кастыкты козутугууга шектелип кармалган.

Бишкекте Түрк мамлекеттер уюмунун саммити өтө тургандыгына байланыштуу 4нөн 7-ноябрга чейин борбор калаада троллейбустар каттамга чыкпайт

Мэрия аталган иш-чара аяктагандан кийин троллейбустар кайра каттай баштай турганын кабарлады. Шаар бийлиги аталган жагдайга түшүнүү менен кароого чакырат.

Эскерте кетсек, быйыл мэрия Бишкектеги троллейбустардын көбүн каттамдан алып, Ош жана Нарын шаарларына берген. Борбор калаада №11 жана 14 каттамтагы троллейбустар гана калган.

Бишкекте чет элдик жарандар мушташып кеткен

Окуя 3-ноябрда саат 04:50лөр чамасында болгон.

Бул факт боюнча милицияга 23 жаштагы Х.Т. жана У.М. аттуу чет элдиктер жеткирилген. Алардын бири У.М. милицияга арыз жазган.

Алар пикир келишпестиктен улам мушташып кеткени аныкталган.

Учурда тиешелүү экспертизалар дайындалып, тергөө жүрүүдө.

Режеп Тайып Эрдоган I даражадагы «Манас» ордени менен сыйланды

Бул сыйлык ага Кыргызстан менен Түркиянын ортосундагы стратегиялык кызматташтыкты өнүктүрүүгө, эки элдин биримдигин жана достугун чыңдоого кошкон олуттуу салымы үчүн ыйгарылган.